James 1:12 - ASII LAKDAP Bible (BSI)

¹² Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

Hawa Naga Bible 2001

¹² Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

Muklom

¹² Bari miq raa tsamnang na tong aa, eshi miq sha Shkewa sunmaan aa; chammatakoi piq tari wang thalat eq rollung cha khopok kap na, eshi cha khopok shima Teyhungwa piq tinmat tang shima kotma rangtum ta.

James 1:12 Referencias Cruzadas

RAPHA HIQWA LAK 22:1

Kra jai maq ashaqpuq sijai na Shiikeawe raq Abraham ka maitaito. Apaiq raq Abraham ka heato, “Abraham!” Kiimaq Abraham raq treto, “O, ngi ka ajiilii!”

NEHEMIA 1:5

“O, ramungtan na siti, Tati Shiikeawe lei! Ümniika ajong pinthum, kiimaq naishiq ka ümman na kai tiihai laita siwa tiikai. Ümniika tongshong ramkhap sham wanti. Kiimaq tri aming lang wanti ma, tsapkapkap maq mangchan rüm wanti.

YOBA 2:10

Kiijiishe Job raq treto, “Ümniika angok angiti ikha bomtlaü! Ümtiikiiwa Shiikeawe raq nashiq ma ahea awa phan tiisaü tlaq, nashiq raq tao tiikai. Ikhiijiika apaiq raq nashiq ma chamchao tiisaütlaq niika, nashiq raq apaiq ma jamkho mibot nyan?” Job riika kiitin khan chamchao riihum jai niimin, Shiikeawe ma ngeng seng bom bom mak riito.

YOBA 5:17

Kechu jonghea juwa Shiikeawe raq tran tsii tlaq! Apaiq raq ümniika sontam haüla naqthaikiq.

Tvtsvmc 11:5

Apaiq raq maiqshaqti nai abi kloti ka maklii ashi maq konchontlo; tri jintibi ka apaiq raq tsan nai mongjii wiita maq shutlo.

Tvtsvmc 119:67

Kongkhu niika ümniiraq ngi mitsat sonhaü shaq na, ngi ka lamjiq na kiholili riikang, shatmaq ümchaü sanha ümbomtsi wokhong na sitiikang.

Tvtsvmc 119:71

Ngi raq mohokang ka ngi ma ahea miitu, jamkhano ngukla kra raq itsii tiichhi kha maq ngi raq ümnaq aming thun shrin wan kang.

Tvtsvmc 119:75

Ngi raq asapha ümniiraq kha photlaü ka tingting, Tatiwe lei, kiimaq ümniiraq ngi ma mo tiiholaü ka ngi tsapkap laüta tiiholaü.

Tvtsvmc 5:11

Shatmaq ümwokhong tiiwong na sitibi ka tlotli chochikhiq misi; tsangshiq ka wranaiqshe khoqriiq shishiiq mishinge. Ümnaq lungwiitibi ka khupwong kuqshat riilaq; ümwokhong maq tsangshiq ka ngoheadea khoqriiq shishiiq sitlo.

Tvtsvmc 94:12

Tatiwe lei, ümniiraq trantsiitlaüti ma peohea, ümniiraq ju miiwa ümtri shrin tlaüti ma!

DUNGWVNC 20:6

Shatmaq Ngi lungwiiti nai Ngi aming thun wokhong na siti miika Ngi lungwiitsii ka maiqpat ahing ahing na saüli mitiichhi kuqha.

TAKSU LAK 17:3

Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.

ISAIA 64:4

Ümnaq akha Shiikeawe ümniima ranphan wantibi miitu atinkhan awang chang jaqshamkuq laü akha shamketi ahin shiikea ka jurmin chhimai shaq riimakla taimai shaqli.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

Romans 5:4

Ache miishe jawan tlaq kra riika Shiikeawe raq ahea dea nguta mishreng wan. Kiimaq apaiq riishe, ahea nguta thi wantaq miiphat ka, nashiq ma aran chang asi she.

Romans 8:28

Nashiq raq asap i, Shiikeawe lungwii wanti maiqse ümchuwa siwa tlaq, kriiti miitu ka, apaiq raq phanrap phanrii na, ahea miituli klo wan tlo. Arka Shiikeawe apaiq raq, maiqse ümchuwa, apaiq raq jamlai phan wa thapthi wantaq, kra tiikupi wan miitu, hea wantiiti thun kra miitu chongtlo.

