Hosea 10:2 - ASII LAKDAP Bible (BSI)

² Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

Hawa Naga Bible 2001

² Miq htenc thuinz vmungx nuex vlauc vlawc thuinz httax vtueq tsuingshiq mvrax htenc ningkhvnc nuex majuiuc dvyx kuilc daz rvhumc juing rvtuex. Tishox rueq tsuingshiq shomrawx htenc kuex httak tvbac gay ruiux, vsawc htung htenc kuex tvbac gay shuex.

Hosea 10:2 Referencias Cruzadas

1 HOKHVMX 18:21

Kiimaq Elija ka mungmaiqse tho na wato. Raüta akha nguto, “Riita namshiq raq ara tiima anai ka ümtincho na saüli wa mithühan? Tatiwe kiidea Shiikeawe jiika apaiq kli shomnoq ronglaq; kiimaq Baal kiidea Shiikeawe jiika, apaiq kli shomnoq ronglaq!” Shatmaq maiq thun riika poshi min bom mak riito.

DUNGWVNC 23:24

Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.

TAKSU LAK 11:18

Abi ati kloti riika maji tsamli mijut. Shatmaq kechu minshiiqti riika, kechu tsam mijut.

ISAIA 44:18

Akhnok maiqse kong ka angi ngila sang kong. Tsangshiq raq jamlai wa klotlaq kra sapphaq mak. Tsangshiq mak ka achuk kai kunshe. Kiimaq tsang khutsai kiimin abi kaikun she. Tengteng bomtsi ka tak wan lot mak she.

JEREMIA 43:13

Apaiq raq Ejip mung wa Heliopolis chela na tsan na tiitsang chang asii longkaü thun ashong kra atiibun mirbaiq. Kiimaq Ejip mung wa phra sumla shomnoq chang shomjam thun kra wiita wa maq chaq raüta mitiithen baiq.”

EJEKIEL 14:5

Kriithun sumla phra kong raq Israilnok ka iwokhong wa ahin niishe sheahoto. Shatmaq Ngi raq tsangshiq bomtre chongtiikang bomtsi kriimaq tsangshiq ka iwokhong na hali mitiijang sheawan lot ha sham nguta riichopi tiikang.

Hosea 12:11

Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Hosea 13:16

Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Hosea 7:8

Tatiwe raq ngutlo, “Israilnok ka winsiida watum mong na, siimko phehü atiikhiim chaq ikha khosang khoja. Aphaq asea maimak. Pongnok phan rai reraüshi maq, apii ashi sapmak sitlo.

LEWI 26:30

Namshiq raq hiq lam thun na shomnoq tlan jam thun kra wiita mitiithen baiqha. Namshiq raq homseng honglu kechang berong-wacha thun ka wiita michaibaiqha. Lata nam maa phong ka namshiq raq shomnoq tlan sumla thun hiq na riiphongtlaq kriithaq na miphong baiqha. Arka itsankhiq tsi ma makshu tsi miishe mikloha.

Mikha 5:13

Namshiq raq aklohan sumla thun nai, namshiq raq ashong han asii longkham thun, wiita she mitiithen baiqha. Namshiq maiqmii jaq maq, ahaihun han ka noqlu man she mirhan.

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

Luke 16:13

“Jaqshise ngutlaq kra riika, atijong wenai ka rüm lot mak. Apaiq raq weshi ka ashulii miraq. Kiimaq weshi ka alungwii miraq. Apaiq raq weshi ka atsaihai miraq. Kiimaq weshi ka ashreng miraq. Ümniiraq, Shiikeawe nai tsiiq ka adam na ümkhiiriita jiimin shomnoq lot maü.”

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

1 John 2:15

Namshiq raq mangjong hiq rilung lam phan ka naq lungwii rongkiq. Kiimaq ara mangjong hiq rii jamlai wa sitlaq, kriika naq lungwii rongkiq she. Namshiq raq mangjong hiq rilung lamphan kla lungwii han jiika, Shiikeawe ka lungwii man ngushat.

1 SAMUEL 5:4

Kiimaq shinap ranap na ranap chu maq hali tsangshiq raq sumla ka Tatiwe Tongshong Tek khaki kiijaq hiq na kuraü ariwa chhito. Kra lak niika, sumla khupo nai ajaq wiinai ka anai wiita adü wa angoq riikito, raüta kilamchong lam na tiiwe raqraq chhikito. Akhum pan lamlam kriili wiithung na tiibum raü riito.