EJEKIEL 4:2 - ASII LAKDAP Bible (BSI)

² Kra laüta, Jerusalem ka re raq khat wan tlaq kra sumla kra tiichhike miitu kra tro na hiq na kiituk thun ka thulaq; kiimaq chela tro ruk na düwan chang hiqkhu hiq phonglaq, laüta apa riila; kiimaq phenlabi piitiip thun hailaq; kiimaq, chela tro na chela ruk kra tiibun siiq wan miitu pepa rinchü thun hailaq.

Hawa Naga Bible 2001

² Kvruex yimaq, ghaqyungx tuimx wvnc tueq yac kuex tvkhic tvkoc, kvtuk warc htenc, ghaq kvtuk htenc, jerak htenc, vtvroz tumz kvyuq palx ruk tvbunx juing guix htenc kuex tvhungx taq shuiuz.

EJEKIEL 4:2 Referencias Cruzadas

2 SAMUEL 20:15

Joab sengibi raq Sheba ka kra chela na nguta tho ka lapto. Krai mren tsangshiq ka wa raüta kra chela ka trotam maq komhoto. Raüta tsangshiq raq chela tro na kiitelong ruk tiinap na hiq maq tiima phong wan raüta, ruk tro na maiqdü wa chang hiqkhu kriishe phongto. Kiimaq peruk kra jichong na ababa maq hiq mong miishe hali thu wanto. Raüta kra kiitelong ruk kra tribaiq miitu hiq ka wanthu wanto.

ISAIA 22:7

Juda mung wa hiqpo hiq win tan thun ka re khatti kumrang leng phong riili she mawanto. Phenlabi phong kumrang thaq na chaoraqraq maq Jerusalem chela kilam chong thun khaki na chapto.

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

JEREMIA 33:4

Ngi, Tatiwe, Israilnok Shiikeawe raq ngutiikang, Jerusalem wa jam thun nai Juda mung hokhamwe jam kra re raq trotam maq komwanto, raüta khat wanto krai mren wiita mitiibunbaiq.

JEREMIA 52:4

Kriikha niishe Nebukadnejar ka asengi phenlabi wiita sheaho raüta Jedekia ka hokham shong wanli maq wiitiikaü she angu na kra rawii wa jipi lüroqshi angu na kra jipi wa jiha raroqshi ranaiq na Jerusalem chela ka khat pha wanto. Tsangshiq raq chela kinphai tro kiijaq piitiip teito. Raüta chela ruk mong na düwan chang peruk hiqkhu thun ka trotam na haito.

JEREMIA 6:6

Ajong Pinthum Tatiwe raq arthun hokhambi ma pechong thun daq lantea Jerusalem kra khatwan miitu chela peruk tro kiijaq maiq düwan chang hiqkhu thun hiqphong ronglaq nguta aming tatto. Apaiq raq nguto, “Ngi raq archela ka sintsang maq mitsat ha. Jamkhano ngukla mungmaiqse ka ji maq nishishi tiichamchaotlo.

EJEKIEL 21:22

Riita ümchaü! Ajaqtsi nü niika liqsin kii, ‘Jerusalem’ nguta twaiq raü kra shamraü miraq. Kra liichum ka apaiq ka Jerusalem na kaichang ngutlo. Raüta chela ruk mong na nyap wan chang hiq phong raüta lam thun ka tiicho mihai, raüta rekhatho ma boli mitsü, kiimaq chela kilam chong thun kiijaq kilü jin wan chang hiqkhu thun kra mipa wan. Raüta hiq phong raüta hiqkhu lam thun kra mihai, kiimaq kiituk thun kra mithu.

EJEKIEL 21:27

Thento! Thento! Tengto. Ngi raq chela ka mishthen baiqha. Shatmaq shiithenbaiq akhing ka, Ngi raq ara chela ma mo tiihoke juwa shongkang kriiwe ka misaü wan shaq wiiwii mra ka pinmak miraq. Kiijiishetiq, Ngi raq ara chela ka apaiq jaq niishe mikuqha.

EJEKIEL 5:2

Mantsam kiiwa manshi ka chela ka re raq khat-lotto she angu na chela mong na wa maq chaqbaiqlaq. Kiimaq mantsam wa mannai ngoja kra hali lam laüta, ümjaq na shamshat maq chela tro kiijaq kinphai na tro khum laüta tap chum baiqlaq. Kriimaq atiisup mantsam ngojati kriika rahai na tiipan wanbaiqlaq. Kiimaq kriika, Ngi raq inepja maq joshjo she mijo wanha.

DANIEL 11:15

Kra ningkhan, Siria hokhamwe raq chela ashi kiitelong ruk mong na siti kra mikhat wan. Raüta mijii wan. Ejip mung phenlabi raq re ka khatruq khat makshe miraq. Tsangshiq phong wa srea nolajongbi thun kiimin ningkun ka ajom she miraq.