Hosea 10:1 - Hawa Naga Bible 2001

¹ Israel miqsaz kuex vthuey paunghvlc thuey yaq svpiq ruiuz rulc rv-ngvlc yaq. Tsuingshiq rungwanx wvnc lelez, shomrawx htenc kuex paunghvlc tvhungx wvnc lelez rvtueq. Tsuingshiq mungtan pinhtumc rungwanx wvnc vtueq tsuingshiq rueq nawk palx juing tsuingshiq yauk maq vguirx vsawc lunghtung htenc kuex pinhtumc tvsvp rvp wuez tueq.

ASII LAKDAP Bible (BSI)

¹ Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hosea 10:1 Referencias Cruzadas

1 HOKHVMX 14:23

Tsuingshiq rueq vrot vkaq tishox htenc muex nawk palx kuy juing baung htenc kuex tvhungx guirx wuez vtueq, ghaq luimx htenc wawc raungx buingc vhvlx pulx jungx yaz nuex muinz Asher shvmx yac htenc kuex nawk palx tvkoc lunghtung htenc shungc taq tueq.

JEREMIA 11:13

Yuda miqsaz tsuingshiq ghaqyungx paung yaq rulc rv-ngvlc tishox htenc muinz paunghvlc; Yerusalem miqsaz muinz ghaqyungx mungx nuex lvmx laungx htenc paung yaq rulc rv-ngvlc miqsuirc vsac Bala tishox muex shomc nawk kuy tvkoc shomrawx htenc tvhungx wuez tueq.

JEREMIA 11:17

“Ngaz, Tvphaungc Tvsuip Yehowa rueq Israel nuiyc Yuda kuex khic taq tauk; yuq muinz majuiuc tsuingshiq kuex ngaz rueq vgvrx kuilc daz maq tvhiz sungx vshaungx. Tsuingshiq rueq vyaq yauk shuimc ningkhvnc nuex tsuingshiq rueq miqmac pumz laung nuex vruex tvdung tueq; tsuingshiq Bala tishox muex shomc nawk kuy shomc kuq vtueq ngvy thuinz tvkhaq yaq,” ngoz tueq jungx tueq.

JEREMIA 2:28

“Miqmac tvkoc nuimshiq rueq tvhungx shec tuit tishox htenc kuex m-yuq lac? Nuimshiq kuilc daz rvhumc tuinx nuex kvraq palc lot ruiux mpalc kv-phuinx! Yuda lex, m-ghaqyungx paung yaq kvruex tv-phvnc m-tishox htenc muinz paunghvlc httax yaq.

Hosea 12:11

Yuq muinz Gilead mungx nuex yac yuimx htenc nawk palx wuez yaq, kvruex nawk palx jix hez kuex vthueyc rvtuex. Gilgal ghaq nuex manx pung htenc maq shomc nawk wuez yaq, kvyuq httax yaq shomrawx htenc kuex tvnx vnax htenc nuex lung phungc muex yaungx tuex.”

Hosea 12:8

Tsuingshiq rueq ‘Naungshiq kuex luiz waungx miqsaz rvtiq, naungshiq rueq rungwanx laz shuimx kaz vshix. Uraq muinz naungshiq muex vlauc vlawc raz tueq luiz waungx yaq ngoz tueq mvrax tvgurc yaq rvmuq,’ ngoz tueq jungx wuez yaq.

Hosea 13:15

Israel kuex httuingx ikhoc paung wvnc ruiux muinz, ngaz rueq kumtsvy tvnx wawc kalc hvlc shaldungc raungguil kuex tvkaz shaungx. Kvruex raq tsuingshiq yuix saz ruilx nuiyc yuix tumz htenc kuex tvruic gay shuex. Kvruex raq vhtawz tsanc hvlc phvnx ruip saz lvmz wvnc shuex.

