ISAIA 22:2 - Hawa Naga Bible 20012 Wvghaq pumz nuex miq htenc phoal phak wuez vtueq, guyc sez tvruingc htenc mvrc yaq. Vruex ralx lungc nuex thueyc wvnc tueq mmiq htenc kuex rvyap vtueq thueyc jix hez rvmuq. Ver CapítuloASII LAKDAP Bible (BSI)2 Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea. Ver Capítulo |
“Vruex kuex Asiria honoc waz nuex seng vtueq Yehowa rueq vkhoc jungx tueq: ‘Piq kuex vruex ghaqyungx vyuq nyuip lvp tuex rvmuq, ghaqyungx mungx kvyuq laqsvnz kawz shiz muinz gap shuex rvmuq. Lak shuimx vtueq nolaungx bix ukhaq muinz ghaqyungx hep kvyuq kvnvp lot muq, kvtuk htenc muinz tvkomc htuz lvp shuex rvmuq.
Ngaz tvnx vnax htenc nuex khuemx kaz koq tueq, ralx nuex vthueyc miq maungx htenc kuex ngaz rueq khiz tauk; ngaz miqghaq htenc nuex kaz koq tueq, khvmx vrvmc thuiuz rueq vthueyc miq maungx htenc khiz tauk. Shvmmax bix nuiyc shomc waz bix rueq tsuinghez yauk shuimc kuex tvhttoarc vtueq shuimx wuez yaq, yuq muinz tsuinghez rueq yvmx wuez shuimx yaq nguinx tuiuz wuez muq,” ngoz tueq.
Yehowa rueq, “Ghaqyungx vyuq httaz jix waz kuex ralx rvlungc nuex, rvmuq ngoz ruiux khvmx vrvmc nuex, rvmuq ngoz ruiux vmac vtsac nuex thueyc tuex. Yuq muinz vruex ghaq wawc kaz wvnc vtueq Babelon miqsaz kox nuex nyuip kay jix waz kuex thvt gay muq rvshuex, piq thuiuzthuic kuex dung lot tuex,” ngoz tueq jungx tueq.
Kvruex ghaqyungx kuex piq luimc vkawc muex ngamc ngax vtueq, kvguing kvwungx yaq ghaq ngoz tueq thuinz nuex tvmaung tvy ningkhvnc nuex, yaungx wvnc tuex lvmz rvtueq. Kvyuq httaz jix miq htenc rueq tsuingshiq ghaqyungx kuex mungkawx nuex vyungx pinhtumc ngoz tueq tvmaung wuez yaq. Kvruex ghaqyungx kuex ghaqkuiyq ghaq khvmx yaungx wvnc vtueq svl vwvl ngvmx saz htenc bumc belc guilc juing baung yaungx wvnc vtuex nyix! Kvruex maq lvy jix htenc kuex vkawc yawc raz tueq yix nuex yek wuez tuex.