Hosea 13:16 - Hawa Naga Bible 2001

¹⁶ Samaria ghaq rueq ngaz kuex khawc lvlc ningkhvnc nuex murx tvgurc rvhumc tuex. Piq miq htenc muinz ralx nuex thueyc wvnc wuez tuex; noshawx sahez muinz ghaq nuex htuy gay rvhumc vtueq, wvgvnz nyuiuz tamx wuk gauk gay rvhumc tuex.”

ASII LAKDAP Bible (BSI)

¹⁶ Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

Hosea 13:16 Referencias Cruzadas

2 HOKHVMX 15:16

Menahem kuex Tirza ghaq maq kaz wvnc yaq nuex Tappua ghaq nuiyc kvruex ghaqyungx wuinz htenc kuex piq khung nuex nyuip muq ningkhvnc nuex, kvruex ghaq nuiyc tvroz wawc miqghaq htenc kuex lotlaz tvbac gay tueq. Piq rueq wvgvnz nyuiuz tamx wuk htenc doc muinz gauk gay tsuiyc tueq.

2 HOKHVMX 17:18

Yehowa kuex Israel miqsaz muex khaq vtueq, Yuda mungtan dvyx shex tvjungx taq ruiux vpiq khaungkac wawc tsuingshiq kuex yurc gay tueq.

2 HOKHVMX 17:5

Kvruex yimaq Shamaneser rueq Israel mungx nuex nyuip khvt vtueq Samaria ghaq kuex tuimx wvnc tueq. Tuimx wvnc tueq wawc thuimx vngoz nuex,

2 HOKHVMX 17:6

Hoshea duiz tueq maq wawc tvkuiuz nuex Asiria honoc waz rueq Samaria ghaq kuex khvt vtueq, Israel miqsaz kuex khoktep miqsaz muex Asiria mungx nuex lvp thuq wvnc vtueq, wvyvmc kuex Hala ghaq nuex, wvyvmc kuex Gozan hong Habor Ruilx kawx nuex, wvyvmc kuex Media mungx wawc miqghaq htenc nuex tvhttax tueq.

2 HOKHVMX 8:12

Hazael rueq, “Jiyungx waz lex, mnoz yvmx ngoz tueq lac khoar kaz tuiux?” ngoz tueq wiz tueq. Elisha rueq, “Israel miqsaz muex mnoz rueq ruez kuq shuiux vkawc yawc juing yauk shuimc kuex ngaz rueq tuiuz yaq. Mnoz rueq tsuingshiq nolaungx ghaqshungc htenc kuex jauk kuq gay ruiux, wvhungc wvlaungc yalxrox bix kuex rumz gay shuiux, tsuingshiq nosaz rulx htenc kuex nuiuz vtueq thvt gay ruiux, wvgvnz nyuiuz tamx wuk kuex gauk shuiux ningkhvnc nuex rvtueq,” ngoz tueq tvralc tueq.

ISAIA 13:16

Tsuingshiq kuex kvshix kvrix maq lawc thvt yaq nuex, tsuingshiq sahez kuex nyet vtueq thvt gay shuex, tsuingshiq yuimx htenc kuex httak gay rvhumc tuex, tsuingc taungnyuiuz hez kuex yomnamc gay shuex,” ngoz tueq jungx tueq.

ISAIA 17:3

Israel mungx kuex kvgawx juing vguez baung muex yaungx wvnc tuex, Damasku kuex piq mungx lvp vkhangx dvy sumx wvnc tuex. Kvjungx yaq Siria miqsaz htenc kuex Israel miqsaz htenc ikhoc yvlc svy rvhumc tuex. Ngaz kuex Tvphaungc Tvsuip Yehowa rvtauk,” ngoz tueq jungx tueq.

ISAIA 8:4

Kvruex nox kuex ‘Inyuiuz nuiyc iwaz,’ ngoz tueq max gvl thenc nuex Asiria hokhvmx waz rueq Damasku wawc hup vsvmx lotlaz nuiyc Samaria ghaq khvt vtueq vlvp wvnc hup svmx htenc kuex lvmz wvnc shuex,” ngoz tueq jungx phuex.

Hosea 10:2

Miq htenc thuinz vmungx nuex vlauc vlawc thuinz httax vtueq tsuingshiq mvrax htenc ningkhvnc nuex majuiuc dvyx kuilc daz rvhumc juing rvtuex. Tishox rueq tsuingshiq shomrawx htenc kuex httak tvbac gay ruiux, vsawc htung htenc kuex tvbac gay shuex.

