James 3:10 - Hawa Naga Bible 2001

¹⁰ Nuix vshiz maq dvyx kejux tvtsvmc kvjaz nuiyc mvnhttonc kvjaz dung yaq. Iphuz inox bix lex, kvkhoc kuex yaungc mvy muq!

ASII LAKDAP Bible (BSI)

¹⁰ Maiqse riika, anü pushi miili, kechutum ke bomtsi min bomtlo. Kiimaq maiqmii kongti ma, manson kiqsü bomtsi kiimin bom tlo. Lungwii phunainotiim lei, ümchaü sanha, nashiq Phungmaiqse nübok miika, akha bom mai she riichang!

Muklom

¹⁰ Ashey nung wang tasapsey nia manthun raaq sha thalat aa. I no nia pho tang, irimal ang ching ang moq!

James 3:10 Referencias Cruzadas

RAPHA HIQWA LAK 20:9

Kvruex yimaq Abimelek rueq Abraham kuex gvl vtueq, “Mnoz rueq nuiyshiq muex yvmx lac rvtonx? Mnoz muex ngaz rueq yvmx yaq kuy ningkhvnc nuex lac ngaz nuiyc ngvy mungtan nuex kuilc daz jamjaux kuex tvhttuiuc kuq vphux? Uraq muinz shuimc aungx muq yauk shuimc mnoz rueq ngaz muex ruez kuq vphux.

2 SAMUEL 13:12

Tama rueq, “Mvy muq, vkhoc muingc bac juing phvnx yauk shuimc maq ngaz kuex laungc maq nauk ruez vkueq! Kvruex kuex bac hvlc pinhtumc rvtueq!

Mikha 3:11

Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.

Romans 12:14

Nuimshiq guirguenc jix htenc muex ruimruimx kuq shuinz, mvnhttonc nauk httonx kuq kaz.

1 Corinthians 3:3

nuimshiq kuex mungkawx miqsaz tanc khvnc nuex dvyx httax vtuinx, vdvmz dvmz khelric bac thuinz maq thaungthoz wawx yez httax vtuinx kuex, vruex mungkawx nuex seng yaq ikhoc rullungx tvraungx jix htenc rvtuit kuex hakhix tvkhic vshuinx rvmuq haz?

1 Timothy 5:13

Kvdvyx muinz rvmuq tsuingshiq kuex yuimx shiz maq vduiz yuimx shiz maq vsvt khuemx vtueq vkhing tvhtumx yaq, kvruex htauk nuex jvnc vtueq vbac lvmx kuex, tsuingshiq rueq jungc aungx muq phvnx htenc kuex jungx vtueq, ngoz ngax jungx saq ruiux miqmac muex seng muq phvnx khuec vkhac nuex lomx vtueq jungphvnx naungx yaq.

James 1:16

Lungwawc phunox bix lex, tvshonx ronx jix ningkhvnc nuex lvmx nauk tvmawc kaz!

James 1:19

Lungwawc phunox bix lex, vruex rvwvl wuez shuinz! Nuimshiq miq tek vtueq vtay wvnc lvmx nuex lvwvnz wuez kuinz, yuq muinz vjungc vphvnc lvmx nuiyc thuinkhvy juing lvmx nuex nauk tvlox shox kaz.

James 3:1

Iphuz inox bix lex, naungshiq tvluingc waz hez kuex vganc jix htauk nuex muinz pinhtumc tvtsuir wisoz vtueq, phoc kuy rvhumc tix lvmz kuex nuimshiq rueq tuiuz vshuinx ningkhvnc nuex tvluingc waz muex paunghvlc nauk yaungx wuez kaz.

James 3:11

Yuix ruilx vshiz wawc vruimx yuix nuiyc vkhuip yuix dung yaq rvmuq.

James 3:9

Naungshiq rueq naungshiq Taungjix nuiyc Vwaz ngauz vngax kuex tvtsvmc shix nuex muinz tvlix maq tvtsvmc vshix, Tishox shvmx rulc rv-ngvlc vtvdung taq miqsaz kuex httonx tvmx shix nuex muinz kvruex maq httonx vshix.

1 Peter 3:9

Honc vbac kuex honc vbac maq, mvnhttonc mvntvmc kuex mvnhttonc mvntvmc maq nauk tvyez kuq kaz; kvkhoc ruec tvraung, ruimruimc kuy bomc tvyez kuq shuinz, yvmx khoc lac ngoz ruiux lec kvruex ruimruimc kuy bomc kuex vpiq rueq nuimshiq gvl wvnc tueq nuex nuimshiq muex kuy tvkoc Tishox rueq bomkhvmc kuq shec tueq.