Hosea 10:1 - ASII LAKDAP Bible (BSI)

¹ Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hawa Naga Bible 2001

¹ Israel miqsaz kuex vthuey paunghvlc thuey yaq svpiq ruiuz rulc rv-ngvlc yaq. Tsuingshiq rungwanx wvnc lelez, shomrawx htenc kuex paunghvlc tvhungx wvnc lelez rvtueq. Tsuingshiq mungtan pinhtumc rungwanx wvnc vtueq tsuingshiq rueq nawk palx juing tsuingshiq yauk maq vguirx vsawc lunghtung htenc kuex pinhtumc tvsvp rvp wuez tueq.

Hosea 10:1 Referencias Cruzadas

1 HOKHVMX 14:23

Tsangshiq raq arot phra thun shomnoq chang hiqba diilulu pahea haito. Kiimaq longkham thun shongto, kiimaq Ashera sumla phra shomnoq chang berong pahea ku akin thun hamli na shong wanto. Kiimaq pechongtong thun angu wiita na arthun ara shong wanto.

JEREMIA 11:13

Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 2:28

“Namshiq raq namshiq miitu phra kong atiiq han thun ka ümbano? Namshiq ma chamchao akhing na tsangshiq raq mitiichhiikuq liina— tsangshiq raq mitiichhiilot jiiha! Juda lei, ümchela thun ümchuwa, kiichu üm phra kong asi.

Hosea 12:11

Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Hosea 12:8

‘Nashiq ka chiithenok,’ nguta tsangshiq tiitsakitlo. ‘Nashiq ka chiithe lüwanok ongkaishe. Jurmin nashiq ka maiqlao lanta chiithe wan lan nguta, tiishut wan lot mak’ nguta tiitsakiwi tlan.

Hosea 13:15

Israilnok ka sangphii rü ikha nümrai raü min, shedong mung kumtsaiphii rahai kehea mitiisaüha. Tsangshiq khamnyang rai thun wiita mitrübaiqha. Tsangshiq khamchum süphut mitiisübaiqha. Ahea awa phanrap thumthum mishthen baiqha.

Hosea 13:2

Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Hosea 13:6

Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Hosea 4:7

“Namshiq ramwebi ka pawan wan, namshiq ngarai kiimin pawan wan. Kriikha na nam khushü ka, jeasi khatam ma mitiija wan.

Hosea 8:11

“Israilnok raq tsangshiq ngarai tiisii miitu, phra sumla apapa shong wanto. Raüta noq wanto. Kriika tsangshiq ngarai tiipa wan li riito.

Hosea 8:4

“Tsangshiq raq hokhambi shong wanto. Shatmaq ngi rai riiwai mak. Tsangshiq ra welabi shong wanto. Shatmaq ngi ma chongmak. Tsangshiq raq kampho nai chaq ngam maq, phra sumla thun tiiq lowanto. Kriika tsangshiq then wan lamtan riito.

LEWI 26:1

Tatiwe raq nguto, “Sumla thun naqhaihun rongkiq. Riimakla sumla phra thun ka naq tiinga rongkiq, kiimaq longkham thun ka naq shong rongkiq, riimakla longkaü thun na sumla soqhai lanta naq noq rongkiq. Ngi ka Tatiwe namshiq Shiikeawe.

NAHUM 2:2

(Jamkhiiwa ngukla, Tatiwe raq Israil khushü ka, man na re raq mitiibun shaq pat wa, khushü ka mitiijong kuq nong.)

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.

Philippians 2:21

Wiitarü ka, maiqmii ma amet dong chang lam kra tiima raüta, siti siisaqli. Jesuq jaqsham ka, jamkhii raüta tiijong chang wa, kra tiima makti maiq pahea asi.