ISAIA 21:2 - ASII LAKDAP Bible (BSI)

² Ngi raq riisham mak maq hengbiti maiq riijiip wan chamchao akhing thun saü wan chhikang. Kriika maiq nai maiq liipan arshaphaq wan kiimaq phanrap miqchup then wan akhing. Elam mungti phenlabi lei, kriq khat ronglaq! Media mungti phenlabi lei, chela thun kra trotam maq komtlo ronglaq! Bebilon mung raq ümtin khan wa chamchao tiisaütaq kra Shiikeawe raq atiitsaq she mirbaiq.

Hawa Naga Bible 2001

² Ngaz rueq vguirc vguenc naqsaq htenc, thuinz kv-phelc wvnc nuiyc tvbac gay htenc kuex ngaz rueq romzyac tvkhic nuex khiz tauk. Elam nolaungx bix lex, khvt shuinz! Medi nolaungx bix lex, ghaqyungx htenc kuex tuimx wuez shuinz! Tishox rueq Babelon mungx nuex tvyaungx tueq kuilc daz kuex tvthauk gay shuex.

ISAIA 21:2 Referencias Cruzadas

RAPHA HIQWA LAK 10:22

Shem setiim ka Elam, Asshur Arpakhshad, Lud, kiimaq Aram riito. Tsangshiq ka tsangshiq lai ala tsangshiq mangponti puwantaq kra kaüwa titiim riito.

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

Tvtsvmc 119:158

Ngi raq mung shaphaqtibi kra chhikangla, ngi ma maklii jaina toqphat ishusitlo, jamkhano ngukla tsangshiq raq ümnaq aming thun langmak.

Tvtsvmc 12:5

“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”

Tvtsvmc 25:3

Ümniima kamtibi ka re raq tang mak, shatmaq jurwa maiqmii wela shongho tlaqti ma saütlo.

Tvtsvmc 60:3

Ümniiraq ümsenginok ka kai tiichamchao laü; naishiq ka cherop kong ikhiishe tro-tri phela raihokai.

Tvtsvmc 79:11

Shumwi kong hoqtrang ka tailaq, laüta ümningkun jonghea kriimaq maiqjaq khon mong na tsai wanti kra tiichhiilaq.

TAKSU LAK 13:15

Athuk atsom maiqse ka, maiq raq kai shrengtlo. Shatmaq joksaü liiqse ka athum riikitlo.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 14:4

Ümtiikiiwa apaiq raq arshe klojiiq, raüla tsangshiq raq Bebilon hokhamwe ka akhiishe mislailii wan: “Abi pinthum hokhamwe ka deawato she! Apaiq raq maiq ka ji maq nishishi jumin jamsha wan lot mak she miraq!

ISAIA 14:7

Ümchaü sanha ara atiisup wan akhing na, mangjong tlotli ka khusang rakhang miishe shongngatlo. Kiimaq maiq loweatek raq khoqriiq shishiiq she shisiqtlo.

ISAIA 22:6

Elam mung wa awa phenlabi thun ka kumrang thaq na ngaraüta saüwanto. Tsangshiq ka liq piraq chhaq kiimaq liqsin chü wiraq chhaq wato. Kiimaq Kir mung wa awa phenlabi thun ka tsangshiq liiq doraq chhaq tiijeje wato.

ISAIA 24:16

Mangjong hiq ratsüko na siti maiqse raq kechu Israil mung tiitsam shinge mitai rong i. Shatmaq ngi ma tsan ransea chang ka jammin ahü! Ngi ka wiita ajam lata sarai wan kang! Ngi ka maiqshaphaqti raq maiq jaq na shaphaq baiq ruqli. Kiimaq tsangshiq raq ngi shaphaq thiikho thütlaq kriika bihea riiwan wanli riitlo.

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

ISAIA 35:10

Tsangshiq ka Jerusalem na chojong chise misaü wan, khoqriiq shishiiq ashi ange kiimaq arü ariiq watrangla. Tsangshiq ka pattup pat-sa chochikhiqli she misi, pattup pat-sa aho ajü nai acha apa ahü she miraq.

ISAIA 47:6

Ngi ka isenginok ma itsankhiq riikang; Ngi raq tsangshiq ka isenginok riimak she ikha haihii wan kang; Ngi raq tsangshiq ka ümjaq khon na thükang, kiimaq ümniiraq tsangshiq ka tiihang wan maü dea riilaü; ümniiraq tikii kiikaiq kong kriimin jimaq nishishi haihü wan laü.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

JEREMIA 31:25

Ngi raq ahun aniitsiti maiqse thun kiima nii mitiitsak kuqha. Lata songtsi ramtsiti ka wok phetaktak she midunghiq wanha.

