James 3:9 - ASII LAKDAP Bible (BSI)

⁹ Nashiq raq armaq, nashiq Tatiwe kiimaq nashiq ma Na Wejong Shiikeawe ma kechutum achü jaü tiikai. Kiimahali, Shiikeawe raq apaiq sham ikha, naphan namaq maiqse ngusaq kra phansangto. Tsangshiq ma nashiq raq manson kiqsü bom tiikai.

Hawa Naga Bible 2001

⁹ Naungshiq rueq naungshiq Taungjix nuiyc Vwaz ngauz vngax kuex tvtsvmc shix nuex muinz tvlix maq tvtsvmc vshix, Tishox shvmx rulc rv-ngvlc vtvdung taq miqsaz kuex httonx tvmx shix nuex muinz kvruex maq httonx vshix.

Muklom

⁹ Phali shey hiqtang Teyhungwa nia Wa sha hiqtang aa tasapsey i; etho eshi phali shey hun hiqtang aa miqdak tang ma manthun ko i, bara Shkewa piq mal hunta.

James 3:9 Referencias Cruzadas

RAPHA HIQWA LAK 5:1

Arka Atam saüse phan manphan raüpot. (Shiikeawe raq maiq phansangtaq akhing na, apaiq raq tsangshiq ka apaiq la apaiq kloto.

RAPHA HIQWA LAK 9:6

Maiqse ka Shiikeawe ikha phansangto. Kriikha maq jurwa maiqse miisaq tantlaq, kriiti miisaq kiimin akongtibi maiq raq mitan wan.

2 SAMUEL 16:5

Hokhamwe Dawit ka Bahurim chela niishe saühoto. Kiijiishe Saul tahii phan wa maiq weshi Gera se, Shimei ka apaiq phana riihumkai kito. Raüta apaiq ka Dawit rai riihumri li she, manson kiqsü she riiqkhiq maq sonsiq wanto.

2 SAMUEL 19:21

Jeruia se Abishai raq nguto: “Shimei ka atsai chang. Jamkhano ngukla apaiq raq Tatiwe raq ashong hokhamwe ka manson kiqsü riikhiq maq sonto.”

1 KAÜWA WERAÜ 29:10

Kiijaq mungmaiqse thungtlaq khaki na Hokhamwe Dawit raq Tatiwe ka tiitsamto. Apaiq raq akha nguto, “Naiti Jakob Tatiwe Shiikeawe lei, ümmang ka pattup pat-sa tiitsam wan ruq li mirlaq!

1 KAÜWA WERAÜ 29:20

Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.

Tvtsvmc 10:7

Apaiq bomchong ka manson kiqsüli, arot akiqli, maiq shiikeng seali bomtlo; apaiq riika maiq ma thaüpakpak phoq ngeng bom kiimaq namtoktok bomkuqtlo.

Tvtsvmc 108:1

Imongjii ka phataqtaq, O Shiikeawe lei! Ngi mishingeha lata ümnaq mitiitsamha! Itsaiji lei tiidolaq!

Tvtsvmc 145:1

Ngi raq ümjonglu kra chiiriim lata michongha, i Shiikeawe kiimaq i hokhamwe lei; ngi raq ümniima pattup pat-sa kechu mitumha.

Tvtsvmc 145:21

Ngi raq wranaiqshe Tatiwe mitiitsamha; apaiq raq aphansang wan kunli raq apaiq asii mang ka pattup pat-sa tiitsam ronglaq.

Tvtsvmc 16:9

Arningkhan ngi kai kechu tum tiikang kiimaq chochi tiikang, krai mren ngi ka haihü songhü mak riijap mang sitiikang.

Tvtsvmc 30:12

Kra ningkhan ngi ka kaiqshak nga mang she; ngi raq ümnaq tiitsam shi mishiha. Tatiwe, ümniika i Shiikeawe, Ngi raq ümniima pattup pat-sa kechu mitumkuq kang.

Tvtsvmc 34:1

Ngi raq Tatiwe ma wranaiqshe kechu mitumha; ngi raq apaiq tiitsamkam ka ümtiikiimin tsaq mang.

