Hosea 9:17 - Hawa Naga Bible 2001

¹⁷ Tsuingshiq rueq vpiq kvjaz tay muq ningkhvnc nuex, ngaz rueq nawk vshaungx Tishox rueq vpiq miqsaz htenc kuex tvdux gay shuex. Tsuingshiq kuex miqphvnx htenc htumc nuex kvroz khuemc jix hez muex yaungx tuex.

ASII LAKDAP Bible (BSI)

¹⁷ Tsangshiq raq Shiikeawe bom tlea wan kha na, I Shiikeawe raq tsangshiq ka amiimshe mirbaiq. Tsangshiq ka Pongmung na, mangtam ikhiishe mimo wan.

Hosea 9:17 Referencias Cruzadas

2 KAÜWA WERAÜ 18:13

Yuq muinz Mikaia rueq, “Tvraungx Yehowa maq raz tueq ngvy Tishox rueq ngaz muex jungx yaq kvjaz kvdvyx jungx shaungx,” ngoz tueq tvralc tueq.

2 KAÜWA WERAÜ 36:16

Yuq muinz tsuingshiq rueq Tishox bomjungc jix hez kuex shummarc vtueq, vpiq kvjaz kuex wvlc guez waqguez tvyaungc ruiux, vpiq shvmmax bix kuex ngoz ngax nueykuic wuez tueq, kvkhoc rvtueq tvsuip nuex Yehowa rueq vpiq miqsaz htenc kuex dungc wvnc juing vguez laz juing khaq tueq.

NEHEMIA 5:19

O Tishox lex, vruex miq htenc tvkoc ngaz rueq shuimx wvnc tauk htenc kuex rvwvl vtueq ngaz muex kejux kuq koq.

Tvtsvmc 31:14

Yuq muinz O Yehowa lex, ngaz kuex mnoz muex dvyx tvluimc vphaungx; mnoz kuex ngvy Tishox rvtoq.

TAKSU LAK 29:1

Lauk wvruip ruip tvtharc koq yuq, yvmx muinz bvlvmx lawx muq waz kuex, raungnuiyq shiz rul wvnc ruiux yuq kvtenc lot muq shex rvtuex.

ISAIA 48:18

“Ngaz rueq nvr phaungx kvjaz kuex mnoz rueq tay vshuiux ngoz ruiux kuex, mkaq muinz ruic kaz muq yuix saz ruilx ikhoc ruimrix kejux kuex mtvkoc kaz tuex! Taungx wvnc lvmx kuex svmuk-tvrax kawx nuex yuix tul kuix wvnc yaq ikhoc mnoz nuex kvkhic dung wvnc tuex.

ISAIA 7:13

Esaia rueq, “Majuiuc kuex Hokhvmx Dawid suiuz vsaz hez lex, tay shuinz. Miq rueq nanx yaq kuex thuinz tvbac kuy kuex vbac, nuimshiq rueq Tishox nanx yaq kvmuinz thuinz tvbac gay roc haz?

JEREMIA 6:30

Ngaz, Yehowa rueq tsuingshiq kuex tvdux gay tauk ningkhvnc nuex tsuingshiq kuex htawz guez junx diq htenc ngoz tueq muingc gay rvhumc tuex,” ngoz tueq jungx tueq.

JEREMIA 7:13

Nuimshiq rueq mvrax htenc kuex yaq gay tuit, ngaz rueq tvyez kakaz jungx phaungx tueq nuimshiq rueq tay muit tvdux gay tuit. Nuimshiq kuex ngaz rueq gvl phaungx tueq tvralc muit.

JEREMIA 7:15

Ngaz rueq nuimshiq phvnx vmaq rvtueq Ephraim miqsaz kuex ngvy khaungkac wawc yurc gay tauk ikhoc nuimshiq muinz yurc gay phaungx. Ngaz, Yehowa rueq jungx vshaungx.”

Hosea 4:10

Nuimshiq rueq shomc nawk juing mvnjuz kuex phauk saq lvp vshuinx, yuq muinz rvmc thuiuz thauk muq. Nuimshiq rueq pux paung wvnc yaq tishox htenc kuex nawk palx vshuinx, yuq muinz suiuz vsaz pux paung muq, yvmx khoc lac ngoz ruiux lec nuimshiq rueq ngaz kuex tuip gay ruiux vganc tishox htenc kuex nawk palx wuez vshuinx.”

Hosea 4:6

Ngvy miqsaz htenc rueq ngaz muex kvjungc wuez muit ningkhvnc nuex vphoc rvhumc wuez vtuinx. Nuimshiq shomc waz bix rueq muinz ngaz muex kvjungc tvkoc tvlvlc gay tuit, ngaz rueq tvluing vphaungx kuex tvdux gay tuit, kvkhoc rvtueq ngaz rueq nuimshiq kuex tvdux gay ruiux nuimshiq saz miqwaz sahez kvmuinz ngvy shomc waz bix ikhoc tvyaungc wvnc shaungx rvmuq.