JEREMIA 45:3

ümniiraq akha ngutlaü, ‘Ngi raq athaqli mirbaiqha! Tatiwe, raq ngi miika chamchao thaq na, tsanbi wokti kli tiitsuq kuqtlo. Ngi ka ümchaü sanha, aho anyi tsi raq, irok irii thun wiita ajamkai kun she. Kiimaq ngi ma nü tiitsak chang min ahü she!’

JEREMIA 49:34

Jedekia ka Juda mung na hokham shong wanli maq jaqlo liipan niili, Tati Ningkun Ajongwe raq ngi ma Elam mung miitu bom chongto.

JEREMIA 49:35

Apaiq raq nguto, “Ngi raq liqsham sreajongbi thun, Elam mung ningkun tiijong wantibi srea nolabi thun ka wiita mijiip baiqha.

JEREMIA 50:14

“Piq sreabi lei, Bebilon mung khatkai tiijeho riikong riikong chap ronglaq. Lanta trotam ma kom ronglaq. Lanta namshiq raq liq maq Bebilon kra hiip ronglaq. Jamkhano ngukla tsangshiq raq, Ngi, Tatiwe maklii na ngarai tangto.

JEREMIA 50:34

Shatmaq tsangshiq khupwongke wantiwe ka ahong alawe. Apaiq mang ka Tati Ningkun Ajongwe, Apaiq riishe tsangshiq kha ka mipho kuq wan. Krai mren ara mangjong hiq na hansang she miraq. Shatmaq Bebilon mungti miitu chamchao she misaü wan.”

JEREMIA 51:11

Tatiwe raq Media mung hokhambi tiishai baiqto. Kriika Bebilon mung kra tiithenbaiq miitu. Apaiq Shomjam tiithen baiqtaq phuk lam she Bebilon ka mitiithenbaiq. Renok siihiip jongbi raq akha aming kuqtlo, “Namshiq liqsin ka siraü min ronglaq! Maiqmii liiq piraq kheronglaq!

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

JEREMIA 51:53

Bebilon mungti ka ra na düwan raüta, kiitelong maq chela tro na jamlai riimin chhemak phan ruk hai raü min, Ngi raq kiijaq maiq tiiwa lata kra chela ka mishthen baiqha. Arka, Ngi, Tatiwe raq toqtan tiikang.”

AJONJÜ 1:22

“Tsangshiq ka tiishutbaiq laq, tsangshiq raq abi klotaq thun kha na, ngi ma mo tiiho laü ikha tiiholaq, tsangshiq ngarai thun miitu mo tiiholaq. Ngi ka chamchao tsi ma hanyitiikang, itsan mong na amitsihea sitiikang.”

DANIEL 5:28

PERES, ümmungtan ka atiikhoke wishe, raüta Medis mungti nai Parsia mungti ma achumke wishe.”

DANIEL 5:9

Kriikha niishe, Hokhamwe Belshajar ka achapa tsi ma achu anü hamlak lak, atheaphi ka jajuk wan wan she riito. Kiimaq asenginok aki miikiimbi thun riimin apaiq ka khrum kuqlot mak, ümkhii ijasiq she riito.

DANIEL 8:2

Riisham mak maq tiihanghiiqli ngi ka Elam wang nyungchong trotam maq kiitelong maq aruk Susa chela mong na riikang. Ngi ka Ulai jürai kii na chap raü riikang.

DANIEL 8:20

“Ümniiraq skupongwe khupo na arong anai chhilaü, kriika Media mungtan nai Parsia mungtan.

Revelation 13:10

Juwa re raq lap chang, kriika kamto milap wan dongdii; juwa atseabaiq chang; kriiti ka nepja thaq maq tengteng mitsai dongdii. Arka Shiikeawe sengi raq, anin chang raüta kamtsantsii pharangrang maq si miitu tsii chongtlo.”

1 SAMUEL 24:13

Ümniiraq richüwe bom tiihap, ‘Abi kiimung ka abi ati maiqsetiim riili kiimung tlo,’ ngutlaq kriiri asap haü. Krai mren, ngi raq ümdü na jaq ka miiq mang.