Hosea 13:15 - ASII LAKDAP Bible (BSI)

¹⁵ Israilnok ka sangphii rü ikha nümrai raü min, shedong mung kumtsaiphii rahai kehea mitiisaüha. Tsangshiq khamnyang rai thun wiita mitrübaiqha. Tsangshiq khamchum süphut mitiisübaiqha. Ahea awa phanrap thumthum mishthen baiqha.

Hawa Naga Bible 2001

¹⁵ Israel kuex httuingx ikhoc paung wvnc ruiux muinz, ngaz rueq kumtsvy tvnx wawc kalc hvlc shaldungc raungguil kuex tvkaz shaungx. Kvruex raq tsuingshiq yuix saz ruilx nuiyc yuix tumz htenc kuex tvruic gay shuex. Kvruex raq vhtawz tsanc hvlc phvnx ruip saz lvmz wvnc shuex.

Hosea 13:15 Referencias Cruzadas

RAPHA HIQWA LAK 41:23

Kiijiishe tsam nyam nyam miishi hali tsam chong chongshi na, kumtsaiphii rahai haike raq ajap rat shinriiq riiq achhii dong wanto chhikang.

RAPHA HIQWA LAK 41:52

Kiimaq apaiq raq akhmin nguto, “Shiikeawe raq ngi ma ngi chamchao chang mung na isetiim kuqto.” Krai mren apaiq raq ase anai ngojawe ka Ephraim nguta mangto.

RAPHA HIQWA LAK 41:6

Kra jaimiishe hali tsam nyam ka nyam miishi kra cham wanto, kriika achhii shaqmii kiimaq kumtsaiphii nü maq rahai haike haiwan raüta atiishin baiq rat riito.

RAPHA HIQWA LAK 48:19

Shatmaq awe raq apaiq bom ka lang mak riito. Apaiq raq akha nguto, “Ngi raq asapha, Ise lei, ngi raq asapha. Manase lai ala thun ka maiq pahea jonghea mipuchi wan. Shatmaq apaiq ma anoweti riiwe ka apaiq nam ma ajong alu lin miraq. Apaiq lai ala phan ka maiq mung thun jonghea ma mija wan.”

RAPHA HIQWA LAK 49:22

“Joseph ka tiipok hü kumtoq kaü jüse raikii na haitlaq ikha, Kumrang are se alai lam baiqhü shaq kinji na hai tlaq ikha.

YOBA 18:16

Arang chong nai akü ako thun ka ajung kai kun she kiimaq shinriiqriiq ashin kai kun she.

Tvtsvmc 1:4

Shatmaq abi kiimungti thun ka akha riimak; tsangshiq ka tsamchhii rahai raq pan wan tlaq ikha.

Tvtsvmc 109:13

Asaü asetiim ka wiita mitsailaq, kiimaq apaiq mangchong ka jai pat na milaqbaiqlaq.

ISAIA 14:21

Maiqjiip baiq wan jaqsham arshe miphaja wan laq! Ara hokhamwe saüsetiim thun ka wiita mitsai. Jamkhano ngukla tsangtitiim raq ngarai pahea tang wanto. Asetiim phong wa ashi ra riimin mangjong hiq na hokham ma jawan lot mak she miraq. Kiimaq mangjong hiq na chela thun teiwan lot mak she miraq.”

ISAIA 17:13

Maiqmung thun ka khamjong tso blun wantlaq ikha sinkhu na rekhatkai wawantlo. Shatmaq Shiikeawe raq tsangshiq ka sontlo. Krai mren tsangshiq ka jai na jangtlo. Rathaiq wa raq kinhong wa botkhulai tsuqbaiq wan tlaq ikha kiimaq tsamkü rii wa tsamkü wun rathaiqtro raq pan wan tlaq ikha pan wan tlo.

ISAIA 27:8

Tati raq asenginok ka pongmung na munglu shumwikong ma tiija raüta amo tiihoto. Apaiq raq tsangshiq ka shedong mung wa rathaiq bihea pinthum tiisaü raüta tsuq wanto.