Hosea 7:13

“Tsuingshiq kuex vphoc rvhumc yaq! Tsuingshiq rueq ngaz kuex gay shec ruiux ngaz muex khawx lvlx yaq. Tsuingshiq kuex tvbac gay rvhumc tuex. Ngaz rueq tsuingshiq kuex palc wvnc roc, yuq muinz tsuingshiq rueq ngaz muex nawk palx lvmx kuex vyaq rvtueq.

AMO LUIK DVP (AMOS) 8:2

Yehowa rueq, “Amo lex, mnoz rueq yvmx lac khiz tonx?” ngoz tueq wiz phuex. Ngaz rueq, “Pulx thuey boarx vshiz,” ngoz tueq tvralc tauk. Yehowa rueq ngaz muex, “Tvsuip gay kuex ngvy miqsaz Israel htenc tvkoc httuiuc yaq shex. Ngaz rueq tsuingshiq muex murx tvgurc tvkoc ngvy thuinz kvlayc yek taungx rvmuq.

AMO LUIK DVP (AMOS) 9:9

“Ngaz rueq wungx kuex jalshix ikhoc Israel miqsaz kuex jalc gay tvkoc nvr shaungx. Ngaz rueq vjux vguez phvnx htenc lotlaz tvsawc gay tvkoc tsuingshiq kuex miqphvnx htenc hvlwvl nuex jal gay shaungx.

Mikha 7:7

Yuq muinz ngaz rueq Yehowa kuex lawc vshaungx; ngvy palc jix Tishox muex tvluimc vtueq bvmc shaungx. Ngvy Tishox rueq ngvy kvjaz kuex tay kuq phuex.

JEKERIA 1:4

Nuimshiq jix vwaz tamx ikhoc nauk yaungx kaz. Shvmmax bix rueq mvnnuex pat nuex tsuingshiq kuex honc vbac httax muq tvkoc muinz, mvrax kop yaq rullungx lvmz htenc kuex gay shec tvkoc muinz, vruex ngvy bomjungc kuex tsuingshiq muex jungx tueq. Yuq muinz tsuingshiq rueq ngvy kvjaz kuex tay muq nuiyc phvnx muq.

John 20:17

Yesu rueq, “Ngvy gvnz nuex nauk kvtungc kaz, ngaz kuex Iwaz kox nuex max waung dvyx doc. Yuq muinz iphuz inox hez kox nuex waung vtueq, ngaz kuex Iwaz nuiyc nuimshiq Waz, ngvy Tishox nuiyc nuimshiq Tishox kox nuex waung wvnc taungx lvmz kuex jungx tvtay kaz kuiuz,” ngoz tueq piq muex jungx tueq.

John 20:28

Thoma rueq, “Ngvy Taungjix nuiyc ngvy Tishox khoc vnauz!” ngoz tueq.

John 7:35

Yuda miqsaz vrangx vpangx vhttax jix hez rueq, “Naungshiq rueq humc miq juing vpiq kuex m-yuq lac kaz wvnc tvnx? Naungshiq miq htenc rv-phvlc nyvnc httax yaq Greek ghaq nuex kaz wvnc vtueq, Greek miqsaz htenc muex tvluingc kuy kay lac raz tvnx?

Acts 3:23

Kvruex shvmmax waz kvjaz tay phvnx muq jix ukhaq yuq muinz Tishox miqsaz wawc tv-phvlc vtueq tvbac gay rvhumc tuex,’ ngoz tueq.

TRI CHONGKE 32:26

Uraq muinz tsuingshiq kuex mlauk gay shueq, tsuingshiq kuex tvdup suik ngaz rueq tvbac gay shaungx.

TRI CHONGKE 4:25

“Nuimshiq rueq suiuz vsaz htenc lvp wvnc vtueq kvruex mungtan kvyuq loayc hvlc httax wvnc tuinx nuex, nuimshiq tvkoc ngoz tueq phvnx shishiz yac kuex tvhungx guirx vtueq vyaq mvrax nauk tvdung kaz. Kvkhoc phvnx yauk shuimc kuex Yehowa khaungkac nuex vbac yauk shuimc nuiyc vpiq muex thuinz tvkhvy juing rvtueq.

TRI CHONGKE 4:27

Yehowa rueq nuimshiq kuex raungluingx saz dvyx shex tvjungx vtueq vganc phvnx htenc mungx nuex nyanc gay kv-phuinx.

Philippians 4:19

Kvkhoc rvtueq ngvy Tishox kuex tsak vnyvmx muex rungwanx yaq rulc rv-ngvlc nuimshiq kuex Christu Yesu ningkhvnc nuex nuimshiq muex rax yaq kuex tvhungx tvmvrc kuq kv-phvnx.

James 1:1

Tishox nuiyc Taungjix Yesu Christu nvrc waz Yaku kox wawc mungkawx baung ruip saz nuex nyvmc wvnc vshuex Tishox miqsaz htenc muex gvnhttuingc kvjaz tvtay vphaungx.