ISAIA 14:2 - ASII LAKDAP Bible (BSI)

² Maiq mung thun pahea raq Israilnok ka Tati raq tsangshiq ma akuq tsangmung na laü wan nong miitu mikhrumkuq. Kiimaq kiijaq maiq mung thun pahea raq Israilnok dikong ma ja raüta Israilnok ka mishli wan. Man na junok riiwa Israilnok kra khat raüta ji maq nishishi jamsha wantaq nok thun ka ümchaü Israilnok riishe mijamsha wan.

Hawa Naga Bible 2001

² Miq phvnx htenc paunghvlc rueq Israel miqsaz htenc kuex Yehowa rueq tsuingshiq muex vkuq ghaq vraungx nuex yek waungc tvkoc romc kuq wuez shuex, kvwawc miqphvnx htenc kuex dax ikhoc Israel muex shuimx kuq wuez shuex. Israel miqsaz lvp jix hez kuex Israel miqsaz ningkhvnc nuex vlvp rvhumc yek tuex, Israel miqsaz htenc kuex laukshiz tuinghtuing wvnc tueq jix hez kuex Israel miqsaz htenc rueq guimz wvnc shuex.

ISAIA 14:2 Referencias Cruzadas

Tvtsvmc 68:18

Apaiq ka pum diiluhea ba kiina, apaiq rai shumwikong pahea tsuq wan raüta wawanto; apaiq raq akiq khiitibi maiq pahea jaq wa kongphiq thun jaütlo. Tati Shiikeawe ka kiijaq misi wan.

ISAIA 18:7

Akhing ashi misaü wan, kra akhing na, Tati Ajong Pinthumwe raq armungti jaq wa honglu ka mijaü wan. Ara jürai pahea raq tiikho tlaq mung jaq wa. Ara ahong ala mung. Kiimaq ningkun jonghea riimti mung, ara maiq ajong alu kiimaq tsangshiq han ka nyeajok jok hea atsom wiq mung arjaq wa. Tsangmungti ma mangjong tlotli raq aphiip ajiip haitlaq armung jaq wa. Tsangshiq ka Tati Ajong Pinthumwe shomnoq chang Jajon pum na miwa.

ISAIA 31:8

Asiria mungti ka re dong na miqchup mithen wan, shatmaq kriika maiqse ningkun miika riimak. Asiria mung ka re khat kai aki kiiwa wiita apin mirwan. Kiimaq tsangshiqnok jerobi thun ka re raq disekong miishe mitiija wan.

ISAIA 45:14

Tatiwe raq Israil ma ngutlo, “Ejip mung nai Sudan mung tsiiqtum ka ümniiriishe miraq, kiimaq maiqjong maiqlu Seba mungti ka ümdisekong she mija; tsangshiq ka ümjai phan phan jinraü maq khaje miwa. Tsangshiq ka ümjichong na bum raüta tsangnü maq, ‘Shiikeawe ka ümniirai— apaiq kli dea Shiikeawe ka.

ISAIA 49:22

Ajong Thaq Na Ajong Tatiwe raq asenginok ma ngutlo: “Ngi raq maiq mung thun ma miithii mishongkuqha, raüla tsangshiq raq ümsetiim ka jam na mishea wan.

ISAIA 49:23

Hokhambi ka ümniima awe ma mija wan; hokham nyungre ka ümniima anyung re ma mija wan. Tsangshiq ka ümkhaki na hiq na bum raüta ümnaq minoq; tsangshiq ka aransetiim ja raüta ümniima shreng manto mikuq. Kiijiishetiq ümniiraq Ngi ardea Tatiwe nguta misaphaü; ijaq wa khrum jaü khetiti ka ju min jaqmii tiijangbaiq mak miraq.”

ISAIA 49:25

Tatiwe raq tretlo, “Kra mihongtha wan ngutiikang ahata. Phenlawe jaqkhon wa shumwikong ka minyea wan, kiimaq abi pinthum tuwe jaqkhon wa, sepat lopi kra wiita minyea wan. Ümnaq khatti ka Ngi raq mikhat wanha; lata ümsetiim ka Ngi raq mitiichhii wanha.

ISAIA 54:3

Ümmungtan hiqtrai ka trotam maq atiijong riilaq; ümchaü pongmungti thun sitlaq hiqshong thun kra ümsenginok raq milap wan nong. Ümchaü chela thun hiqmiq changkhü ikha sitlaq kra maiq shong wan nong raüta hiima hiqma she misi wan nong.

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

ISAIA 60:4

Ümtro na jamlai phan wa hongtha rai wantaq kra liilaq: Ümsenginok ka jam na laüwan ma adam riitamtlo! Ümsetiim ka pongmung luhea wa misaü wan; Ümse jechaksekong ka noshiisetiim ikha raikhü na miboq wan.

ISAIA 61:5

Isenginok lei, pongmungti thun raq namshiq ka mishlilii, Tsangshiq raq nam jam nyamse kong kra mirümkuq Kiimaq nam wak thun ka mishamkuq Kiimaq nam spiqro thun kra michhintsiikuq.

