ISAIA 14:1 - ASII LAKDAP Bible (BSI)

¹ Tatiwe ka thongshiri hali asengi Israilnok ma mangchan mitiichhikuq nong. Raüta tsangshiq ka apaiq riishe nguta mitsea wan nong. Apaiq raq tsangshiq ka tsang mung na thongshiri hali mitiishong wan nong. Kiimaq pongmungti maiq pahea kiijaq waraüta tsangshiq rai misidam.

Hawa Naga Bible 2001

¹ Yehowa rueq vpiq miqsaz Israel kuex laukshiz hulawx menjenc vtueq tsuingshiq kuex vpiq phvnx ikhoc thvl wvnc yek shuex. Vpiq rueq tsuingshiq kuex miqmac ghaq vraungx nuex tvyek yek shuex, tsuingshiq rulc vdvmz pungnuk miqsaz htenc muinz httax kaz naungx tuex.

ISAIA 14:1 Referencias Cruzadas

ESTHAR 8:17

Kriithaq niimin, Hokhamwe aming lak ka chiiriim wan wan maq, chela tek na, wangtek na tiitai phatkuqto. Krai mren, Jehudinok ka barap na shreng chochi poi hai ranaiq she hum wanto. Kiimahali phan hin mungmaiqse pahea ka Jehudinok ma hai ma, tsangshiq min Jehudinok miishe jawanto.

Tvtsvmc 102:13

Ümniika chap laüta Jajon ma tiihang mangchan mitiitsi haü; kriinyung ma tiihang mangchan tiitsi rahiq saütoshe; ümchaü ka kra akhing ka saüto.

Tvtsvmc 102:14

Ümjaqshise raq kriinyung ka lungwiito, apaiq ka wiita tiithenbaiq kli jumin; tsangshiq raq kriinyung ma tiihang mangchan tiichhishat, apaiq ka wiita athenkaikun she jiimin.

Tvtsvmc 143:12

Ümniiraq ngi lungwiitlaü kha maq ijaqtibi ka jiipbaiqlaq, kiimaq ngi ka jimaq nishishi haihiiti thun ka wiita jiipbaiqlaq, jamkhano ngukla ngi ka ümjaqshise.

Tvtsvmc 98:3

Apaiq raq Israilnok ma kiqkham kuqtaq kra tiihongtoshe apum ma tiijatlii raüta kiimaq tiipitmakphan lungwiitsii maq tiihongto.

ISAIA 19:18

Kra akhing she saüwa raüla, Hibrunok bom ka Ejip mung na chela biingi niishe mungmaiqse raq milang wan. Kra chelati thun mungmaiqse raq Ajong Pinthum Tatiwe mang chong raüta mitum. Kra phong wa chela ashi mang ka “Rashekaü chela” ngutiishe mimang.

ISAIA 21:1

Arka Bebilon mung tiithai tsütsa. Rathaiqtro henghea raq kumtsaiphii rumnyangkhi wang tiithen hut wantlaq ikha, phiiptsi chang maiq mung ashi ki raüta mishthenbaiq.

ISAIA 27:6

Rawiichii saü wantlaq akhing ranaiq na, Israilnok ka, Jakob saüse phan ka, pechong rangtu hiq mong na tsaühea cham wan tlaq ikha micham wan. Raüta tsangshiq ka apü alü waheala miraq. Raüta amak potsetiim midong wan. Raüta atsi ango phong raq mangjong hiq na hiqham raham ama miraq.

ISAIA 41:8

“Shatmaq ijaqshise, Israil ümniika, namshiq ka Ngi raq atsea arwanha isenginok, ikongtiwe Abraham saüsetiim.

ISAIA 41:9

Ngi raq ümniika hiqmaikii tiisup wa ashea wanha; ngi raq ümniika hiq tiisup wa heawan kang, lata ümniima akha ngukang, ‘Ümniika ijaqshise.’ Ngi raq ümniika tiishaübaiq mang, shatmaq tsea wan kang.

ISAIA 44:1

Tatiwe raq ngutlo, “Tailaq ümchaü, ijaqshise, Israil lei, Ngi raq tingsang atsea wanha isenginok, Jakob saüse phan.

