EJEKIEL 21:7 - ASII LAKDAP Bible (BSI)

⁷ Ümtiikiiwa tsangshiq raq ümniima jam nguto hannyi rai tlaü nguta waikiiphaüla, tsütsa saü wantlaq kra tai lata hoq tiikang nguta tsangshiq ma chonglaq. Ümtiikiiwa kriishe saüwa jiiq, raüla tsangshiq ka tsanhü wokhü she mikiinyii wan. Tsangshiq jaq aji thun kra ninta tiikhai rokrok she miraq, tsangshiq tsaiji ka tiidearok she miraq, kiimaq tsangshiq lakü thun ka wiita nintata she atiikhai rokrok miraq. Kra akhing ka saüwato she. Ajiishe saü wato.” Arka Tati Rakaü Hiqwe raq toqtantlo.

Hawa Naga Bible 2001

⁷ Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

EJEKIEL 21:7 Referencias Cruzadas

2 SAMUEL 17:10

Kiikhiishe tsütsa tai raüla, srea nolajongbi, hangsikaü ikha siti thun kra dongdii min, tsangshiq haisitsi ma aphiip ajiip she mihai song wan. Jamkhano ngukla, Israil mung tlotli raq ümwe ka srea nolajong pinthum kiimaq asengi phenlabi thun ka nolajongbi kong siisaq, kiimaq rekhat na sreajong kong siisaq nguta tarü raq asap siisaq.

2 HOKHVMX 21:12

Arthun arningkhan na, Ngi, Tatiwe, Israilnok Shiikeawe raq, Jerusalem chela khuthaq na nai Juda mung khuthaq na tiibitaq phiiptsi chang chamchao mitiisaüha. Krai mren maiq ümchu riiwa kra tsütsa kra taijiiq, tsangshiq ka akii anyii phiip raq mitsai.

Tvtsvmc 58:7

Tsangshiq ka chhokche kham kihotlaq ikha siirai mikiholaq; lam na acham sangphii hok maq nibaiqtlaq ikha minibaiqlaq.

DUNGWVNC 15:15

Edom mung welabi phiipjiip wanto; Mob mung nola jongbi atiikhai riitlo; Kanan mungti tsangshiq tsaiji tiidoqto.

ISAIA 13:7

Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

ISAIA 28:19

Kra sawa redong raq, namshiq ka nanshan shan kla nanki kla nankili, wranap nap mihut wan. Kra moho ka namshiq raq ranaiq rawa miho wan han. Shiikeawe nübok wa tsütsa anye aweatek saütlaq kriika, namshiq ma phiiptsi henghea riiwan wanli she miraq!

ISAIA 35:3

Ajaq atheati ma ningkun shoq kuqlaq, kiimaq ningkun ajom alakü tiikhai rokshrokti ma ningkun shoq kuqlaq.

ISAIA 7:2

Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.

JEREMIA 26:12

Kiijiishe ngi raq ngukang, “Tatiwe raq ngi ma ara chela khuthaq na nai Shomjam khuthaq na manson bomtsi namshiq ni maq tai lan kra wiita chiiriim laüta chongkuq kiqkiq nguta tiikito.

JEREMIA 49:23

Tatiwe raq Damaskas chela miitu akha nguto, “Hamath chelati nai Arpad chelati raq tsütsa abi tai raüta kai chapatlo. Tsangshiq tsan na akii anyiili she khamjong chum tso blun wantlaq ikha tiikaü miilap sitlo. Tsangshiq ka tsan asang maq silot mak.

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 8:18

Ngi chapatsi ara phum chang tsiq ka ahü; Itsan imong bunlaklak atsi.

AJONJÜ 5:17

Naishiq tsan nai mongjii bunchacha atsi, makphai rokwa rajun tang wa, mak min liilot mai she.

EJEKIEL 20:49

Shatmaq ngi raq atiiwin riikang, “Tati Rakaü Hiqwe lei; Ngi ma akhnok jaq ka naq tiishamkiq! Maiq wiitarü raq bot tsaü wanto, ngi raq tsangshiq ma traho bom chongke ka wranaiqshe uqkhiima bomtsi maq siisaq chongtlo nguta.”

EJEKIEL 21:15

Ariiraq isenginok tsaiji ka tranbaiqtlo. Raüta akü alii tiithap thatlo. Ngi raq tsang chela ka rachhaitlaq ikha achai lüplüp nepja kra tiidoqsiq lata tiiphiip wan tiikang. Maiqjiipbaiq wan miitu khekham.

