Biblia Todo Logo
La Biblia Online
- Anuncios -




James 1:12 - Hawa Naga Bible 2001

12 Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

Ver Capítulo Copiar

ASII LAKDAP Bible (BSI)

12 Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

Ver Capítulo Copiar

Muklom

12 Bari miq raa tsamnang na tong aa, eshi miq sha Shkewa sunmaan aa; chammatakoi piq tari wang thalat eq rollung cha khopok kap na, eshi cha khopok shima Teyhungwa piq tinmat tang shima kotma rangtum ta.

Ver Capítulo Copiar




James 1:12
49 Referencias Cruzadas  

Kvruex yimaq Tishox rueq Abraham kuex taruiyx tueq; vpiq rueq, “Abraham!” ngoz tueq gvl koq tueq Abraham rueq, “Ayc, ngaz vyuq luez!” ngoz tueq tvralc tueq.


“Yehowa Raungmungx Tishox lex! Mnoz kuex yunghvlc rvtoq ningkhvnc nuex, nuiyshiq kuex mnoz muex hiyaz vphix. Mnoz muex lungwawx jix hez rulc taq toq bomkhvrc kuex mnoz rueq tvmtuing maq phvnx tvhungx toq, mnoz kuex vnvrc bomc rulc rv-ngvlc shuimx kaz toq.


Yoba rueq, “Mnoz kuex khuec guez kvjaz kvjak vtuiux! Tishox rueq naungshiq muex vhvlx phvnx phvnx shishiz kuq shuex nuex kvruex naungshiq rueq lvp wvnc wuez vshix; vpiq rueq naungshiq muex kuilc daz tvrvhumc phuex nuex naungshiq rueq yvmx khoc lac ngoz ngax lot shix?” ngoz tueq tvralc tueq. Kvkhoc rvtueq vkhoc kuilc daz rvhumc ruiux muinz Yoba kuex Tishox muex khawc lvlc kvjaz kvjak muq.


Tishox rueq tvtharc rvhumc jix waz kuex thuinhvlx yaq! Vpiq rueq mnoz muex tvtharc ruiux yuq nauk khaq kaz.


Vpiq rueq vhvlx jix muinz, layx bac jix muinz si-khvyx lawc yaq; tvrac vguez jix htenc kuex vpiq thuinz vmungx lotlaz maq shuiuc yaq.


Mnoz rueq ngaz muex murx max tvgurc nuex doc muinz, ngaz kuex lvmx yaq nuex kaz wvnc tauk, yuq muinz majuiuc kuex mkvjaz ngaz rueq phvnx vshaungx.


Ngaz rvhumc vtaungx murx ngvy tvkoc vhvlx yaungx yaq, yvmx khoc lac ngoz ruiux lec kvruex raq ngaz muex mnoz rueq nvrc bomc htenc kuex tvluing kuq yaq.


Yehowa lex, mnoz rueq phox vshuiux lvmx kuex tsuingrux yaq ngaz rueq tuiuz vshaungx, mnoz tvmtuing ningkhvnc nuex ngaz muex murx tvgurc vphux.


Yuq muinz mnoz kox nuex kv-wungx httaz jix lotlaz kuex kokez wuez tuex; tsuingshiq kuex mkaq muinz vkoz vkez maq tvtsvmc shic shix wuez yaq. Mnoz muex lungwawc jix htenc kuex tvkhup wungx kuq shuiuz; mnoz ningkhvnc nuex tsuingshiq kuex vsuing kokez wuez yaq.


Yehowa lex, mnoz rueq tvhonc tvtharc shuiux nuiyc mtvrac rvhumc lvp wvnc jix waz kuex pinhtumc thuinhvlx yaq!


Yuq muinz ngaz muex lungwawx jix nuiyc ngvy tvrac phvnx jix kuex vphvnx pat vmunc nuex httuiuc laz ngvy lungwawc thuinz kuex tvkhic shaungx.


Kuimshawx nuiyc kuimphox kuex wvr maq jenc lawc yaq ikhoc Yehowa rueq miqsaz thuinz vmungx kuex talx lawc yaq.


Piq muex tvluimc yaq jix tvkoc kvkhoc yauk shuimc htenc kuex shuimc jix mnoz rulc rv-ngvlc yaq Tishox kuex uraq mkaq muinz khiz muq, tay muq shauk


Ngaz rueq tvraungx kvjungx yaq mvnshiz kuex wvr maq tvsawc shix kuimphox ikhoc tsuingshiq kuex tvsawc vtueq talx lawc shaungx. Ngaz rueq kuimshawx talx lawc shix ikhoc tsuingshiq kuex talx lawc shaungx. Kvkaq tsuingshiq rueq ngvy kox wawc thoz ruiux yuq ngaz rueq tsuingshiq muex tvralc shaungx. Tsuingshiq kuex ngvy miqsaz rvtueq lvmz ngaz rueq tsuingshiq muex jungx shaungx, ngaz kuex tsuingshiq Tishox rvtauk lvmz tsuingshiq kvjungc wuez tuex,” ngoz tueq jungx tueq.


Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.


Kvruex yimaq Hokhvmx waz rueq vpiq yauk keq kox nuex httax yaq jix htenc muex, ‘Iwaz kox wawc ruimrix lvp lvy jix htenc lex! Kaz wuez luit, mungkawx tvdung sung tueq maq phaungc vtueq nuimshiq tvkoc vtvyoalc taq mungtan ngoz yaq tsak vnyvmx kuex lvp wvnc wuez shuinz.


“Miq Saz vruex ningkhvnc nuex miq rueq nuimshiq kuex shuiuc pac vtueq tvdux gay ruiux, yomnamc vtueq nuimshiq kuex ngoc ngac rvhumc ruiux yuq nuimshiq kuex thuinhvlx yaq!


vnanx thuinz kuex Tishox rueq raungc raq lvmx, Tishox rueq raungc raq lvmx kuex thuinz tvluimc juing tvyaungc kuq yaq kuex naungshiq rueq tuiuz vshix.


Tishox muex lungwawx vtueq vpiq rueq dvnc dawc yaq rulc rv-ngvlc vgvlc rvhumc jix htenc tvkoc lotlaz muex vhvlx lvmz m-yaungx wvnc kueq, Tishox kuex tsuingshiq rulc vdvmz nuex yauk shuimc yaq kuex naungshiq rueq tuiuz vshix.


Yuq muinz Rumvrc luik nuex: “Uraq muinz khiz muq tay muq lvmz yaungx wvnc tuex ngoz tueq uraq muinz rvwvl wvnc muq lvmz kuex, Tishox rueq vpiq muex lungwawc jix htenc tvkoc tvhungx shec tueq,” ngoz tueq wuiyq shec tueq.


Yuq muinz Tishox muex lungwawc jix waz kuex Tishox rueq tuiuz rvhumc tuex.


Vyuz rvsherc jix htenc rvthaungx juing baung wawc tvrac kuex phvnx tvhungx yaq; tsuingshiq rueq kvkhoc shuimx kaz yaq kuex vyuiuq vbac kay lot yaq pulx puic khushec lvp tvkoc shuimx kaz yaq; yuq muinz naungshiq rueq kuex yuiuq kaz bac kaz muq phvnx raungc hvlc khushec lvp wvnc tvkoc shuimx kaz vshix.


piq kvjaz kuex tay mvy muq. Nuimshiq rueq Yehowa kuex miqmac thuinz vmungx maq lungwawx yaq shuex lungwawx muq lac kuex tuiuz lot tvkoc Yehowa nuimshiq Tishox rueq kvruex waz kvmaq nuimshiq kuex tvtaruiyx lawc yaq.


Yehowa nuimshiq Tishox dvyx Tishox rvtueq kuex tvmaung shuinz, vpiq kuex tvmtuing waz rvtueq. Vpiq muex lungwawx vtueq vpiq rueq nvr shuex kvjaz phvnc jix kuex pat hingc vmunc nuex httuiuc laz vpiq lungwawc thuinz tvkhic vtueq, vpiq bomkhvrc kuex tv-phaungx shuex,


Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.


Mnoz kuex vpiq yauk shuimc nuex yvlc svy juing vguez maq yauk shuimc jix waz ikhoc muinz, Tishox tsuingrux bomjungc kuex rvkhauk laz jungphvnc kuy jix waz ikhoc muinz, Tishox htumc nuex htvlx phawc lvp laz juing mnoz hungc vlaungc htumx laz maq hung kuiuz.


Majuiuc kuex Tishox rulc vtsuing vrux maq httaz jix muex kuq yaq lotlaungc khushec kuex ngvy tvkoc tvyoalc yoalx shex, vlvmx rvkhauk phoc jix waz phoc waz ngoz yaq Taungjix rueq kvruex khushec kuex khac phox shuex Raungnuiyq ngaz muex kuq phuex. Ngaz muex dvyx rvmuq, vpiq httuiuc kaz yek yaq kuex thuinz tvluimc bvmc jix htenc muex muinz kuq shuex rvtueq.


