EJRA 5:1 - ASII LAKDAP Bible (BSI)

¹ Kra akhing na Shammi wenai asi riito. Tsangnai mang ka Hagai nai Iddo se Jekeria riito. Tsangnai raq Israilnok Shiikeawe mang na Judia mung na siti nai Jerusalem na siti Jehudinok ma Shiikeawe tsütsa she chongkuq wanto.

Hawa Naga Bible 2001

¹ Kvtanc jauz shomc waz vnueyc rvtueq Haggai nuiyc Eddo saz Zecharia rueq, Yuda mungx nuiyc Yerusalem nuex httaz yaq Yuda miqsaz htenc muex Israel Tishox muingc maq kvjaz jungx phaungc wvnc tueq.

EJRA 5:1 Referencias Cruzadas

EJRA 4:24

Shomjam tiihea hai wan ka thaq baiqto. Krai mren, kra jaqsham ka thaqbaiq tlü she riito. Shatmaq Parsia mung rümti hokhamwe Derias raq hokham jaqsham wan li maq rawii wiinai she shamto angu niishetiq hali, kra jaqsham ka tiiphaho nongto.

EJRA 6:14

Shammi Hagai nai shammi Jekeria raq, Jehudinok welabi ma tsaido jido traho bom chongkuq wan tlaq krai mren, tsangshiq welabi riimin, Shomjam tiihea hai wan kriika ahea thitthit maq shiingut wanto. Israilnok Shiikeawe raq tsangshiq ma aming kuq wantaq krai mren, kiimaq Parsia mung lang wanti ajong hokhambi Sairas raq, Derias raq, kiimaq Artajarses raq aming kuq wantaq krai mren, Jehudinok welabi riimin Shomjam tiihea haiwan kriika akhing riikhaqli na dea tlot wanto.

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

HAGAI 1:1

Hokham Ajong Derias raq Persia mung ka lang wan li maq wiishi ri jipi lütrok she angu na, jipi lütrok kriiwa jiha ranaiqshi ranaiq na, Tatiwe raq Shammiwe Hagai lümaq bomtsi tiichongkito. Kra riisham bomchong kriika Juda mung langti Wanghuptiwe, Shealtiel se Jerubabel nai Ramwe Ajongwe Jehojadak se Joshua kriima atiichongki bomtsi.

HAGAI 1:3

Arkha niishe Tatiwe raq Israilnok ma, Shammiwe Hagai lümaq bom ka akhiishe tiichongto:

HAGAI 2:18

Riita ümchaü ranaiq ka jipi lütiikaü wa raroqnai ri rablai ranaiq. Ümchaü ranaiq na Shomjam sürii wan chang kham tiichap shong wan lot lan she. Liironglaq, ümchaü ranaiq armiiphat she, namshiq ma achu shiiman mikuq wanha.

JEKERIA 8:9

“Tsaiji tiijong lanta shiikut ronglaq! Shammibi raq Shomjam tiihea hai wan miitu khamshong wantaq akhing na chongtaq kra bomtsi kli ümchaü namshiq riimin taiwan tlan.