EJEKIEL 21:6

“Maiqse lei, aran chang ahü she pitlang pitthea ümtsantsii bun wan ninlot maüshe ikha ahan anyi gan gulaq. Maiq wiitarü raq chhili chang rashra na chamchao tsi ma hansiqlaq.

EJEKIEL 21:8

Tatiwe raq ngi ma akha chongto,

EJEKIEL 22:14

Ümniinga, Ngi raq ümniima isintsang laihea kra tiiholot jai na, ümtsaiji ka ajongli miraq, riimakla ümjaq ka ra na do ma ümningkun ka asi miraq ngutiisha tiima tlaü? Arka Ngi, Tatiwe raq toqtan tiikang kiimaq Ngi riika ibom ka tiikhea mang maq klotiikang.

EJEKIEL 24:19

Nanok raq ngi ma waito, “Riita ümniiraq akhiika jamkho kloholaü?”

EJEKIEL 6:2

“Maiqse lei, Israil mung na pumthun kiina liilaq. Laüta tsangshiq ma itsütsa ara kuqlaq.

EJEKIEL 7:17

Maiqse angu kunli ka tsanghok tsang jaq thun ka arok arii min ahü ikha nintata miraq. Tsangshiq lakü thun ka atiikhai rok shrok miraq.

EJEKIEL 7:26

Phanshi then jai phanshi mithen wan. Bihea mra pin raq tong wan wanli she miraq. Namshiq raq shammibi ma riisham makchhi bom miitu mitiipaiq nea han. Ramwebi raq mung maiqse ma jamlai tsütsa shrinke chang min ahü miraq. Kiimaq shiilangbi riimin namshiq ma hon atsii chongke chang jam min ahü she miraq.

DANIEL 5:6

Kra chhiraüta athea ka lütaitai she mutkito. Kiimaq apaiq ka, kai akii anyii phiip raq atsai she riito. Alakü ka tiikhai rokrok she riito.

LEWI 26:36

“Ngi raq namshiq ümchuwa pongmung na munglu shumwi ma atsuq wanti thun ka pinthum tsaihü jihü mitiiphiipha. Rahai raq chhijaq nyiipji tiime raümin namshiq ka haisitsi ma aju mirhan. Namshiq ka re raq rekhat na joraü jaq jutlan ikha miju han. Kiimaq namshiq tho na re ka ahü li jiimin namshiq ka akü alii miju han.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

Luke 21:26

Maiqse angu ka mangjong hiq khu thaq na jamlai wa tham wan tlaq, kra chhi raüta, akiinyii phiip raq mitsai. Ra wang win na, sitlaq ningkun ajong thun kriika, tsangshiq maiqmii khum chang lam kriiwa wiita arun she mirbaiq.

TRI CHONGKE 20:8

“Kiimaq phentubi raq phenlabi ma akha hali mingu, ‘Riita arjaq maiq weshi ra atsaiji aranti kiimaq ahai asongti maiq asi sha? Kiikhiiti maiq siraüla, apaiq ka jam niili mijang wanlaq. Kra riimakla, apaiq raq kongtibi tsaiji kra mitran.’

Hebrews 12:12

Lo ta, namjaq namji ka naq tiibakbat rongkiq she. Atiihong rii lanta si rong laq. Nam lakü ninrai tlaq kriika, atiihong she rii chang! Nam lakü ka naq tiidandok rongkiq she. Ningkun ka shoqwiishoq lanta, shiichaq rong laq.

JOSHUA 5:1

Jordan rai maq shenyap mung nü na siti kunli Amoraiqnok hokhambi raq kiimaq Mediterenian Khamjongkii binjü mung thun na siti Kanannok hokhambi thun kunli raq, Israilnok kunli raq Jordan rai ka mijin wan lot shaq wiiwii, Tatiwe raq, Jordan rai kham ka tiisiirai tiisüroq trübaiqto; raüta jükok ka phiisü shinriiqriiq ma tiija baiqto nguta tsütsa ka taito. Tsangshiq ka Israilnok ma pinthum haito kiimaq tsaihü jihü she riito.

JOSHUA 7:5

Ai chelati raq Israilnok ka, chela kilamchong maq joho raüta, long piikii chang binjü kiina saüli johoto. Raüta kra lamhong binjü kiiwiili Ai chelati raq, Israilnok ka maiq roqtsamri wetrok tin tsatbaiqto. Kra ningkhan Israilnok ka tsaiji ajom she riito kiimaq ahai she riito.

1 Peter 4:7

Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.