EJEKIEL 4:4 - ASII LAKDAP Bible (BSI)

^4-5 “Kra laüta ümniika ümsiimpii jaq pha nü siim na bumlaq. Kiimaq Ngi raq ümkhum na Israilnok mungti ngarai homa ka ümniima mitiihoha. Ümniika kiijaq ranaiq shitsam ri raroq tiikaü misihaü. Laüta tsangshiq ngarai maaho michamchao haü. Tsangshiqnok moho ka ümchu rawii na saüli hochang wa, kra ngarai miitu, tsangshiq raq rawiishi mohochang sitlaq kra rii na, ümniiraq ranaiqshi shi moho ratlo nguta, Ngi raq kha ka toqtan kang she.

Hawa Naga Bible 2001

^4-5 “Kvruex yimaq mnoz kuex vphvrx kox kvyuq samx selc nuex woalc kuiuz, ngaz rueq Israel phvnx vyaq mvrax kuex mhtauk nuex tvdaungc kuq phaungx. Tsuingshiq rueq shuimx gay tueq mvrax ningkhvnc nuex kvruex baung kvyuq raungnuiyq 390 httax vtueq kuilc daz rvhumc tuiux. Tsuingshiq muex vkuq murx tvhtumx laz ngaz rueq mnoz muex raungnuiyq shiz laung kuex vwawc maq tvgurc phaungx.

EJEKIEL 4:4 Referencias Cruzadas

EJEKIEL 4:8

Kra chela khat wan jaqsham kra mithum shaq wiiwii, Ngi raq ümniika raü maq khalata mithüha, krai mren ümniika konü siim maq riita konü siim na tiipherak lot maü she mibumhaü. Kriika chela khat wan jaqsham kra mithum shaq wiiwii kiikhiili mibum haü.

LEWI 10:17

“Riita namnai kra ngarai-honglu ngam ka asii siqlaitap maq phaq man jamto? Arka pinthum asii ngamrea. Kiimaq Tatiwe raq mungmaiqse ngarai kra tiisii wan miitu namshiq ma a kuqto.

LEWI 16:22

Kra chhechhi kaü raq, tsangshiq ngarai homa thun kra wiita hoho raüta maiqsi mak chang bintang jüngi wang kiiniishe mikiho.

WEAWEA 14:34

Namshiq ka namshiq maiqmii ngarai kra ningkhan rawii roqblai michamchao wan han. Kanan mung sisin wa raroqblai kriiwa ranaiq shi la na rawii shishi she michamchao wan han. Namshiq raq Ngi ka namshiq ngengtiwe ma tiija wan ka akhiidea shea ngutiishe misap wan han!

WEAWEA 18:1

Tatiwe raq Aron ma nguto, “Ümnaq nai ümsetiim kiimaq Lewi phan raq Ngi miitu Ngi asi Tombutiip mong na jaqsham tlan kiijaq shutphit han jiila, kra mra hotlan kha ka namshiq raq mo mihohan. Shatmaq ramwe jaqsham na shut phit han jiila, ümnaq nai ümsetiim lam lam riili kriikha miitu mo mihohan.

Matthew 8:17

Apaiq raq ara chhintsii kuq wan taq thun arka, Isaia shammi we raq, “Apaiq raq nashiq thatsi thun nai thup atha thun ka wiita howanto,” nguta waiqthü taq bomkham kra tiikupi wan miitu she chhiijii kuq wanto.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.