Hosea 11:6

Tsuingshiq ghaqyungx htenc nuex ralx rvkhvt rvlungc kuex rvhumc vtueq, ghaqyungx palx kaluix htenc kuex rop gay shuex. Ngvy miqsaz htenc kuex tsuingshiq thuinroc shuimc kay ningkhvnc nuex tvbac gay rvhumc tuex.

Hosea 7:14

Tsuingshiq rueq ngvy kox wawc thuinz vrux maq vjux thoz muq, yuq muinz kvkhoc ruec tvraung, tsuingshiq pumz kuex ghaq nuex bumx vtueq kvmluimx muq jix rueq ikhoc khoarsez yaq. Tsuingshiq rueq tuiz vtsvmz nuiyc svpiq tix thoz shuex nuex, tsuingshiq pumz kuex kvmluimx muq miqsaz ikhoc tvmac gvnz yaq. Tsuingshiq rueq yvmx lac khawx lvlx yaq nguinx!

AMO LUIK DVP (AMOS) 1:13

Yehowa rueq, “Ammon miqsaz htenc rueq tvyez kakaz mvrax yaq wuez yaq, vruex ningkhvnc nuex ngaz rueq tsuingshiq muex vsuing murx tvgurc shaungx. Tsuingshiq rueq ghaq nyvlc tvkoc ralx rv-khvt tueq nuex Gilead mungx wawc wvgvnz nyuiuz tamx wuk htenc kuex gauk gay tueq.

AMO LUIK DVP (AMOS) 3:9

Ejip nuiyc Ashdod wawc hoc htenc nuex httax yaq hez muex vkhoc tvtay shuiuz: “Samaria tvroz wawc ghaqluimx htenc nuex vdvmz rvtuimx vtueq kvruex baung kvyuq yunghvlc rvthuip rvkhvt yauk shuimc nuex yaq gay tueq khac htenc kuex lawc wuez shuinz.”

AMO LUIK DVP (AMOS) 9:1

Ngaz rueq shomrawx hep nuex jvp yaq Taungjix kuex khiz tauk. Vpiq rueq nvrc bomc kuex kuq phuex: “Shomc yuimx htung khux htenc kuex tv-ngawk wung gay shuiuz, kvkaq phaungx hvlc htungyaz kuex kvbuilc wvnc tuex. Kvruex htenc tv-ngawk vtueq miq htenc htauk kvyuq tvdvy shuiuz. Ngaz rueq kvjungx yaq miq htenc kuex ralx khvt nuex thvt gay shaungx. Vshiz muinz yuz lvp muq; vshiz muinz luenx tuex rvmuq.

Mikha 1:4

Kvruex yimaq kanx htenc kuex vpiq khung kvyuq wvr wawc rvpshuirx ikhoc yuimx wvnc tuex; ghaqluimx wawc kaz yaq yuix khvmx phuk ikhoc tsuingshiq kuex warc tvnx nuex kvruiuc dvy wvnc tuex.

Mikha 6:16

Hokhvmx Omri nuiyc piq saz Hokhvmx Ahab hez layx vbac yauk shuimc kuex nuimshiq rueq phvnx vshuinx ningkhvnc nuex vruex lvmz yaungx wvnc tuex. Nuimshiq rueq tsuingshiq kvmungx thuinz kuex phvnx ruq phvnx vshuinx ningkhvnc nuex ngaz rueq nuimshiq kuex tvbac gay phaungx, miq ruip rawx rueq nuimshiq muex shummarc kv-phux. Baung ruip saz wawc miq htenc rueq nuimshiq kuex wvlc guez waqguez nueykuic kv-phuinx,” ngoz tueq jungx tueq.

NAHUM 3:10

Yuq muinz Thebe miqsaz htenc kuex vthuq wvnc rvhumc wuez vtuex. Tsuingshiq suiuz vsaz htenc kuex lvmx heq ruip rawx nuex tvthueyc laz wungc gay rvhumc wuez tueq. Tsuingshiq shunshvlc jix miq htenc kuex ruiuz maq khvrc rvhumc vtueq, tsuingshiq thuq lvy jix jiyungx bix rueq hangchac toc maq rv-phvlc gay rvhumc wuez yaq.