Hosea 13:16 - ASII LAKDAP Bible (BSI)

¹⁶ Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

Hawa Naga Bible 2001

¹⁶ Samaria ghaq rueq ngaz kuex khawc lvlc ningkhvnc nuex murx tvgurc rvhumc tuex. Piq miq htenc muinz ralx nuex thueyc wvnc wuez tuex; noshawx sahez muinz ghaq nuex htuy gay rvhumc vtueq, wvgvnz nyuiuz tamx wuk gauk gay rvhumc tuex.”

Hosea 13:16 Referencias Cruzadas

2 HOKHVMX 15:16

Manahem ka Tirja chela maq awa lam niili Tappua chela ka tiibunlak hiqrai shottlii tiithenbaiq wanto. Kra chelati thun, kiimaq kra chela tro wa maiqhiq shong thun ka wiita tiithenbaiqto. Jamkhano ngukla kra chelati ka apaiq puk na nyap mak riito. Apaiq raq jechakre wiisewokti thun puk kiimin kholam kholiiq riipbaiqto.

2 HOKHVMX 17:18

Tatiwe ka Israilnok ma atsankhiq riito. Kra ningkhan apaiq raq tsangshiq ka amakki wa jobaiqto. Raüta Juda mungtan kli she tiichongto.

2 HOKHVMX 17:5

Raütiishe Shalmanesar raq Israil mung ka longto. Raüta Samaria chela ka trotam maq komhoto. Rawiitsam she komjai maq,

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

2 HOKHVMX 8:12

Kra chhi raüta, “Shiilangwe lei, ümniika jam nguto hoq tlaü?” nguta Hajael raq waito. “Jamkhano ngukla ümniiraq Israilnok ka phiiptsi jiiptsi mitiichamchao haü kra sap lata hoqtiikang,” nguta Elisha raq treto. “Ümniiraq tsangshiq chela thun trotam maq kiitelong maq rukje thun kra wa maq michaq baiqhaü. Laüta tsangshiqnok jerobi shamhea shamjü thun kra wiita mijiip baiq haü. Kiimaq tsangsetiim nosere thun ka hiq na tiinam miitok mitiiq baiq haü. Kiimaq jechakre wiisewok nyungre thun ka nepjasai maq kholam kholiiq tsangshiq wok ka miriip baiq haü.”

ISAIA 13:16

Tsangshiq raq jamkha ijasiq liirattlaq liipan niili, tsangsetiim noshiisekong ka tiinamtok tiikhiqlaq mitiiqbaiq. Kiimaq tsangnyungre ka renok raq mihaihii baiq.”

ISAIA 17:3

Israil mung ka atiiwongketi jumin ahü miraq. Kiimaq Damaskas chela ka wase riimak she miraq. Siria mungti re jaq song atiichongkiti thun ka Israilnok kiikha munjuk mijukli she miraq. Arka Ngi Ajong Pinthum Tatiwe raq ngutiikang.”

ISAIA 8:4

Ara no ka, ‘Nyung-nyung’ nai ‘Wewe’ ngutiimin mibomtsü shaq liipan niili Damaskas chela wa tsiiq nai nyam tum thun kra wiita kiimaq Samaria chelati raq maiq tsiiq tek raüta atum atum ato thun kra Asiria mung hokhamwe raq wiita mihophaq wan.”

Hosea 10:2

Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

Hosea 11:6

Israil mung chela thun, redong raüta wiita milong wan. Chela kilamchong thun wiita mirun wan. Isenginok thumthum mithen wan. Tsangshiq maiqmii raq athithi siwanto. Tsangshiq ibomchong taimak riito.

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!

AMO LUIK DVP (AMOS) 1:13

Tatiwe raq ngutlo, “Ammon mungti raq atang wan ngarai ma, hiq ma ra ma tangwanto, Arningkhan ngi raq tsangshiq tiijoq mang. Jamkhano ngukla tsangshiq raq Gilead wangti, hiq nyeataq rekhat akhing na, jechakre wiihanti, awok kholam kholiiq riip wanto.

AMO LUIK DVP (AMOS) 3:9

Chiiriim lanta Ashdod chelati nai Ejip mungti ma, tiitai chongkuq ronglaq. “Namshiq tarü Samaria chela tro na, hiqlam thun kiijaq thung ronglaq. Lanta kiijaq tsangshiqnok liipan na, jasam piqsii riitsea riita siwan kra, liirong laq. Sephii nojii wiita tsasha wan.”

AMO LUIK DVP (AMOS) 9:1

Ngi raq Tatiwe ka berong-wacha tho na chapraü chhikang. Apaiq raq aming akha kuqto: “Shomjam khamchong khamlawe kaütiim ka tiibun bukbaiq laq; Khamtu khamlawetiim thun kriimin, wiita tiibun bukbaiq laq. Shomjam ka hiq na tiiphintsiip tri baiq laq. Laüta shomjam mong na maiq sitlaq kra, wiita tiinamtok tsatbaiq laq. Kiimaq kriiwa abung tiichong tlaq ka, rewe raq mitsatbaiq. Maiq weshi min julap mak miraq. Maiq weshi min donglap mak miraq.

Mikha 1:4

Raüla pum thun kra, simi wakii thun, wa raq jowan tlaq ikha wiita mijam wan, raüta pum heawea jüwii thun ka jüchhang watlaq ikha milüm wan.

Mikha 6:16

Ara chongtiikang sumrum wan thun ümniiraq mirhum haü, jamkhano ngukla, ümniiraq, Hokham Omri nai ase Hokham Ahab, raq ashut tri langwantaq kra phan wan laü. Ümniiraq tsangshiq ashut tri lam ka lang wan laü, Kriikha na ngi raq ümniika mishthen baiqha. Krai mren maiq tarü raq ümniika mishummii. Maiq barapseti raq ümniika misaisi wan.”

NAHUM 3:10

Kiitinkhan jong taü maq, Thebes chelati ka shumwi ma tsuq wanto. Noseretiim kiidea min chiiheawea wa na, wiita nyattiiq baiq wan. Tsangwela thun jin raü maq khato, kiimaq langlii raüta riiphea wanto.