EJRA 5:3 - ASII LAKDAP Bible (BSI)

³ Kra Shomjam haitlo nguta tsütsa tairili, Euphretis Jürai maq Shenyap nü Wang kra liiti wanghuptiwe Tattenai kiimaq Shethar Bojenai, kiimaq tsangshiq kongti ajongbi thun ka tlothit miili Jerusalem na kito. Raüta tsangshiq raq bom ka akhiishe shiitep wai hoto: “Namshiq ma ara Shomjam tiihea wan miitu nai Shomjam kra tiimiikhiiq wan miitu aming juro kuqta?”

Hawa Naga Bible 2001

³ Euphrat maq Shalx nyuip kox wawc mungx walaungx Tattenai, Shethar Bozenai nuiyc tsuinghez kung vkamz jix vyungx vlaungx bix htenc kuex Yerusalem nuex lvmx lvy kaz vtueq vkhoc ngoz kaz tueq, “Vruex Shomc Yuimx kuex guirc tvhungx tvkoc nuimshiq muex uraq lac nvr phvnx?”

EJRA 5:3 Referencias Cruzadas

EJRA 1:3

Riita, Shiikeawe ka namshiq apaiq saüsetiim rai adam na misi nga laq. Riita namshiq ka Jerusalem na warong laq. Lanta, asengi raq Jerusalem chela na shomnoq wantlaq Israilnok Tati Shiikeawe Shomjam kriishe tiihea hai wan rong laq.

EJRA 4:12

“Naishiq raq Ajong Pinthum Hokhamwe ma bomtsi ara ümniima tiitaike wan rotiikai. Ümwokhong na siti Jehudinok ka tsangshiq sichang mung ahin maq Jerusalem niishe laüho wito. Raüta ümchaü sanha tsangshiq ka, man na redong akhing na atiithenbaiq, ara abi pinthum kiimaq hokhamwe wokhong na siro mak mungshukti chela, Jerusalem kra hali tiihea hai nong tlo. Tsangshiq raq chela tro na longperuk thun kra tiihea hai wanto she. Jaqsham ka jaqlo liipan niilishe mingut wan.

EJRA 4:9

“Ara lak ara wanghuptiwe Rehum kiimaq ara wang thaq na siti Cherewe Shimshai kiimaq mung thaq na siti mungtu shiilangbi raq, kiimaq phowebi raq, kiimaq Elam mung na siti Erekh chela, Bebilon chela, kiimaq Susa chela kiimaq man na Judia mung na alaüki phong wa hokham jaqsham wanti siihiip thun raq,

EJRA 5:6

Riita krai mren, tsangshiq raq ajong hokhamwe ma Shomjam tiihea wan tlaq tsütsa kriili lak waiq raüta tiiho wanto:

EJRA 5:9

“Laita, naishiq raq tsangshiqnok khuthaq na welabi sitlaq kriima, Jerusalem chela na Shomjam kra tiihea hai wan raüta tiimiikhiiq wan nong miitu, aming ka juro kuqta nguta bom ka tiitsang rii waisokai.

EJRA 6:13

Hokhamwe raq aming thü wantaq krai mren, wanghuptiwe Tattenai, kiimaq Shethar Bojenai kiimaq tsangshiq jaiphantibi siihiip wiita raq, Shomjam tiihea hai wan kra khrum kuq wanto.

EJRA 6:6

Kiijiishe Derias raq kra bomtre wan lak ka akha waiq raüta tiiho wanto: “Riita ara lak ara Euphretis Jürai maq Shenyap Nü Wang pengti wanghuptiwe Tattenai ma, kiimaq Shethar Bojenal ma, kiimaq ümniirai mung peng wan damti Euphretis Jürai maq Shenyap Nü Wang na sitibi welabi ma tiiho wan tiikang. “Namshiq ka Shomjam tho na naqki rongkiq.

EJRA 7:21

“Kiimaq, Euphretis Jürai maq Shenyap Mung sitlaq kra pengti mungtu shiilangbi ma, ramwe Ejra, kiimaq Shiikeawe Thungtri shamti taksuwe raq, namshiq jaq wa, jamlai phan wa ratlo nguta jaü tlaq, kriithun ka tiibomhü maq chomrom kuq rong laq nguta aming kuq tiikang.

HAGAI 1:1

Hokham Ajong Derias raq Persia mung ka lang wan li maq wiishi ri jipi lütrok she angu na, jipi lütrok kriiwa jiha ranaiqshi ranaiq na, Tatiwe raq Shammiwe Hagai lümaq bomtsi tiichongkito. Kra riisham bomchong kriika Juda mung langti Wanghuptiwe, Shealtiel se Jerubabel nai Ramwe Ajongwe Jehojadak se Joshua kriima atiichongki bomtsi.

Matthew 21:23

Jesuq ka Shomjam na jangwa nongto. Raüta apaiq ka nokmaiqse ma trahoke rea riito. Kra akhing na ramwe jongbi nai welabi ka apaiq phana waraüta, “Ümniiraq arthun ara sham miitu arang ka ju jaqwo laplaü? Ümniima juro kuqta?” nguta apaiq ma bom ka waito.

Acts 4:7

Tsangshiq raq Jesuq kiimwe nai ka tsangshiq rungphung na tiichap raüta, “Namnai raq ara akü we ara jamkho tiihea kuq lan? Namnai raq ara ningkun ka jambawo lap lan? Ju ningkun mo ara tiihea kuq lan ara?” nguta tsangnai ma bom ka waito.