Hosea 14:8 - ASII LAKDAP Bible (BSI)

⁸ Israilnok raq sumla phra thumthum, raq na mitiikü baiq wan. Tsangshiq achujaü ngi raq mitre wan ha. Tsangshiq ngi raq mitiichhanchhi wanha. Langjong pechongtsung ikha, inyam mong na midung wanha. Tsangshiq achu shiiman ngi raq mikuq ha,” nguta Tatiwe raq chongtlo.

Hawa Naga Bible 2001

⁸ Israel miqsaz kuex yac yuimx htenc rulc yvmx muinz seng muq shex; tsuingshiq vjux thoz bomc kuex tvralc kuq vtueq tsuingshiq muex tvkhup wungx kuq shaungx; Wuiljuit wuiljaungx pulx ikhoc ngaz kuex tsuingshiq kvwungx juing muex yaungx taungx; Ngaz kuex tsuingshiq lotlaz muex ruimrix kejux dungc jungx rvtauk.”

Hosea 14:8 Referencias Cruzadas

YOBA 33:27

Apaiq raq nokwe man na michong, “Ngi raq ngarai tangkang dea. Ngi raq riikhaqli sham mang dea, shatmaq Shiikeawe raq ngi ka tiihang kuqto.

YOBA 34:32

Ümniiraq Shiikeawe ma ümshut ümphit kra tiichhi kuq laq nguta chonglaü shea? kiimaq abi klomang she nguta kiqri laü shea?

ISAIA 41:19

Ngi raq rumnyangkhi kumtsaiphii na, maisak pero tonglong mitiija baiqha. Kiimaq akasia pero nai martel pero tonglong kiimaq olip pero tonglong mitiija baiqha. Hiq kealoklok binjü na pero tonglong she miraq, painro nai junipar ro kiimaq saipras ro tonglongli she mijong wan.

ISAIA 55:13

Saipras pero ka ümchaü kiimko ro chamtlaq kiijaq cham raüta mijong wan; martel pero ka shuktam ro chamchang ba kiijaq micham. Ara miithii shong arka pattup pat-sa misi wan, arka Ngi Tatiwe raq jaq shamkang kra tsan na tiitsang miitu miraq.”

ISAIA 60:13

“Pain pe, junipar pe, kiimaq Saipres pe thun, Lebanon pum wa pe ahea pinthum kra, Lamho raüta ümchela ka mitiihea hainong. Raüta i Shomjam ka pinthum tsomhea tiija miitu, Raüta ichela ka achhai anyii khushü tiijong miitu.

EJEKIEL 17:23

Kriika Israil mung na pum diilu pinthum kiijaq michhiha. Raüta akü thun ka mijong wan, atsi ango midong man wan, raüta alüsea chang tsomhea maisak chong miraq. Phanrap phanrii wushi kong kiijaq misi wan, kiimaq achong nyam kiijaq misi wan.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

Luke 15:20

Kra tiima wantaq krai mren, apaiq ka kra mung wa tiido wan raüta, awe phaniishe jang wanto.” “Apaiq ka jam maq luhea na awarai niili, awe raq apaiq ka chhito. Ase ka chhi raüta, awe tsan na ase miitu, kai mangchan tsito. Krai mren, awe ka juju kiraüta, ase ka akhuk na pomsaq pomhotlii riito. Raüta, ase theaphi na shupto.

John 1:16

Apaiq kaphap mangchan tsii ka jürai ikha tümlüm tümli sitlo. Krai mren, apaiq raq nashiq ma, achu shiiman ramram jaqshamke ka tangwa jüchhang khamkai ikha, raükuqtlo.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Philippians 2:13

Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.

Philippians 4:13

Khristo raq ngi ma ningkun kuq tlaq kriimaq, ngi raq phanrap akhing saü wan tlaq kra nin lot tiikang.

1 Thessalonians 1:9

Tsangshiq wiitarü raq, man na naishiq namshiq ma Tsütsa Ahea chongke wa saü wan kai akhing na, namshiq raq naishiq ka, kai tsapkap lanta tao wan lan irthun ira, ümchaü min tsaki wan ruq li tsaki tlo. Kiimaq namshiq ka amaa sumla phra noq lanta, sitlan shaqmii rilung lamphan wa, atra kiimaq riikhaqli Shiikeawe rilung lamshe phan wan lan. Kiimaq apaiq puk na nyap lan. Kriithun ka tsangshiq raq ümchaü min chongruq li chong tlo.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.