ISAIA 14:3 - ASII LAKDAP Bible (BSI)

³ Tatiwe raq Israilnok ka chamchao litkot walü mong wa kiimaq tsangshiq ka di ma tiija raüta ningkun maq jaq tiisham shiinüm shatlaq kriiwa mitiichhiikuq wan.

Hawa Naga Bible 2001

³ Yehowa rueq Israel miqsaz kuex tsuingshiq thuiuz vsac kuilc vdaz nuiyc yauk shuimc gvrc hvlc tvshuimc yaq wawc tvjawz kuq shuex.

ISAIA 14:3 Referencias Cruzadas

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 12:1

Ranaiqshi akhing saü raüjaq nokwe raq akha mishinge, “Tatiwe lei, ngi raq ümnaq tiitsam tiikang! Ümniika ngi ma akhiq riilaü, shatmaq ümchaü ka ngi boqpumtlaü, kiimaq ngi rai tsan riikhiq maüshe.

ISAIA 32:18

Shiikeawe senginok ka chamchao chapa ahü she miraq. Tsangshiq jamkun na nai hiqshong na khusang rakhang miraq.

ISAIA 40:2

Jerusalemti ma tsaiji dokuq ronglaq. Tsangshiq ma chonglaq, tsangshiq luhea she chamchaoto, kiimaq tsangshiq ngarai thun ka ümchaü diibaiqto she. Ngi raq tsangshiq ngarai homa kra khan khan hongli mo tiihokang she.”

JEREMIA 17:4

Ngi raq namshiq ma akuqha nam mung kra namshiq raq athaqbaiq chang she miraq. Kiimaq namshiq raq namjaqtinok wokhong na silanta, namshiq raq jam man sap man mangtang ramangnok mung kiina silantiishe chiqse rewenok kriishe mishomnoq han. Jamkhano ngukla itsankhiq ka walü wa nyai tlaq ikha nyaitlo. Kra walü ka pattup pat-sa nyairuqli she minyai wan.”

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 30:8

Tati Ningkun Ajongwe raq ngutlo: “Ümtiikiiwa kra akhing ranaiq she saüjiiq, Ngi raq tsangshiq dangkong na kharü thaikii akhakuq kra atiibun mirbaiqha. Lata tsangshiq khachang jinraü kharü tu kra adii mirbaiqha. Krai mren, tsangshiq ka pongmungti disekong ka riimak she miraq.

JEREMIA 50:34

Shatmaq tsangshiq khupwongke wantiwe ka ahong alawe. Apaiq mang ka Tati Ningkun Ajongwe, Apaiq riishe tsangshiq kha ka mipho kuq wan. Krai mren ara mangjong hiq na hansang she miraq. Shatmaq Bebilon mungti miitu chamchao she misaü wan.”

EJEKIEL 28:24

Tatiwe raq nguto, “Israil mung tro na siti maiq mung thun raq Israilnok ka thophi riiqphi shummii wanti thun kriiwa, ashi ra min Israil mung miitu ümtiikiimin shukchong nyiqchong ikha jalot mak she miraq. Kiimaq tsangshiq raq, Ngi ardea Tati Rakaü Hiqwe nguta misap wan.”

JEKERIA 8:2

“Ngi raq Jerusalem ka akhrumke wan lungwii tiikang. Jamkhano ngukla, asenginok miitu ilungwii tsihea. Kra lungwii tsii sikha maq ajaqtinok ma kai khiq wan kang.

JEKERIA 8:8

Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.

TRI CHONGKE 28:48

Kra ningkhan she, Tatiwe raq üm khuthaq na chiqse rewenok tiikitlaq kriishe mishomnoq wan haü. Ümniika ramtsi, kham nyangtsi, kiimaq kheahü, phanrap na athüm alit she misi wan haü. Tatiwe raq ümniika nyat shat shat not shot shot lishe chongthum ma mija haü shaq wiiwii mitiicham chao wan.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!