Lvy wvnc tueq raungnuiyq htenc nuex nuimshiq kuex yvmx khoc jix hez lac rvtuinx kuex rvwvl wuez yek shuinz. Kvtanc jauz nuimshiq rueq Tishox raungwuic kuex lvp wvnc tuit yix maq vkuilc vdaz paunghvlc rvhumc wvnc tuit, yuq muinz nuimshiq hunglaungx wuez tuit ningkhvnc nuex kvruex raq nuimshiq kuex taungx lot muq.


Abraham kuex Tishox rueq taruiyx rvhumc tueq nuex, kvmluimx thuinz maq vsaz Esak kuex shomc nawk kuy juing muex tvyaungc vtueq shomc kuq tueq. Abraham kuex Tishox kox wawc bomkhvmc lvp wvnc jix waz rvtueq, yuq muinz piq rueq vsaz vshiz lauklauk kuex shomc nawk kuy tvkoc tvyoalc yoalx rvtueq.


Vsawc luik nuex Tishox rueq, “Isaz lex, Taungjix rueq tvhonc tvtharc yaq kuex tvtsuingc taq shuiuz, vpiq rueq mnoz muex httonx vtueq tvtharc ruiux yuq, thuinz nauk tvbac kaz.


Abraham kuex thuinz vluz maq bvmc ningkhvnc nuex Tishox bomkhvmc nuex seng yaq tsak vnyvmx kuex lvp wvnc tueq.


Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.


Tsuingshiq kuex nanx thuinz vhttax jix htenc rvtueq ningkhvnc nuex, tsuingshiq kuex thuinhvlx yaq ngoz tueq naungshiq rueq ngoz vshix. Yoba rueq nanx wvnc tueq lvmz nuimshiq rueq tay wvnc tuit, vtvsuip nuex Taungjix rueq piq muex yvmx khoc lac lawc mawc wvnc tvnx lvmz kuex nuimshiq rueq tuiuz yaq. Yvmx khoc lac ngoz ruiux lec Taungjix kuex lungwawx menjenc thuinz mvrc yaq waz rvtueq.


Yuq muinz mkhoc shoc maq nuimshiq rueq vlvmx shuimx yaq rvhvt maq nuimshiq kuilc daz rvhumc ruiux kuex, nuimshiq thuinhvlx httax yaq! Ukhaq muex muinz nauk hiz kaz, nauk rvwvl kaz.


Vwangc tvraung, nuimshiq kuex Christu kuilc daz rvhumc wvnc tueq kvrulc roc nuex rvhumc wvnc naungx tuit ningkhvnc nuex kokez wuez kuinz, kvkhoc ngoz ruiux jix vpiq ngauz vngax maq dung wvnc tuex nuex nuimshiq kokez mvrc wvnc tuinx.


Nuimshiq kuex Christu yix phvnc jix hez rvtuit ningkhvnc nuex yomnamc rvhumc ruiux yuq thuinhvlc httax yaq; kvruex kuex ngauz vngax httax yaq Tishox Siyac kuex nuimshiq htauk nuex httax naungx yaq vlvmz rvtueq.


Yuq muinz nuimshiq kuex vlosaz dvyx kuilc daz rvhumc tuinx yix maq, kejux lotlaz Taungjix rvtueq Tishox rueq nuimshiq kuex Christu rulc vshiz dvyx tvyaungc ruiux, pattup ngauz vngax nuex nyuip lvp wvnc muex, nuimshiq gvl jix Taungjix vpiq rueq nuimshiq kuex vrax vguez laz juing hunghtaungx tvmvrc lvmz, tv-phaungx ngaungx lvmz, hungc vlaungc tvmvrc kuq vtueq phaungx ngaungx yaq ruingshungc nuex jvp lvp vkhangx kuq kv-phuinx.


Khelbuenx Remc Wayungx dung wvnc tuex nuex nuimshiq kuex vphez vlez shvmx mkaq muinz mut kaz muq ngauz vngax mvrc yaq kushec kuex lvp wvnc wuez shuinx.


Tishox rueq naungshiq kuex vphaungc lungwawx phuex ningkhvnc nuex naungshiq rueq muinz vpiq lungwawx vshix.


Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.


Ngaz rueq ngaz lungwawx vshaungx jix lotlaz muex tvhonc tvtharc vtueq murx tvgurc vshaungx. Kvkhoc rvtueq mnoz thuinz hungc tvyungc ruiux thuinz layc lvp shuiuz.


Ngaz rueq taungx wvnc vtueq Iwaz hoc daungraungc hep nuex vpiq rulc vdvmz ngaungc taungx ikhoc, taungx wvnc jix waz ukhaq yuq muinz ngvy hoc daungraungc hep nuex ngaz rulc vdvmz ngaungc lvp vkhangx ngaz rueq kuq shaungx.


Síguenos en:

Anuncios


Anuncios


¡Síguenos en WhatsApp! Síguenos