EJRA 5:2 - ASII LAKDAP Bible (BSI)

² Riita ara Shiikeawe tsütsa chongkuq wantlaq arka Shealtiel se Jerubabel nai Jehojadak se Joshua raq tai wan raüta tsangnai raq mungmaiqse ka shea raüta, Jerusalem wa Shomjam kra tiihea hai wan nongto. Kiimaq ara Shiikeawe shammi wenai riimin tsangshiq khrum kuqto.

Hawa Naga Bible 2001

² Kvkaq Shealtiel saz Zerubabel nuiyc Jehozadak saz Yoshua rueq tsuingnueyc bomjungc kuex tay vtueq, Yerusalem wawc Shomc Yuimx kuex guirx phaungc wvnc yek koq tueq, shomc waz nueyc rueq muinz tsuingnueyc muex romc kuq naungx tueq.

EJRA 5:2 Referencias Cruzadas

EJRA 1:8

Raüta Parsia mung Hokhamwe Sairas raq arthun arka, tsiiqtek rümti ajong cherewe Mithredath jaq niishe kiinong kuqto. Mithredath riishe lam raüta, awea riito. Raüta Juda mung langti we Shash-bajjar jaq niishe kuqbaiqto.

EJRA 10:18

Arthun ariiraq pongnok phan sheare lamto: Ramwebi phong wa, aweraü mang: Joshua nai anotiim weraü wiika Jehojadak setiim: Maaseia, Eliejar, Jarib, kiimaq Gedalia riito.

EJRA 3:2

Kra raütiishe, Jehojadak se Joshua, kiimaq apaiq kongtitiim ramwebi, kiimaq Shealtiel se Jerubabel raq, apaiq ma tatisenobi thun kra sheaho raüta, Israilnok Shiikeawe shomnoq chang berong-wacha arunbaiq rat kra tiihea hai wan nongto. Arka Shiikeawe raq apaiq jaqshise Mosheq ma Thungtri kuqtaq kra phan phan Shiikeawe ma wa na chaq raüta aluke wan nong miitushe tiihea haito.

EJRA 3:8

Riita ara chongtiikai jaqsham arka, tsangshiqnok ka Jerusalem Shomjam kiijaq saü wan li maq, rawiishi siraüta, wiinai pha wan jipi lünai angu miishe, Shomjam tiihea haiwan jaqsham ara shampha wanto. Ara jaqsham arka Jerubabel raq shea raüta, Joshua, kiimaq maiqmii mungti thun raq, kiimaq ramwebi thun raq, kiimaq Lewinok thun raq, kiimaq lamshi maq liiwan raüla shumwi asi wa, mungmaiqse thun ümchu wa, Jerusalem na jang wantiiti thun kra kunkun miishe, kiqshi maq chaprang raüta, Shomjam ka tiihea haipha wanto. Lewinok phan ngusaq wa, maiq arawii wiiroq nai maiq lo kriima maiqlalati thun raq Shomjam haiwan jaqsham kra liiwan miitu aming kuqto.

EJRA 6:14

Shammi Hagai nai shammi Jekeria raq, Jehudinok welabi ma tsaido jido traho bom chongkuq wan tlaq krai mren, tsangshiq welabi riimin, Shomjam tiihea hai wan kriika ahea thitthit maq shiingut wanto. Israilnok Shiikeawe raq tsangshiq ma aming kuq wantaq krai mren, kiimaq Parsia mung lang wanti ajong hokhambi Sairas raq, Derias raq, kiimaq Artajarses raq aming kuq wantaq krai mren, Jehudinok welabi riimin Shomjam tiihea haiwan kriika akhing riikhaqli na dea tlot wanto.

HAGAI 2:18

Riita ümchaü ranaiq ka jipi lütiikaü wa raroqnai ri rablai ranaiq. Ümchaü ranaiq na Shomjam sürii wan chang kham tiichap shong wan lot lan she. Liironglaq, ümchaü ranaiq armiiphat she, namshiq ma achu shiiman mikuq wanha.

JEKERIA 4:14

Kiijiishe apaiq raq chongto, “Ara kü nai ka maiq wenai, Tati raq, apaiq jaqsham ma nguta phumramkham maq tiibok raüta ajaq akhaqkuq wenai riito.”

JEKERIA 4:4

Kiijiishe, “Riita arthun arka jamlai liichum wiinya, shiilangwe lei?” nguta ngi raq rase ma waikang.

JEKERIA 6:11

Tsangshiq raq chaq nai kampho kuq wantaq kriimaq chaq khuphok ashi tiiq laq. Laüta kra Ramwe Jongwe Jehojadak se Joshua ma tiiphok kuq laq.

JEKERIA 8:9

“Tsaiji tiijong lanta shiikut ronglaq! Shammibi raq Shomjam tiihea hai wan miitu khamshong wantaq akhing na chongtaq kra bomtsi kli ümchaü namshiq riimin taiwan tlan.

2 Corinthians 1:24

Naishiq raq namshiq ma “arma kam wan raa”, “armiika kam wan raa mak,” nguta shiichutchat wan mai. Namshiq ka maiqmii kamasham na, pharangrang she sitlan nguta naishiq riimin asap hai. Naishiq raq namshiq ka jamsha mai. Kra rii na, naishiq riika namshiq rai reraüshi maq, namshiq ma chochi rilung lamlu tiijong lu wan miituli jaqsham kuq tiikai.