EJEKIEL 4:3 - ASII LAKDAP Bible (BSI)

³ Laüta jinpen kaü ashi kra lam laüta, chela kra nai ümnaq heawea na jin pen kriimaq ruk ka hailaq. Laüta chela ka liilaq. Riita arka chela ka re raq trotam maq akom wan kun she. Kiimaq ümniika re nok chela kra khat wanti nguta tiimalaq. Riita arka Israilnok mungti miitu maji binriim miraq.

Hawa Naga Bible 2001

³ Yanx penc vshiz lvmz vtueq mnoz nuiyc ghaqyungx hvlwvl kvyuq palx ruk ikhoc yaungc tvkoc tuz taq shuiuz. Ghaqyungx kox kvyuq mhtvlx tvmuiz shuiuz. Kvkaq ghaqyungx kuex tuimc wvnc rvhumc vtueq mnoz kuex vtuimc wvnc jix waz muex yaungx tuiux. Kvruex kuex Israel phvnx tvkoc vyac khawx muex yaungx tuex.

EJEKIEL 4:3 Referencias Cruzadas

ISAIA 20:3

Riita ümtiikiiwa Ashdod chela ka re raq jiiwantaq, Tatiwe raq nguto, “Ijaqshise Isaia ka kheahü siikumkum kiimaq hokpa ahü hoksii maq wiitsam she khumtlo. Arka Ejip mungti nai Sudan mungti ma akha mra mipin wan nguta winji binriim tiithai.

ISAIA 22:7

Juda mung wa hiqpo hiq win tan thun ka re khatti kumrang leng phong riili she mawanto. Phenlabi phong kumrang thaq na chaoraqraq maq Jerusalem chela kilam chong thun khaki na chapto.

ISAIA 8:18

Ngi ka arjaq Tati raq ngi ma akuq asetiim rai sitiikang. Ajong Pinthum Tatiwe raq, apaiq ngachang hokham ngacho ka Jajon Pum na sitlaq kriiwe raq, nashiq ka atra tsütsa bomtsi raütu setiim ikha Israilnok mung miitu tiikito.

JEREMIA 39:1

Jedekia raq Juda mung na hokham jawanli maq wiitiikaü she angu na kra rawiiwa jipi lüroqshi angu na Bebilon mung Hokhamwe Nebukadnejar raq asengi phenlabi tlotli sheaho raüta Jerusalem khat kai kito. Raüta Jerusalem ka khatto.

JEREMIA 39:2

Riita Jedekia ka hokham jawanli maq wiiroqshi ri wiishi she angu na, kra rawii wa jipi lüblai lü na kra lüwa jiha ratiikaü ranaiq, na re raq Jerusalem chela kiitelong ruk thun kra tiibun siiqbaiq wanto.

EJEKIEL 12:11

Ümniiraq jamlai wa klolaü kriika tsangshiq ma jamlai mra wa mipin kra tiichhike maji binriim bomchong nguta chongkuqlaq. Tsangshiq ka munglu shumwikong miishe mitsuq wan. Kiimaq shumraü kharü mong na misi.

EJEKIEL 12:6

Tsangshiq raq ümhupsam thop kaü kra ümphaq lam na pitlaü kra michhilaq. Kiimaq ümmak ka khea maq pangshat lam maq, ranyaq mong na, ümnaq kaiho chang lam kiimin chhimaü maq kaiho kra michhilaq. Ümniiraq jamlai wa riitlaü kriika, Israilnok ma honlam bom chong miraq.”

EJEKIEL 5:2

Mantsam kiiwa manshi ka chela ka re raq khat-lotto she angu na chela mong na wa maq chaqbaiqlaq. Kiimaq mantsam wa mannai ngoja kra hali lam laüta, ümjaq na shamshat maq chela tro kiijaq kinphai na tro khum laüta tap chum baiqlaq. Kriimaq atiisup mantsam ngojati kriika rahai na tiipan wanbaiqlaq. Kiimaq kriika, Ngi raq inepja maq joshjo she mijo wanha.

DANIEL 11:17

“Siria mung hokhamwe raq apaiq phenlabi thun wiita shea raüta maiqmung ka mikhat. Kra raütiishe ajaqtiwe hokhamwe mungtan kra shiithen baiq miitu, apaiq raq kriiwe rai silu mirja. Raüta ase jechakse ka apaiq ma mitiiwa. Shatmaq apaiq raq thapthi wan tlaq kriika hongwa mak miraq.

LEWI 2:5

Kiimaq kra honglu winsii ka jinpen pintam na ako jiila, kriika bunwong win ka olip tai rai ashot riichang. Shatmaq pi maq sho ka maimak.

Luke 2:34

Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

Hebrews 2:4

Tsangshiq raq kuqtlaq hakhi thaq kiijaq hali, Shiikeawe raq kao raüta awang chang nai phiiptsi chang jaqsham ka pahea sham wan ruq miili, nashiq ma khangriri hea maq tiichhikuq nongtlo. Ara chongtiikai, Asii Wenyi kongphiq ningkun thun arka, Asii Wenyi raq maiqse loweatek ma jamkhii kewan wa lungwii tlaq, kra phanphan kuq tlo.