ISAIA 22:1 - ASII LAKDAP Bible (BSI)

¹ Arka Riisham bomchong chang hiqthung Tan tsütsa. Jamlai wa trang kongchatla? Kra chelati mungmaiqse ka tsangshiq kiitelong jam wukhu thung na thungtii raüta jamlai poi wa klorattla?

Hawa Naga Bible 2001

¹ Vruex kuex Romzyac Tvkhic Warc tvnx nuex seng yaq bomjungc rvtueq. Yvmx lac rax kaz tvnx? Yvmx ngoz tueq lac ghaqyungx miqsaz lotlaz rueq miqmac yuimx wux khux htauk nuex moalx tvhungx wuez yaq nguinx?

ISAIA 22:1 Referencias Cruzadas

RAPHA HIQWA LAK 21:17

Shiikeawe raq no horai ka taito. Kiimaq ramungtan maq Shiikeawe rase raq Hagar rai riibomto, “Hagar lei, ümniika jamlai mo chapa tlaü? Naqhaikiq. Shiikeawe raq no horaitlaq kra taito she.

2 SAMUEL 14:5

“Ümniima jamlai wa ratla?” nguta apaiq raq waito. “Ngi ka miitsan mantinyung,” nguta kriinyung raq treto. “Tuwe lei, ijamtiwe ka atsai kaiwi.

2 HOKHVMX 6:28

Riita ümnaq chamchao ka jamlai wa?” Kiijiishe kriinyung raq treto, “Ümnap ümji arnyung raq ngi nang nga, ise ka kongkhu phaq i. Kiimaq kriimaq napjai ranaiq na apaiq se kriishe miphaq i nguta riichongkai.

Tvtsvmc 114:5

Khamjong chum lei, ümniika jamlai chhi laüto jutlaü? Kiimaq Jordan rai ümniika ümkhamkai ka jam nguto tsaqkilaü?

Tvtsvmc 125:2

Jerusalem ka trotam maq pum thun raq ruktlaq ikha, Tatiwe raq asenginok ka trotam maq kom raüta ümchaü kiimaq pattup pat-sa kheshat.

TAKSU LAK 29:18

Shammi bomchong ahü raüla, mungmaiqse raq ngarai mitang. Kechu jonghea juwa, Shiikeawe tri wokhong na sitlaq!

ISAIA 13:1

Arka Bebilon mungti miitu tsütsa, Amoj se Isaia ma Shiikeawe raq atiichongho.

ISAIA 15:3

Chiiheawea lam thun na maiq khumtlaq kriimin wunthaü riinaü khea sam raüta maajo hoqsiqtlo. Mungmaiqse ka chela mong na maiq thung chang tapshok hiq thung ba thun kiijaq nai kiitelong jam thun wukhu thung na ngaraqraq raüta maajo jonjü hoqsii trangtlo.

ISAIA 22:5

Ara akhing arka aphiip ajiip, re jaq na sum, kiimaq arka Riisham Bomchang Hiqthung Tan na mungbrakshaq akhing. Arka Ajong Pinthum Tatiwe raq namung na atiisaü. Nashiq chela tro kiitelong ruk ka wiita tiibun bukbaiqto she. Kiimaq mungmaiqse raq khrum jaü agi asii hoqtrangtlaq kriika kin thun niishe riinya wanto.

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 21:13

Jerusalem lei, ümniika hiq thung tan na longkaü jonghea adii min luhea kaü ra na düwantlaq ikha ngatlaü. Shatmaq Ngi raq ümniika mikhat-ha. Ümniika lachong dokdok, ümnaq khatti maiq ka jumin ahü nguta tsütsit tlaü. Kiimaq ümperuk mong niika rewe nyapwalot mak nguta tsütsit tlaü.

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

JEREMIA 32:32

Jamkhano ngukla tsangshiq raq Juda mungti nai Jerusalemti raq, tsangshiq hokhambi rai kiimaq tsangshiq welabi rai adam na, kiimaq tsangshiq ramwebi nai shammibi rai adam na pong raüta, ashut aphit bihea phan pahea she klo wanto.

JEREMIA 48:38

Mob mung na maiq jam aweatek na wukhu thung kiijaq kiimaq mungmaiqse mungthung chang ba thun kiijaq, laihin jamlai min ahü, maiq kong ka aho ajü watrang lishe. Jamkhano ngukla Ngi raq Mob mung ka hamlii tsabum tiibun bukbaiq tlaq ikha tiibunbaiq kang. Maiq jurmin lang mak chang she then kito.

Yoel 3:12

“Riita, ümchaü san, maiqmung thun lei, namshiq ka tiije shat chang she dongdii. Lanta Khapho Chang Tan kiijaq thung tiije wanli ronglaq. Kiijaq, ngi Tatiwe ka ngalata, namshiq Israilnok mung tro na siti, maiqmung thun kha kra miphoha.

Yoel 3:14

Maiqphong li, maiqphong li, khapho chang Tan na. Maiqphong ka khunyaq khukhi.

Mikha 3:6

Tatiwe raq arot shammibi akha shratlo. “Shammibi lei, namshiq rilung ka thum wanto she. Rashe ka achashe, rajishe. Namshiq raq isengi nok ajiq na sheaholan. Kriikha na namshiq shammi jaq sham ka thumto she. Riisham makchhi min ahüshe. Riisham bom min chong lot man she.”

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

Matthew 10:27

Ngi raq ümchaü namshiq ma jamlai bom wa kaiq shakshak maq chongkuq tiikang, arka namshiq raq ranaiq shethungpii na chap lanta, maiqse ma chongkuq ronglaq. Ngi raq ümchaü namshiq ma jamlai bom wa, tapmong nyang maq chongkuq tiikang arka, namshiq raq rinkinku maq chap lantiishe chiiriim lanta chongke chang miraq.

Romans 3:2

O, phanrap na tsangshiq ka sinkhu niidea wawan tlo na! Arka tengto dea na. Apha na Shiikeawe raq, Jehudinok ma apaiq bomtsi kra rümkom wan miitu, arang kuqto.

TRI CHONGKE 22:8

“Kiimaq ümtiikiiwa ümniiraq jam anye haitlaü, ümwukhu thung kra trotam na kinthii thun ka aruk laüta thülaq. Kra nguraüla maiq ashi ra ka wukhu maq dea wa raüta tsaiki raüla, üm dü na kha ahü miraq.

PHOWEBI 18:23

Raüta tsangshiq ka agi lülü riimto. Kiijiishe Dan phan raq jainü na nyi raüta Mika ma akha waito, “Jamlai wa rakita? Ara maiqkong thun arka jamlai riiti wa?”

1 SAMUEL 11:5

Kra akhing na Saul ka aminsaü pang thun shea raü wak maq awa jam na asaü wa she riito. Kra tai raüta apaiq raq waito, “Jamlai mra wa pinta? Nokwe tarü ka jaro hoqtrang tla?” Kiijiishe tsangshiq raq Jabesh chela wa awa tsasoqti raq tsütsa chongtaq kriishe apaiq ma chongkuqto.

1 SAMUEL 3:1

Samuel raq Eli wokhong maq Tatiwe shiili tlaq choji na Tatiwe bomtsi tiichongki tlaq kriika akom pinthum riito. Kiimaq shammi makchhi kiimin jangshi shiseli tiichhi kuqtlo.