ISAIA 21:3 - ASII LAKDAP Bible (BSI)

³ Riisham mak maq jamlai wa chhikang kiimaq riisham ni maq taikang kriithun raq ngi ka phiip ma tiitsai wanto. Kiimaq itsan mong na tsihea, jechak re asechii na atsi chamchaotlaq ikha tsito.

Hawa Naga Bible 2001

³ Ngaz rueq khiz tauk nuiyc tay tauk romzyac tvkhic wawc nox wuic khic thuiuz yaq nyuiuz ikhoc rvhumc yaq kvhiz juing nuiyc vthuiuz vsac kuex ngaz nuex yaungx wvnc yaq.

ISAIA 21:3 Referencias Cruzadas

Tvtsvmc 48:6

Kiijaq tsangshiq ka haisi kiimaq pinthum kiinyiito, jechak nyung asechii tsi ma chamchaotlaq ikha,

ISAIA 13:8

Tsangshiq tarü phiip raq mitsai, kiimaq jechak nyung nowüchhitsi ma phephiiqtlaq ikha atsitsi ma miphetrang. Tsangshiq nai tsangshiq liipan na riilii riilii raüta mikiinyiisiq. Kiimaq tsang theaphi na munjuk mijuk tapkhu dali she miraq.

ISAIA 15:5

Itsan mong na Mob mung miitu hoqtlo! Mungmaiqse ka Joar chela niishe pintrangto. Kiimaq Eglath Shelishija chela na pintrangto. Maiq wiijam ka lamha kra dü wan raüta Luhith chela na jutrangto. Tsangshiq ka aju wan lam maq aho trangla juwanto. Maiq wiijamti ka Horonaim chela na agilülü ahotrang jutrangto.

ISAIA 16:11

Ngi ka Mob mungti miitu makphai khüshang shirisiq tiikang. Kiimaq Kir Heres chelati miitu jümiisiq tiikang.

ISAIA 16:9

Ümchaü Ngi ka Sibna chela wa spiqtai miitu hoqsiq tiikang, Jajer chela spiqtai miitu hoqsiq tiikang. Imakphai ka Heshbon chelati nai Eleale chelati miitu trok tiikang. Jamkhano ngukla ümchaü tsangshiq raq tsamjut kai chang wak ahü she. Kra ningkhan mungmaiqse chochi chang jammin ahü she.

ISAIA 26:17

Tatiwe lei, ümniiraq naishiq ka tiihoq laü, jechak nyung nowü chhitsi ma hoqtlaq ikha hoqtrangkai.

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 48:41

Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

JEREMIA 49:22

Re raq Bojra chela ka liihawe raq pechong mun maq ajolulu raüta wu dophaq wan tlaq ikha mido phaq wan. Kra akhing na Edom mungti phenlabi ka jechakre nowüchhitsi na phela tlaq ikha ahai sitsi ma miphela.”

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 6:24

“Naishiq raq tsütsa ka taikaishe,” nguta Jerusalemti raq ngutlo. “Kra tailaita naishiq hok ajaq wiita nintata she tiikhaikito. Jechak nyung nowüchhi akhing na atsitsi ma phetlaq ikha kiinyii wankai.

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

John 16:21

Ase chii nam nam, wiihan nyung kriika, nowüchhi chamchao akhing she saü wantlo nguta chapakhiq sitlo. Shatmaq, nowüchhi lot jai she ka, apaiq chamchao kiimin alaq she riibaiq tlo. No ashi raq, mangjong hiq na rawii she chhito nguta, kai chochitlo.

TRI CHONGKE 28:67

Ümmak maq jamlai wa chhitlaü kra wiita kriiraq ümtsan mong na tsan chhiiwa atiikhai rok rok lishe misi haü. Ranaptek rawii wan raüla, raji she nguraü jaq ahea riichang nguta mitiima haü. Kiimaq raji wan raüla, ranap she nguraü jaq nguta mitiima haü.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.