1 Corinthians 2:9

Shatmaq Asii bomtsi na akha chongtlo, “Maiqse angu wa jurmin jangshi ra min, akha mihong tha wan nguta tiima chhi tai lot mak. Kra riiwe ka Shiikeawe raq apaiq lungwiitibi ümchuwa sitlaq, kriiti miitu tiije kuqto she.”

1 Corinthians 8:3

Shatmaq jurwa Shiikeawe lungwii tlaq, kriiti ka Shiikeawe riimin apaiq ka asap.

1 Corinthians 9:25

Phanrap atochang phan na maiq arlong laa wanti sitlaq kriika tsangshiq ma shrinke liipan bala, pinthum thungtri atsin maq shrin kuq tlo. Arka athen kai chang poksi khushü dong chang khuphok lap wan kra miitu riilong tlo. Shatmaq nashiq riika, pattup thenki mak phan poksi lap miitu sham tiikai.

TRI CHONGKE 13:3

apaiq bom na ümniika naq shonbiikiq. Tatiwe üm Shiikeawe raq apaiq ka üm tsantsii kra maitaitlo ngushat. Kriika ümniiraq Tatiwe ka tsan nai mongjii wiita kuq laüta sha lungwiitlaü lungwii maü wa nguta maitaitlo.

TRI CHONGKE 7:9

Tsan na tiitsang ronglaq Tatiwe namshiq Shiikeawe kli Shiikeawe. Kiimaq apaiq ka pinthum tsapkapkap we. Apaiq raq tongshong ramram kiqkham kuqtaq kra riikhaqli mitiihong kuq wan. Kiimaq apaiq lungwiitibi ma kiimaq apaiq aming wokhong na siwantibi ma, apaiq lungwii tsantsii ka tiipit mak phan maq, maiq pat ahing amun na saüli mitiitsing kuq wan.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.

2 Timothy 2:15

Shiikeawe raq ümniika maiqshaq jaqshise ashi dea nguta wea wan li chang miitu, tsapkapkap maq shra jaqsham kra sham laq. Shiikeawe tengman tlaq bomtsi ka khaqshkhaq maq, liichum kra tru chongkuq laq. Shiikeawe bomtsi chongke lam maq, ümniika akhiismin naq tiijeasi kiq.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Hebrews 10:32

Man na, namshiq jamkho shongnga lan kra tiima rong liina. Namshiq ka Phung na shang wan pha ji na, kiitin choji, namshiq raq phanrap phanrii litkot chamchao riihum wan lan ihata. Kiitin khan chamchao wan lan taü miimin, chamchao wa raq namshiq ka tang mak dea riito.

Hebrews 11:17

Abraham raq Shiikeawe ma kamtsantsii thü wantaq kha ma, Shiikeawe raq apaiq ka maitai wantaq akhing ranaiq, apaiq raq ase Isak ka, Shiikeawe ma honglu na take wan miitu tiijeje maq sito. Abraham kata, Shiikeawe raq kiqkham kongphiq khakuqtaq kra lap wanti we. Kra taü maq dongdii min, apaiq raq ase sekhuq laqlaq se kra, honglu na take wan khekham riito.

Hebrews 12:5

Namshiq ma, Shiikeawe raq asetiim ma tsii chongke, tsaijido bomchong kuq tlo kriika, laq baiq man khata? Apaiq raq akha tsii chongkuqtlo, “I se lei, Tatiwe raq ümniima tsii chongke tsatson phaüla, ümphaq ümni ka tiitsii shat maq tiitsang tai laq. Kiimaq apaiq raq ümni ka thak raüla, tsaiji naq tran kiq.

Hebrews 6:15

Krai mren, Abraham raq, pinthum maklii khamthii maq, Shiikeawe bom ma kam raüta, kongphiq kra lap miitu khewanto. Raüta, Shiikeawe raq akhamkuq kongphiq kra, apaiq raq lapto.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

James 5:11

Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.

1 Peter 3:14

Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.

1 John 4:19

Nashiq raq Shiikeawe lungwii tiikai. Jamkhano ngukla apaiq raq nashiq ka apha miiphü lungwiito.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.