James 1:12 - Muklom

¹² Bari miq raa tsamnang na tong aa, eshi miq sha Shkewa sunmaan aa; chammatakoi piq tari wang thalat eq rollung cha khopok kap na, eshi cha khopok shima Teyhungwa piq tinmat tang shima kotma rangtum ta.

ASII LAKDAP Bible (BSI)

¹² Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

Hawa Naga Bible 2001

¹² Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

James 1:12 Referencias Cruzadas

Matthew 10:22

I tungkang o, thaji miq eq nim raa chikrik pha nin. Etharin uthun nang thula kam shingchak moqtey tang sha ulun angna.

Matthew 25:34

Esho Lungwang eq jakqhak kowang tang thima batna, ‘Nim thaji Iwa sunmaan kaptey tang, wangphin. Nim mingkang haq hun tok wang nga nim ma shing táng, nim mung shináng wang inn.

Luke 6:22

Miqna Sa rangma nim sha miqtang aa miiksuk phin jo, latchak phin jo, etho junnam phin jo, etho nim ma thip athang ta raaq phin jo, nim ma sunmaan.

Romans 5:4

Thanan wang jaqhal dangjang khong aa, etho jaqhal dangjang wang tungmang khong aa.

Romans 8:28

Shkewa ma tinmat tey etho utin mongtham wang haltey rangma thaji raaq sha jaqhal ang aa ta, hiqtang aa usam eq i.

1 Corinthians 2:9

Etharin Asang likwit na bat aa, “Shkewa tinmat tey ma ban kacha shingta sha utang eq tho khi wey moq etho tatwey moq, etho esha miqtang aa baluk otho tathin moq angta.”

1 Corinthians 8:3

Etharin utang miq eq Shkewa shima tinma ajo piq tha Shkewa usam eq aa.

1 Corinthians 9:25

Thaji tatut joltey miqtang sha ning ni ning sha rapney aheng thong na tong aa, ning aa shittik ang phan khopok sha kap rangma irimal somlo aa, etharin hiqtang aa shit moq phan khopok kap rangma irimal somlo i.

2 Timothy 2:15

Nang aa jaqhal jaksom somlo tu ta Shkewa bat rangma piq jakho na jaqhal eq somlo u, irimal ang ajo ba jaksom rangma rakri mu angnu etho asing raaq sha jaqhal eq tatal kot nu.

2 Timothy 4:8

Etho thanga irangma mungtan na ashey kongpha shing aa, esha asing rollung na tongtey ma shing aa cha khopok. Asing eq phung kottey Teyhungwa eq eshi cha khopok sha irangma piq wey kat Saal o kot na. Ngama chen ang moq, etharin utang eq piq jukshey weykat rangma tungmang shing aa, ning thaji ma tho kot eq na.

Hebrews 10:32

Nim aa alit alang kap tin saal tang shi tasik inn, eshi saal tang sho nim aa rapney ajong tsamnang kap eq tho arong ang tin.

Hebrews 11:17

Kam tungkang o Abraham aa tari rangham na, Isaac tha pinthong kota. Abraham aa rangtum kapta jo tho usa ashey dang sha pinthong kotma kacha angta.

Hebrews 12:5

Shkewa nim ma uwa umiqwasa ma bat aa thimal tintharong bat raaq sha nim aa lakchak sey tin; “I miqwasa, Teyhungwa tatsamnang phin jo banlam raaq ta nak tathin inn, etho piq aa nim ma khaba phin jo nan shi nak shingchak inn.

Hebrews 6:15

Abraham aa saal daqhan tinthanan eq banta etho Shkewa rangtum ta tha piq aa kapta.

James 2:5

I no nia pho tang tat inn, iri mingkang na tangshi tang ma, ning kam o tanglom angma Shkewa tal aa etho barey Shkewa ma tinmat aa, ning ma ukot eq na ta rangtum ta eshi rangmungtan sha ukot eq ma ning sha tal aa.

James 5:11

Siin inn, hiqtang aa barey thanan shing aa ning sungrang ang aa ta tathin i. Hiqtang aa Job thanan tung aa raaq tha utat eq ti etho Teyhungwa uthun na piq ma chamlang kongpha kota sha usam eq i. Teyhungwa manchantey etho tinshit takhi aa.

1 Peter 3:14

Nim asing rangma tsamnang ang inn jo, nim ma sunmaan; nim utang ma tho nak cho inn etho cham ma tho nak tathin inn.

1 Peter 4:13

Etharin Khristo tsamnang shina nim tho tsamnang ang inn ta sungrang ang inn, irimal ang eq piq phun amun takhi rangham o nim rapney sungrang ang nin.

1 Peter 4:14

Khristo miing rangma nim junnam phin jo nim aa sunmaan kap nin, chammatakoi phun amun Tsija bara Shkewa Tsija nim jamna tong aa.

1 Peter 5:10

Etharin nim chomrey tsamnang kap inn jo, tinshit tey Shkewa bara Khristo jam moq kara eq nim ma pattuk phun amun ma hal taphin, piq ni piq aa hun nim ma tarong, tinthajong etho jaqhal tatsing kot phanin.

1 Peter 5:4

Etho Ajong Kelwut rimtey takhi ajo, nim aa phun amun khopok sha kap nin, eshi rangham alip sha baluk otho munti moq angna.

1 John 4:19

Hiqtang tinmat ang i chammatakoi Shkewa jakho hiqtang ma tinmat taphi.

Revelation 2:10

Bari tsamnáng raa nang aa kap nu, eshima nak cho u. Nim tari ma thangwa aa nim wang chamtey sha chuk náng shak phanin; etho nim aa saal asi náng thula tsamnáng sha nan ching. Utik náng thula kam u, etho nga nang ma rollung khopok kot phanáng.

Revelation 3:19

Nga utang ma tinma ang, ning thaji ma nga uqhat nia tharotasam kot ang. Eshirangma jaqhal eq sam inn etho tin kaley inn.

Revelation 3:21

Chamal nga tho ujin kap eq iwa jamoq utongching o tatong taphang thimal utang eq jin aa, nga piq sha i jamoq itongching o tatong náng.