Hosea 14:9 - ASII LAKDAP Bible (BSI)

⁹ Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Hawa Naga Bible 2001

⁹ Vruex wuiyq shec tueq luik kuex taksux tharc tuiuz tay jix ukhaq rueq muinz tuiuz wvnc vtueq thuinz vmungx nuex mhtawc taq shueq. Yehowa lvmx htenc kuex vlvmz rvtueq ningkhvnc nuex, tsuingrux miqsaz htenc kuex kvyuq khuemx vtueq phvnx wuez yaq, yuq muinz mvrax vhttax jix htenc rueq kvruex htenc kuex wvlc guez tvyaungc ningkhvnc nuex kvhtuip vtueq rul wuez yaq.

Hosea 14:9 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

YOBA 17:9

Aki miikiimbi nguta tiingoti thun ka, tsangshiq dea riikhaq li nguta tiima tlo.

Tvtsvmc 107:43

Juwa taksu maiqse kriiti raq arthun mishiwealaq; kiimaq Tati tiipitmakphan lungwii kra mitak laq.

Tvtsvmc 119:128

Kra ningkhan ümniiraq tsii chongtlaü ka ngi raq wiita langtiikang; Ngi raq ashut lam thun tlotli tsaihai tiikang.

Tvtsvmc 119:75

Ngi raq asapha ümniiraq kha photlaü ka tingting, Tatiwe lei, kiimaq ümniiraq ngi ma mo tiiholaü ka ngi tsapkap laüta tiiholaü.

Tvtsvmc 84:5

Pinthum peohea ümniiraq ningkun shoqkuqtlaüti ma, juwa Jajon Pum na kechu lamphan ritwatlaqti ma.

Tvtsvmc 84:7

Tsangshiq ka awalam miili ningkun lap wantlo; tsangshiq raq tisho thun thaq na Shiikeawe ka Jajon na michhi wan.

TAKSU LAK 10:29

Tatiwe raq tingting maiqse khupwongtlo; Shatmaq ashut kloti ka atiithen mirbaiq.

TAKSU LAK 16:21

Maiqla, nyungwesheti riika, phanrap asap atsin; Abomtsi ka athuk atsom bom wan wan, maiqse tsantsii apa tiinin jawan wan miraq.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

ISAIA 1:28

Shatmaq ngarai kloti nai apaiq kiq khiiti thun ka wiita kunkun atsea mirbaiq. Apaiq wokhong wa dongho raüta, apaiq miimbaiq thüti ka loweatek wiita atsea mirbaiq.

ISAIA 17:8

Tsangshiq ka tsangshiq maiqmii jaq maq atiiq lowan sumla phra thun shomnoq chang berong-wacha thun kiimiika lamkam mak she miraq. Kiimaq tsangshiq jaq ma aklo wan Ashera phra kaü nai laihin phra noqchang homseng chaqchang berong-wacha thun kriimiika kam tsantsii thümak she miraq.

ISAIA 26:7

Tatiwe lei, ümniiriika maiqshaqti khum ma lam aheawiq tantlaü; tsangshiq khum chang lam ka lampii.

JEREMIA 29:12

Kiitiikaq namshiq raq ngi mihea han. Namshiq ka iphana wa lanta, Ngi jaqwa achu mijaü han. Kiimaq Ngi raq namshiq achu jaü ka mitreha.

JEREMIA 9:12

Ngi raq waikang, “Tatiwe, riita armung arka jamlairo rumnyangkhi kumtsaiphii ma jakita? Krai mren arlam maq maiq jumin khum mak she? Ara takti taksu maiqse ka juwa? Ümniiraq jumo ara mra pintaq ara chongkuqlaü apaiq raq nanok ma chongkuqlotli chang?”

EJEKIEL 11:18

Ümtiikiiwa tsangshiq ka jang wan nong jiiq, tsangshiq raq ashe ashi, maiqphai asi sumla thun kra wiita tiisii rai tsuqbaiq wan chang miraq.

