Hosea 14:7 - ASII LAKDAP Bible (BSI)

⁷ Thongshiri tsangshiq iwokhong na, khu asang maq mishong wan. Pepüro bagan ikha mipülii wan, Lebanon pum wa spiqro ikha, maiqlung ngamwii tsomhea mitsingo wan.

Hawa Naga Bible 2001

⁷ Tsuingshiq kuex ngaz rueq tvkhup wungx shaungx khung nuex lauk shiz httax yek lvp tuex. Tsuingshiq kuex tuiz vtsvmz ikhoc kemz wvnc vtueq svpiq ruiuz ikhoc vthuey thuey wvnc tuex. Tsuingshiq kuex Lebanon svpiq tix ikhoc thaungx baungx shuex.

Hosea 14:7 Referencias Cruzadas

Tvtsvmc 138:7

Ngi ka litkot chamchao mong na sikang na, ümniiraq ngi khupwong kuqlaü. Ümniiraq ijaqtinok khiqriq ka tokuqlaü laüta ümningkun maq ngi tiichhiikuqlaü.

Tvtsvmc 85:6

Naishiq ka ajong alunok ma tiija nonglaq, raüla naishiq, ümsenginok raq, ümniika mitiitsamkam nongkai.

Tvtsvmc 91:1

Juwa Tatiwe tiiwong na watlaq, juwa Ajong Pinthum wokhong na sitlaq,

ASHICHONG 2:3

Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.

ASHICHONG 4:11

Ita-nyungnye lei, ngiqngu sum ka ümnübii na, ümtili ka ngi ma nyakpü ikha. Kiimaq ngiqngu ikha sumhea. Ümdü na asam miirii Lebanon pum wa, Sedar pechong homwa ikha homhea.

ASHICHONG 6:11

Ngi ka sonruk mong na Almon ro na kikang. Lata chamnyesetiim hiqthung tan wa liikai kikang, spiq jaq anye nümwa liikai kikang, pomegrenet pü ro liikai kikang

ISAIA 61:11

Tsamlai ka jamkho cham wantlaq Raüta jong wantlaq ikha, Ajong Thaq Na Ajong Pinthum Tatiwe raq asenginok ka mitiichhiikuq, Kiimaq maiq mung thun tlotli raq apaiq mitiitsam wan.

EJEKIEL 17:23

Kriika Israil mung na pum diilu pinthum kiijaq michhiha. Raüta akü thun ka mijong wan, atsi ango midong man wan, raüta alüsea chang tsomhea maisak chong miraq. Phanrap phanrii wushi kong kiijaq misi wan, kiimaq achong nyam kiijaq misi wan.

Hosea 14:5

Tsamjang maimak longkaü ikha kealoklok. Ra mitiijun ha Israilnok ma. Khiqra wak tsamhea ikha Israilnok mijong wan. Lebanon pum wa pero ikha, arang phataqtaq micham wan.

Hosea 2:21

Kra akhing na ngi raq isengi Israilnok, achu jaü mitreha. Ngi raq ra mitiijun kuqha. Krai mren tsangmung na, tü atsam nai spiqtsi kiimaq Olip petsi thun aheawiq mitsingo.

Hosea 6:2

Ranaiqnai riimakla ranaiqtsam liipan niili, apaiq raq nashiq tsitsü mitiichümkuq, kiimaq nashiq ka apaiq wokhong na misi rong i.

JEKERIA 8:12

Tsangshiq raq tsam lai ka han sang maq miwan. Tsangshiq spiqro na atsi ango miraq. Wakram na tü atsam maimai riimak mitsingo wan. Kiimaq rajun waitsi min khaq khaq mitiisat kuqha. Ngi raq isenginok abung ümchuwa tiichongtaq kriiti ma arthun achu shiiman mikuqha.

John 11:25

Kiijiishe, Jesuq raq apaiq ma chongto, “Ngi ahata amaa wa dong wan ningkun tu kiimaq rilung tsitsü raü chong. Jurwa ngi ma kam tlaq, kriiti ka atsai jai min atrali she misi.

John 12:24

Ngi raq chongtiikang arka tengteng: Tsam rai ka wak na jangki raüta, hiqmong na atsai arki ikha siwan hü wiiwii ka, raishi laqlaqse asiiliili misi. Shatmaq, kra raishi sitlaq kriika, atsai raüta cham wan raütiq, anyam ka midong wan. Raüta arai ka pahea she midong man wan.