ISAIA 21:5 - ASII LAKDAP Bible (BSI)

⁵ Riisham mak maq phaqsea poi jonghea tiijeto chhikang. Wanwe thun nga ma kheathum damsii thun ka phiitlo. Tsangshiq ka dungsea kiimaq che nyangsea riito. Kiijaq tiihanghiiq miili aming akha kuqto: “Phentubi lei! Maiqmii liiqdo tiije ronglaq!”

Hawa Naga Bible 2001

⁵ Romzyac tvkhic nuex phuiuz svy moalx vshiz tvyoalc yoalx shex; wuinz waz htenc ngaungc chuing khelbuenx dvmx sez htenc phawc taq tueq. Tsuingshiq rueq phauk saq wuez yaq. Nolaungx yungx waz washiz kuex huingc rvhek laz maq honc lvmc juing jungx tueq: “Vyungx vlaungx bix lex! Nuimshiq lak htenc kuex tvyoalc wuez shuinz!”

ISAIA 21:5 Referencias Cruzadas

2 SAMUEL 1:21

“Gilboa kin thun na ra min naq jun kiq she, riimakla, bangkham min naqrokkiq she. Kiiwa wak ram thun kiimin, kealoklok she mirlaq! Jamkhano ngukla nolabi liiq thun ka, kiijaq jea ngao raüta wetlo. Saul liiq pen ka tel maq tiichhai, tat-hü she.

ISAIA 13:2

Hiqlam kealoklok thaq na redong tanglap kra shonglaq! Laüta agi lülü phenlabi ka riimlaq, laüta rekhat ho ma hünong buklaq! Tsangshiq raq shiikonghea chela kilamchong thun kriimaq mikhat wanlaq.

JEREMIA 46:3

“Ejip mung phentubi raq riimtlo, ‘Maiqmii liiq thun ka tiije ronglaq, lanta rekhat kai kironglaq!

JEREMIA 51:11

Tatiwe raq Media mung hokhambi tiishai baiqto. Kriika Bebilon mung kra tiithenbaiq miitu. Apaiq Shomjam tiithen baiqtaq phuk lam she Bebilon ka mitiithenbaiq. Renok siihiip jongbi raq akha aming kuqtlo, “Namshiq liqsin ka siraü min ronglaq! Maiqmii liiq piraq kheronglaq!

JEREMIA 51:39

Tsangshiq ka shakaq kong sha? Ahea. Ngi raq tsangshiq miitu phaqsea poi jonghea mitiijeha. Lata tsangshiq ka che maq mitiichokha kiimaq mitiichochiha. Raüta tsangshiq ka akon makaiq she mibum wan. Kriika samki nong mak she miraq.

JEREMIA 51:57

Ngi raq amungtuwebi ma che mitiibak nyangha lata mitiipheha; taksubi, tuwebi, kiimaq phenlabi. Tsangshiq ka akon mirwan, kiimaq ümtiikiimin samkimak she miraq. Arka, Ngi hokhamwe raq ngutiikang, Ngi ka Tati Ningkun Ajongwe.

1 Corinthians 15:32

Riita ngi raq ara Ephisia chela maq “Chiq jong liiha” rai wiita riikhat wankang kriika miinan han-ngam khushü jong miituli dea riikhat wan kang jiika, ngi ma jamlai liip apha dong chang wa sitliita? Shatmaq maiq ka amaa wa atra dong wanlot mak she dea nguta ngutlaq kra tengteng dea ngu raü jiika, arjaq bom tiihap wan tlaq, “Ai atra sitiikai bala, phaq asea chamtraq butja maq phaqsiq wan lili laitli polosiq rong i. Nashiq ka anap ranaiq wa tsaiki tiikai riila” ngutlaq kriidea miteng wa.