ISAIA 22:2 - ASII LAKDAP Bible (BSI)

² Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea.

Hawa Naga Bible 2001

² Wvghaq pumz nuex miq htenc phoal phak wuez vtueq, guyc sez tvruingc htenc mvrc yaq. Vruex ralx lungc nuex thueyc wvnc tueq mmiq htenc kuex rvyap vtueq thueyc jix hez rvmuq.

ISAIA 22:2 Referencias Cruzadas

ISAIA 10:4

Namshiq ka re na mitsaihan. Riimakla namshiq ka pongmung na munglu shumwi ma mihit wan. Kiitinkhan taü miimin Tati tsankhiq ka shimakli riishat shat miraq. Apaiq jaq ka ra na doshat namshiq ma motiiho miitu kheshat miraq.

ISAIA 23:7

Riita arka man na rathup rapha na atei wan, chojong chise maq polokhiq siti Tajar chela irdea shea thenta? Riita ara chelati raq khamjong re na tsangmungti laüho raüta maiqmung na hiqshong anyei pahea teiwantinok ira riimak shea?

ISAIA 32:13

Raüta kiidashuk rüro nai kiimko rü tonglong lishe mungmaiqse wakram na tang wanto. Hoqtrang ronglaq, maaho manyi. Maiqjam thun na man na chojong chise siwanto. Kiimaq kra chela ka mungmaiqse kiijaq siti ama siwanto. Akei alei jupjup riito.

ISAIA 32:14

Hokham jam thun kiimin jammiishe miraq. Mungnyung chong chela ka hiqmiq changkhü miishe mijaki. Maiqjam thun kiimaq kriithun tiiwong chang chela tro na kiitelong peruk weshaü thun kriimin pattup pat-sa miitu botkhulai rai she mishot baiq. Kiijaq rum na siti kumtoq kong mihaisiq. Kiimaq skukong ka kiijaq nyiimphaq mihaisiq.

ISAIA 37:33

“Tatiwe raq Asiria mung hokham ajongwe miitu bom ka akha ngutto: ‘Apaiq ka ara chela mong na nyap wa mak miraq. Kiimaq liq sin kiishi dongdii min hiip mak miraq. Phenla weshi ra dongdii min chela tho na liiq piraüta saü mak miraq. Kiimaq chela tro ruk kii na re düwa chang hiqkhu hiq phong raüta hailot mak miraq.

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

JEREMIA 14:18

Ngi ka wakram kiina kikang jiila, re raq ajiipbaiq maiq maa phong kra chhitiikang, ngi chela thun kiina kikang jiila, maiq thun ka ramtsi raq atsai wan miiqmiiq kli chhitiikang. Shammibi nai ramwebi ka tsangshiq maiqmii jaqsham na motlo, shatmaq tsangshiq riika jamlaiwa shamtlaq kriimin sap mak.”

JEREMIA 38:2

Tatiwe raq akha nguto, “Juwa chela na sitlaqti thun ka re dong na, riimakla ram raq, riimakla thadong raq mitsai. Shatmaq juwa chela rukphai na dongho raüta, Bebilon mungti puk na nyaptlaqti thun ka tsat mak miraq. Kriiti raq maiqmii miisaq ka mitiichhii wan,” nguto chongtlo nguta tsangshiq raq bom ka taito.

JEREMIA 52:6

Kra rawii wa jipi lüblai angu na, jihea ratiikaü ranaiq niishe, ramdong raq mungmaiqse ma aphaqsea chang ka athum kai kun she, ram raq maiq ka ajiim wan nap nap she angu na,

AJONJÜ 1:1

Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

AJONJÜ 2:20

O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!

EJEKIEL 22:5

Ümnaq tro na ajeje na siti maiq mung thun raq nai maiq mung luhea na siti thun raq, ümniika sethoq jawan laü khana chuphit nüphit saisitlo.

JEPHANIA 2:15

Jarap jirap siwanti chela ka, maiqmii ningkun kiidea ajong nguta, shiikong mlong siti ka, kiimaq jamlai riimin chhechha lot mak nguta, tiimaseati ka akha mithenki. Kra chelati raq tsang chela kli, mangjong hiqraikhü na ajong pinthum nguta, tiimasiqtlo. Kriika hiqmiq changkhü miishe mijaki; kiijiika rumnyamsekong li she misi! Maiq loweatek kra lam maq khumti, kra chhi raüta phiip raq mitsai.