EJEKIEL 18:25

“Shatmaq namshiq nga, ‘Tatiwe raq jamlai wa kiimungtlaq kriika riikhaqli riimak,’ ngutlan. I bom chong ara tairong laq, namshiq Israilnok raq. Namshiq nga, Ngi raq jaqsham tiikang arka riikhaqli riimak ngutiisha tiima tlan? Namshiq raq jamlai wa klotlan kriikata riikhaqli riimak.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

DANIEL 12:10

Maiqse pahea khum ka atiisii mirkuq wan. Abi maiqse thun raq arka sap wanlot mak miraq. Shatmaq tsangshiq ka pahea jabi wan wan khoti miraq. Taksu maiqsetiim riili arthun ka mitak wan.

JEPHANIA 3:5

Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.

JEKERIA 10:6

“Ngi raq Juda mungti mitiitsing ngangha, Ngi raq Israil mungti ka mitiichhii ha. Ngi raq tsangshiq ka mimangchanha, Lata wiitarü tsangmung niishe mitsuq wan ha. Tsangshiq ka ngi raq jangshi min tiishaübaiq mang dongdii ikhiishe, ikhuk na mipom wan ha. Ngi ka tsangshiq Tati Shiikeawe. Ngi raq tsangshiq achu jaü mitreha.

Matthew 11:19

Kiimahali Maiq Se ka saüho raüta, phaqsea khamnyang chamtraq maq siwanto. Kiimaq kra chhi raüta maiqse wiitarü raq, ‘Arwe kaü ara liirong laq! Apaiq arka shakaq kiimaq cherop nyiipthop we kaü! Phunta hiti nai ashleq arbaiq maiq anun phan kongti we!’ nguta tsaihai tlo. Shatmaq Shiikeawe taksma nyan jaqsham kaiwa kriika riikhaqli dea nguta jaqsham ka atsi ango maq tiichhi kuq wan tlo.”

Luke 2:34

Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

Luke 7:23

Riita jurwa ngi ma kam tsantsii kra tiijom mak maq sitlaq, kriiti ma pinthum kechu jonghea!”

John 15:24

Ngi raq tsangshiq makki na, maiq ahinti jurmin sham wanlot mak chang phan jaqsham shamkuq kang thun kriika, shamkuq wan mang dea ngu raü jiiriiwe kla, ija, tsangshiq shut chang ngarai min ahü mirwa. Shatmaq, ümchaü sanha, tsangshiq raq kra thun jaqsham ka wiita chhi wanto she. Raüta, tsangshiq raq i We nainai wiita she ngeng tlo.

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 8:47

Juwa Shiikeawe pha wa aki, kriiti riili Shiikeawe bomtsi ka tiitsang tai tlo. Shatmaq, namshiq ka Shiikeawe setiim ka riimak. Kriikha maq, namshiq raq apaiq bomtsi ka tai roman.”

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

Acts 13:10

Raütiishe, Paul raq mintin we ka akhiishe sonto, “Ümnaq arka Tha Kaü ashi! Ümnaq arka ating arai jaqsham thun kra tangta baiqti we. Ümtsantsii ka abi thiikho. Kiimaq ümniiraq Tatiwe tengteng bomtsi kra, arot akiq ma tiija baiq wan kli tiima tlaü!

Romans 7:12

Riita, ija, ara chong tiikai arai mren, Shiikeawe raq akuq Thungtri raütu riiwe kla asii dea na. Kiimaq thungtri raq akuq aming thun kiimin asii. Kiimaq tingting. Kiimaq ahea athuk atsom nguta sitlo.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

Revelation 15:3

Raüta, tsangshiq ka Shiikeawe jaqshise Mosheq raq shingetaq kra shi nai Skuse raq shinge wantaq kra akha shinge trang taikang: “Achong lot mai awang chang ajong jaqshamti, O Tati Ajong Shiikeawe lei. Tingting tri raütu kappe shamti, Pattup pat-sa Hokham we.