ISAIA 45:14

Tatiwe raq Israil ma ngutlo, “Ejip mung nai Sudan mung tsiiqtum ka ümniiriishe miraq, kiimaq maiqjong maiqlu Seba mungti ka ümdisekong she mija; tsangshiq ka ümjai phan phan jinraü maq khaje miwa. Tsangshiq ka ümjichong na bum raüta tsangnü maq, ‘Shiikeawe ka ümniirai— apaiq kli dea Shiikeawe ka.

ISAIA 47:1

Tatiwe raq ngutlo, “Bebilon lei, ümhokham ngacho wa satkikiq, laüta hiq na botkhulai thaq na ngalaq. Man na akhing ashi na ümniika junsang riilaü, chela ashi re raq jiimak shaq riilaü, shatmaq ümniika hünin hanninse ka riimaü she! Ümniika ümchaü maiqdi nyung she!

ISAIA 49:10

Tsangshiq ka ümtiikiimin aramtsi riimakla khamnyangtsi chamchao mak she miraq. Rashekiitsi nai kumtsaiphii hiqke raq tiichamchao mak she miraq. Jamkhano ngukla tsangshiq lungwiitiwe riishe tsangshiq ka miriim wan. Apaiq raq tsangshiq ka tsiimse raisetiim na misheaho.

ISAIA 49:13

Shi ronglaq, ramungtan thun! Chojong chise gitrang ronglaq, mangjong hiqraikhü lei! Pum thun raq ashi ange phoktrang ronglaq! Tatiwe raq asenginok miboqpum; apaiq raq asenginok chamchao chhi raüta mimang chankuq.

ISAIA 49:15

Kriikhaniishe Tatiwe raq tretlo, “Jechak nyung raq ase noshii ka milaqbaiq shea? apuk maq adong ase ka lungwii mak sha miraq? Anyung raq ase ka laqbaiq raümin, Ngi raq ümniika laqbaiq mang phan.

ISAIA 49:25

Tatiwe raq tretlo, “Kra mihongtha wan ngutiikang ahata. Phenlawe jaqkhon wa shumwikong ka minyea wan, kiimaq abi pinthum tuwe jaqkhon wa, sepat lopi kra wiita minyea wan. Ümnaq khatti ka Ngi raq mikhat wanha; lata ümsetiim ka Ngi raq mitiichhii wanha.

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

ISAIA 54:3

Ümmungtan hiqtrai ka trotam maq atiijong riilaq; ümchaü pongmungti thun sitlaq hiqshong thun kra ümsenginok raq milap wan nong. Ümchaü chela thun hiqmiq changkhü ikha sitlaq kra maiq shong wan nong raüta hiima hiqma she misi wan nong.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

ISAIA 56:3

Pongmungti Tatiwe senginok rai pong wanti raq akha tiingo raamak she, “Tatiwe raq ngi ka asenginok rai adam na tiinoq dam mak miraq.” Maiq ümriitiwa alai ka lambaiq reaje, kriiti raq apaiq raq aseri humlot mak she miraq, kra ningkhan apaiq ka Shiikeawe senginok ma jawanlot mang she miraq nguta tiima wan raamak she.

ISAIA 60:10

Tatiwe raq Jerusalem ma ngutlo, “Pongmungti raq ümchela tro ruk ka mitiihea haikuq, Kiimaq tsang hokhambi raq ümnaq mishkumpan, Itsankhiqtsi ma Ngi raq ümniima mo tiihokang, Shatmaq ümchaü Ngi raq ümniima lungwii mitiichhikuqha, Kiimaq atiihang mirkuqha.