Tvtsvmc 35:28

Kiitiikaq ngi raq ümnaq kechu jaq sham kra chiiriim lata michongha, kiimaq ngi raq ümniika ranaiq minru mitiitsamha.

Tvtsvmc 51:14

Imiisaq ka tiihang kuqlaq, O Shiikeawe lei, laüta ngi ka chhiilaq, raüla ngi raq ümniika tingting jaqshamti dea nguta chojongchise maq chiiriim lata michong kuqha.

Tvtsvmc 57:8

Itsaiji lei, akon wa samlaq! Sam ronglaq, ihünong toropo nai ipaimin chü lei! Ngi raq rashe kaü ka mitiisamha.

Tvtsvmc 59:12

Tsangtili na ngaraibu phong, tsang bomtsi ka ngarai tamli; Tsangshiq ka tsang shiikongtam riili mibiilaq! Jamkhano ngukla tsangshiq raq mansontlo kiimaq arot chongtlo,

Tvtsvmc 62:4

Namshiq raq apaiq ka aki miikiim ngachang wa tiidea hitbaiq haijaq nguta tankhantlan; namshiq ka arot bom chongsea na polosiqtlan. Namshiq raq ramram bom bomtlan, shatmaq nam tsan mong maq apaiq ka ason riitlan.

Tvtsvmc 63:4

Ngi atra sikang wiiwii ümniima kechu mitumha; ijaq ra na dolata ümjaq wa achu mijaüha.

Tvtsvmc 71:24

Ngi raq ümnaq kechu ka ranaiq minru michongkuqha, jamkhano ngukla idü na jaqmiiqlai nguta tankhanti thun ka wiita tiideabaiq wan laü kiimaq tsangshiq ma jea tiingaü kuqlaü.

THARC TVLUINGC 7:22

Kiimaq ümniiraq nanok jang pahea shummii wan laü kriimin la ümniiraq asap haü.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

Matthew 26:74

Kiijiishe Petar raq, “Shiikeawe raq asap! Ngi raq tengteng chongtiikang! Ngi raq apaiq ka juwa asap man sap mang!” ngutiishe khiilataq tiidamkito. Apaiq raq kra bomtre tlaq liipan niili she, wuwa riigoli riito.

Matthew 5:44

Shatmaq ümchaü ngi raq namshiq ma chongpha: Namjaqti thun ka lungwii ronglaq. Kiimaq namshiq tiichamchaoti ma achu jaükuq ronglaq.

Acts 2:26

Kriikha maq, ngi ka khoqriiq shishiiq miili sitiikang. Abom anai wali i thea ashe maq sitiikang. Ngi ka mangjong hiqda ashi li siwan kang jiimin, Shiikeawe kiqkham jaqkhaq raü na riiwiiq lata misi wan ha.

Romans 3:14

Tsangbom tsangsa ka namtoktok; manson kiqsü tam li sitlo.

1 Corinthians 11:7

Kiimaq maiqwe riika, akhu phop ka raa mak. Ara jamkhano ngukla, apaiq raq Shiikeawe tsaiji nai Shiikeawe ngao ka tiichhai nyii tlo. Shatmaq jechak riika maiqwe ngao tiijonglu tlo.

Ephesians 1:3

Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

James 3:10

Maiqse riika, anü pushi miili, kechutum ke bomtsi min bomtlo. Kiimaq maiqmii kongti ma, manson kiqsü bomtsi kiimin bom tlo. Lungwii phunainotiim lei, ümchaü sanha, nashiq Phungmaiqse nübok miika, akha bom mai she riichang!

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

PHOWEBI 9:27

Kiimaq tsangshiq tarü maiqmiimii spiqro na spiqtsi pankai kihoto. Raüta spiqtsi maq spiqtai kloto. Raüta poi kloto. Raüta tsangshiq ka tsangshiq raq noq tlaq sumla phra shomjam kiina wawanto. Kiijaq tsangshiq ka chenyang dungsea peokhiq peoto. Raüta tsangshiq raq Abimelekh ma shummii laqpii she saisito.