ISAIA 21:4 - ASII LAKDAP Bible (BSI)

⁴ Ikhu ka wiita ruwanto. Kiimaq ngi ka ihaisitsi ma atiikhai rokrok she. Rashe jaqlo chawantlo raüjaq nguta khekang. Shatmaq ngi ma jamlai achumin ahü, phiiptsi wa riilishe haü wan kang.

Hawa Naga Bible 2001

⁴ Ngvy khux kuex rux wvnc vtueq, ngaz hiyaz kvkhuirc tauk. Ngaz rueq raungyac kox httuiuc wvnc tvkoc bvmc tauk, yuq muinz kvruex kuex kvhiz kawc yawc juing maq lvy vtueq ngvy tvkoc khuec guez dvyx.

ISAIA 21:4 Referencias Cruzadas

1 HOKHVMX 1:49

Kiijiishe Adonija raq wanwe tiiheataq thun ka tsanghaisi latlat she riito. Raüta tsangshiq tarü ka tiido rang raütiishe maiqmii lampu rit she pin wanto.

ESTHAR 5:12

Kiimahali Haman raq, “Hokhamnyung Esthar raq dongdii min, hokhamwe rai apaiq raq wela manto dung chungtaq kra phaqsea wadam ka ngi arli tiiheato. Kiimaq anap ranaiq min, ngi ka hokhamwe rai Esthar raq wela manto dungsea wa miitu hali hea nongto.

Tvtsvmc 55:5

Ngi ka akii anyii tsi raq atiikhai li she riiwan kang; phiiptsi jiiptsi riili she tsai wan kang.

Tvtsvmc 55:6

Haütaü kaü ikha irakong asi ngu raüjaq ahea riichang. Abi riiwan lata bashi ra na kaiqshak anga kiha chang wa.

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 51:39

Tsangshiq ka shakaq kong sha? Ahea. Ngi raq tsangshiq miitu phaqsea poi jonghea mitiijeha. Lata tsangshiq ka che maq mitiichokha kiimaq mitiichochiha. Raüta tsangshiq ka akon makaiq she mibum wan. Kriika samki nong mak she miraq.

JEREMIA 51:57

Ngi raq amungtuwebi ma che mitiibak nyangha lata mitiipheha; taksubi, tuwebi, kiimaq phenlabi. Tsangshiq ka akon mirwan, kiimaq ümtiikiimin samkimak she miraq. Arka, Ngi hokhamwe raq ngutiikang, Ngi ka Tati Ningkun Ajongwe.

DANIEL 5:1

Rawashi Hokhamwe Belshajar raq phaqsea poi Jonghea kloto. Raüta kra phaqsea lomdamti aki miikiimbi hingshi tiiheato. Kiimaq tsangshiq wiitarü adam maq che nyangto.

DANIEL 5:30

Kra rawa akhing niili, Bebilon mung hokhamwe Belshajar ka re raq tsatbaiqto.

DANIEL 5:5

Kra liipan na tiihanghiiq miili, maiqjaq ashi ka hokhamwe jam khokmong khetuk na longnin win maq alorat kiijaq, lemtem thun nyaitlaq walü li raq chhainyiinyiihea tiichhishat ba kiijaq maiqjaq kriiraq lak waiqrea chhito. Kiimaq hokhamwe raq kra maiqjaq raq lakwaiq rattlaq kra chhito.

NAHUM 1:10

Shukrü tamsetiim nai tsamkü shin phong ikha, namshiq cherop kong ka, wiita wa maq michaq baiq!

TRI CHONGKE 28:67

Ümmak maq jamlai wa chhitlaü kra wiita kriiraq ümtsan mong na tsan chhiiwa atiikhai rok rok lishe misi haü. Ranaptek rawii wan raüla, raji she nguraü jaq ahea riichang nguta mitiima haü. Kiimaq raji wan raüla, ranap she nguraü jaq nguta mitiima haü.

TRI CHONGKE 32:11

Liiha kaü raq asetiim ma abi shrin kuqtlaq ikha, ra na adea wan wa arakong tiipiitlaq araikhü na boq wanto, Tatiwe raq Israilnok ka tiidea mak thüto.