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

ISAIA 66:20

Tsangshiq raq namshiqnok ka kunli pongmung thun wa Ngi ma kongphiq akuqho ikha tsuq wan raüta, nam mung na mishea wan. Tsangshiq raq tsangshiq ka Ngi raq asii hiqlam Jerusalem na riimtiikang kriijaq kumrang kong thaq na ngaraq raq, kumtoq kong thaq na ngaraq raq, kiimaq kumtsong kong thaq na ngaraq raq, kiimaq kumrang leng thaq na ngaraq raq kiimaq minsaü leng thaq na ngaraq raq mitsuq wan. Israilnok raq wong-honglu thun ka lairap thüchang hupsam ka asii mong na thü raüta Shomjam na kuq wan tlaq ikha mikuq wan.

JEREMIA 16:15

Kra ngorii na, tsangshiq raq ngi mang chong raüta, ngi ka atra Shiikeawe tsangshiq Israilnok ka shekhu nü mung thun kiiwa riichom wan lata, kiimaq maiq mung thun ahin pahea na tsangshiq ka atiipin baiq wan ha kiiwa riichom wantiwe nguta mingu. Ngi raq tsangshiq ka tsangmung na tsangti tum ma akuq wan ha mung kiina hali mitsuq wan nongha. Arka Ngi, Tatiwe raq ngutiikang.”

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 30:8

Tati Ningkun Ajongwe raq ngutlo: “Ümtiikiiwa kra akhing ranaiq she saüjiiq, Ngi raq tsangshiq dangkong na kharü thaikii akhakuq kra atiibun mirbaiqha. Lata tsangshiq khachang jinraü kharü tu kra adii mirbaiqha. Krai mren, tsangshiq ka pongmungti disekong ka riimak she miraq.

JEREMIA 31:4

Thongshi ri hali Ngi raq namshiq ka mitiijonglu wan nongha. Thongshi ri hali, namshiq raq maiqmii jaqsinpin thun kra tsüngii lanta chojong chiseshe miwiinum siq wan han.

JEREMIA 50:33

Tati Ningkun Ajongwe raq ngutlo, “Israil mungti nai Juda mungti ka pinthum tiichamchaotlo. Tsangshiq lapwantinok raq tsangshiq ka kheshat maq thütlo. Raüta tsangshiq ka kinphai niimin tiikhum mak jam shatlo.

JEREMIA 51:51

Namshiq nga, ‘Nashiq khushü ka tiijamto. Kiimaq jea tiingaüto. Nashiq ka ümkoq ümphaq lishe sitiikai. Jammin chhechha lot mai. Pong mungti raq Shomjam mong wa asii khok thun ka wiita jii wanto.’

EJEKIEL 16:60

Shatmaq Ngi raq ümnaq noseji na ümniirai tongshong kiqkham raüpot kha wan kang kra mishrengha. Kiimaq Ngi raq ümniirai tongshong ashi hali mishong wan nongha. Kriika pattup pat-sa thenki mak phan miraq.

EJEKIEL 47:22

Arka namshiq ma pattup tachong hupsam. Kiimaq pongnok phan namshiq rai sidamti kiimaq arjaq siji na tsangsetiim humtaq kriiti thun miimin, ümtiikiiwa namshiq raq hiq riichumtlan kiitiikaq tsangshiq miimin hiq ka pheake chang. Tsangshiq kiimin Israilnok maiq phan thun rai kongshi nokti sii nguta tlom wan chang miraq. Krai mren, hiq riichum tlan akhing na langlii lanta, langraq athaü thaü na, tsangshiq rii hiq ka michum kuq wan han.

JEKERIA 1:17

Kiimahali rase raq ngi nangnga chiiriim laüta akha chonglaq nguta thaüto: “Ningkun Ajong Pinthum Tatiwe raq apaiq chela thun ka pinthum chiithe ma mitiija wan nong. Kiimaq apaiq raq Jerusalem ka mikhrum wan nong. Raüta kra chela ka apaiq riishe nguta phumramkii maq mike wan nong.”

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Luke 1:54

Apaiq bomkham natitiim ma achong kuq thü, tiihongkuq wanto she. Ümchaü apaiq ajaqshi se Israilnok khrum kekai saükito she.

Luke 2:32

Apaiq ka Pongnok phan maiqse ma, Ümrawü li tiichhike wanti, Apaiq ka ümsenginok Israil mung ma, ümkhushü jonglu kra tiichhike wanti.”