ISAIA 66:12

Tatiwe raq ngutlo, “Ngi raq ümniika pattup pat-sa miitu rongboq mitiijaha. Maiq mung thun wa tsiiq tum thun ka ümniima jürai wa kham kitlaq ümtiikiimin riikimak phan ikhiishe miraq. Ümniika noshiise anyung raq nyakpü tiinyangtlaq ikha ajaq maq do raüta boqpumtlaq ikhiishe lungwii tsantsii maq mitiichhanchhi wan.

JEREMIA 30:16

Shatmaq ümchaü namngam phaqti thun ka tlotli she miphaqbaiq, kiimaq namshiq jaqtibi thun tlotli ka munglu shumwi ma mitsuq wan. Namshiq ka hok maq nishishi tseatatibi ka, maiq raq hok maq nishishi she mitsat wan, kiimaq namshiq tsiiq runtibi tsiiq kriishe mirun wan.

JEREMIA 49:2

Shatmaq akhing ashi she misaü wan. Kra akhing she saüwan raüla, Ngi raq Ammon mung nyungchong Rabba chelati ma rekhat trang kriishe mitiitaiha. Krai mren redong raüta Rabba chela ka botkhulai rai mishot baiq. Kiimaq tsang mung wa maiqhiq shong thun ka wa maq chaq baiq raüta hiqrai mishot baiq. Kra akhing na Israilnok raq tsangshiqnok hiqshong maiqnok raq ajii wan kra wiita hali tsangshiq raq mijii wan nong.

EJEKIEL 39:10

Tsangshiq raq wak ram wa chin hokai ngomin rarai mak she miraq. Riimakla rum wa chin ma pechong daqkai ngomin rarai mak she miraq. Jamkhano ngukla re raq abaiq thü re khat chang hupsam phong kra chin ma chaq miitu chamtraq asi miraq. Man na jurwa tsangshiq tachong wiira hup asam run raüta hophaq wantaq, kra mungti thun hup asam kriishe Israilnok raq run raüta mihophaq wan.” Arka, Tati Rakaü Hiqwe raq chongto.

DANIEL 7:18

Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

Yoel 3:8

Ngi raq namsetiim maiqwesere nai jechaksere thun ka, Juda mungti ma mishaphaq ha. Juda mungti raq namsetiim ka luhea Sabeannok ma mishaphaqbaiq. Arka ngi Tati Shiikeawe raq toqtan tiikang.

LEWI 25:44

Kiimaq ümniima disetiim raa tlaq jiika, nam tro na siti maiq mung thun kiiwa ri mimai.

Obadia 1:17

“Shatmaq Jajon hiqlam na wiijam mitiipaü wan, kiimaq kriika asii hiq ba she miraq. Kriika Jakob sengi raq milap wan. Kriika tsangshiq tachong hiqshong.

JEKERIA 2:13

Tatiwe man na, tarü, sangli miishe sirong laq. Liirong laq, apaiq ka apaiq sichang asii jam miishe saühotlo.

JEKERIA 2:9

“Tatiwe apaiq raq namshiq ka mikhat. Raüta man na namshiq raq jamsha lan isenginok raq namshiq kriishe mikhat wan. Raüta namshiq tsiiq chong nyamchong thun wiita mitsuq wan.” Ümtiikiiwa riisham bomchong arshe kup wan jiiq, kra akhing na Tati Ningkun Ajongwe riidea ngi ka tiikito nguta wiitarü raq misap wan han.

Luke 12:45

Shatmaq, ara ajaqshi se ariiraq, atsan mong na atijong we ka alo jangho mak sham nguta mitiima. Raüta, apaiq raq jaqshisetiim abiti thun jechakre maiqwere sitlaq kra mitsat son. Kiimaq apaiq ka cherop tsampii wali she mingi.

Romans 15:27

Ara tsangshiq raq thapthi wantaq arka, tsangshiq tsiitsii maq archong wan. Shatmaq, riikhaqli maq liiwan raü jiika, tsangshiq raq Jehudinok ma, jaqsong khrum kewan chang ka asi dea na. Jehudinok raq tsangshiq Pongnok phan maiqse ma, kamasham tsiiq anyam ka phea kuq wanto kriikha maq, tsangshiq riimin la, tsiiq nai nyam ka, Jehudinok ma kran kewan ka alam asi.

2 Corinthians 10:5

Naishiq raq, shiikong miilong kiimaq arot akiq tri raü maq, Shiikeawe lam phan sap wan chang lam jong na, peruk hai tlaq kra, arun riibaiq tiikai. Naishiq raq maiqse tiima tsantsii thun kriika, Khristo puk na nyap wan miitu trap tru rapkhat khat rap wiiq tiikai.

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

Ephesians 4:8

Arka, Asii bomtsi na akha chong tlaq ara phanphan kuwanto, “Apaiq ka ümtiikiiwa ratsan ramong nyang na wawan taq, kra akhing na apaiq raq rewa shumwi alap wan pahea, apaiq rai shea wan damto. Raüta, apaiq raq maiqse angu ma, kongphiq pahea phea kuqto.”

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.