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

JEREMIA 20:5

Ngi ara chela na tsiiq nai nyamtum thun sitlaq kra tsang jaqtinok ma mitrunha kiimaq tachong hupsam thun ka wiita mitiinyea wanha. Kiimaq Juda mung wa hokhambi thun tsiiq nai nyamtum thun kriimin wiita thumthum mitiitsuq wanha. Raüta tsangshiq raq kriithun ka Bebilon mung na mihophaq wan.

JEREMIA 4:11

Jerusalemti ma rahai haike henghea maiq akhiim ka kumtsaiphii rumnyangkhi binjü wa haiwan raüta, Jerusalem nü na hai wantlo nguta chiiriim raüta chongke akhing ka saü wanto she. Kra rahai ka nintatase tsamchhii pan wan lamlamli ka riimak.

JEREMIA 4:12

Tatiwe aming maq rahai saü wantlaq kriika kriithaq na henghea miraq! Jamkhano ngukla arka Tatiwe apaiq raq dongdii asenginok khuthaq na khapho rahai she tiisaühotlo.

JEREMIA 51:1

Tatiwe raq ngutlo, “Ngi raq Bebilon mung nai tsang mungti khuthaq na atiithenbaiqti rathaiq henghea tiisaü wan tiikang.

JEREMIA 51:36

Krai mren Tatiwe raq Jerusalemti ma chongto, “Ngi raq ümkha ka miphoha. Lata ümjaqtinok raq ümnaq jamkho tiichamchaotaq kra miitu atham mijaüha. Ngi raq Bebilon mung wa jürai kuk thun ka atrü mirbaiqha. Lata jürai thun wa kham ka wiita mitrübaiqha.

EJEKIEL 17:10

Tengto. Kriichong ka kiijaq chhito she. Shatmaq kra chong ka atra misi sha kiimaq mijonglu wan sha? Shedong mung nü wa rahai haike saü wantlaq kriiraq kra chong ka wiita mitiishin baiq riimak sha? Apaiq cham chang hiq ba kiijiili she mijung wan riimak sha?”

EJEKIEL 19:12

Shatmaq maiq atsankhiqti raq kra chong ka arang chong maq babaiqto, raüta hiq na phongbaiqto. Shedong rahai raq atsi thun ka tiishin baiqto. Akü ako thun ka wiita ngoqbaiqto; raüta shinkito kiimaq wa na chaqbaiqto.

DANIEL 11:8

Raüta apaiq raq tsangshiqnok phra sumla thun nai tsangshiq sumla phra shomnoq chang, chaq nai kampho maq alo tak apin thun kra wiita Ejip mung na mitsuqho. Kra jai maq rawii ashaqpuq mungtsing maq sijai na,

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hosea 2:3

Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Hosea 4:19

Tsangshiq ka rahai haijong riishe mipan wan, kiimaq tsangshiq raq sumla phra noq kha na, jeasi jonghea mingaü wan.

Hosea 9:11

Kra ningkhan Israil mung jonglu khushü, pechong wa wushi abi wan ikhiishe mibi wan. Anyungtiim ka tsihü chong ikhiishe miraq! Ase min hum mak miraq! no ngachang na ase kopmak miraq!

Jona 4:8

Ranap na rashe dong wan jai miishe, Shiikeawe raq kehea shedong nü rahai haike she tiihai wanto. Kra rakiitsi nai rahai haike haiwantaq kriiraq, Jona ka pitlang pitthea she khiimchaq wanto. Raüta rakiitsi ma Jona raq atsai riikiha jaq khoti ahea riichang nguta atsan mong na tiimato. Krai mren, “Ngi arka atsai lishe riikiha jaq khoti ahea riichang wa?” nguta jaüto.

NAHUM 2:9

Kampho tum run rong laq! Chaqtum runtlo rong laq! Chela ka tsiiq anyam raq ama!

TRI CHONGKE 33:17

Joseph ningkun jong ka minsaü pongwe alai lamhü hong ikha, Rum na siti minsaü pongwe rong wiinai ikha, Apaiq rong wiinai ka Manase phan sreabi ahing amun hongla Kiimaq Ephraim phan sreabi hingroq shi hongla. Tsangshiq lümaq apaiq raq maiq mung thun tlat tiichhat thaütlo Kiimaq tsangshiq ka ratho rapha na saüli jobaiqtlo.”