Hosea 13:2

Tsuingshiq kuex miqsaz thuinz vmungx maq vshvmx tvdung vtueq miqsaz yauk maq vtvhungx kuimphox yac yuimx htenc kuex nawk palx vtueq yaq wuez yaq. Kvruex yimaq tsuingshiq rueq, “Tsuingshiq muex shomc nawk juing maq shomc kuq shuinz!” ngoz yaq. Miq htenc kuex vruex yac yuimx htenc rulc muinz, manx pung shvmx vyac htenc kuex yvmx khoc lac pvmx shup lvp shvnx!

Hosea 13:6

Yuq muinz nuimshiq kuex vhvlx ghaq vraungx nuex nyuip lvp vtueq, phuiuz vsvy phoay laz phauk saq lvp wvnc shuinx nuex nuimthuinz hvlx wuez ruiux, nuimshiq ngamc ngax wvnc vtueq ngaz kuex lauk gay phuinx.

Hosea 2:10

Ngaz rueq piq rvlungwawc yaq hez htumc nuex sawkumx put gay shaungx, uraq muinz piq kuex ngvy luimc vkawc mungx wawc palc wvnc lot shuex rvmuq.

Hosea 2:8

Piq rueq Bala muex nawk palx shuex nuex shuimx yaq tuiz vtsvmz, svpiq tix, olip puiz, kuimphox nuiyc kuimshawx lotlaz kuy jix waz rvtauk kuex piq mkaq muinz kvjungc muq.

Hosea 3:4

Ekvkhoc Israel miqsaz htenc kuex vkhing loayc hvlc hokhvmx htenc lvp muq, walaungx bix muinz vguez, shomc nawk kuy vguez, vsawc lunghtung htenc mungx nuex, yac yuimx vguez, luinglawc shuex nuex shuimc juing vyac htenc lvp muq maq dvyx httax wuez tuex.

Hosea 4:7

“Nuimshiq shomc waz bix paunghvlc paung wvnc, nuimshiq rueq ngaz muex mvrax yaq ruq yaq wvnc yaungx vtuinx, kvkhoc rvtueq ngaz rueq nuimshiq tvtsanc nganc juing kuex yomnamc juing kox nuex tvroz gay shaungx.

Hosea 8:11

“Mvrax kvdawc tvkoc Israel miqsaz rueq shomrawx tvhungx paung wvnc, mvrax yaq juing baung htenc paung wvnc dvyx rvtueq!

Hosea 8:4

“Ngvy miq htenc rueq tsuingshiq thuinroc hokhvmx bix kuex thvl tvduiz wuez yaq. Tsuingshiq rueq vyungx vlaungx bix thvl taq ruiux muinz ngvy thuinroc kuex rvmuq. Miqmac kuimshawx kuimphox maq yac yuimx htenc kuex tvhungx guirx vtueq miqmac bac wvnc juing lvmx kuex tsuingshiq yauk maq kvguirc wvnc yaq.

LEWI 26:1

Yehowa rueq, “Nuimshiq rueq yac yuimx htenc, lunghtung htenc, lung yac yuimx htenc kuex guirx vtueq nauk nawk palx kaz. Ngaz kuex Yehowa nuimshiq Tishox rvtauk.

NAHUM 2:2

(Piq ralx htenc rueq piq mungtan kuex max tvbac gay jauz wawc ikhoc, Yehowa rueq Israel muex ngauz vngax kuex kuy yek tvkoc tvyoalc yaq.)

2 Corinthians 5:16

Kvkhoc rvtueq naungshiq rueq ukhaq muex yuq muinz miqsaz tanc khvnc maq rvjungc miq shex. Mvnnuex Christu kuex miq saz tanc khvnc maq tv-ngvlc wvnc tiq ngoz ruiux muinz majuiuc kuex kvkhoc shuimx miq shex.

Philippians 2:21

Miq vganc jix htenc kuex miqmac lvmz dvyx rvwvl wuez yaq, Yesu Christu nuex seng yaq lvmz kuex thuinz lomx wuez muq.