EJEKIEL 21:6 - ASII LAKDAP Bible (BSI)

⁶ “Maiqse lei, aran chang ahü she pitlang pitthea ümtsantsii bun wan ninlot maüshe ikha ahan anyi gan gulaq. Maiq wiitarü raq chhili chang rashra na chamchao tsi ma hansiqlaq.

Hawa Naga Bible 2001

⁶ “Vthueyc rvyaq miq lex, mthuinz vmungx bac tac vtuiuz nuex ikhoc kvbot kuiuz. Miq ruip rawx rueq mnoz khiz kv-phux tek nuex yonzyex vtueq kvbot kuiuz.

EJEKIEL 21:6 Referencias Cruzadas

ISAIA 16:11

Ngi ka Mob mungti miitu makphai khüshang shirisiq tiikang. Kiimaq Kir Heres chelati miitu jümiisiq tiikang.

ISAIA 21:3

Riisham mak maq jamlai wa chhikang kiimaq riisham ni maq taikang kriithun raq ngi ka phiip ma tiitsai wanto. Kiimaq itsan mong na tsihea, jechak re asechii na atsi chamchaotlaq ikha tsito.

ISAIA 22:4

Ümchaü ka ngi naq tiibanbi kiq isenginok ümchuwa tsaitaq kra miitu makphai khüshang maajo hoqpha. Ngi ka naq tiijaiq rongkiq.

JEREMIA 19:10

Kiijiishe Tatiwe raq ngi nangnga ngi rai kidamtaq maiqwere kra makki na hamlii tak kra tiibun bukbaiq laq nguta thaüto.

JEREMIA 30:6

Ümchaü min tsaq ronglaq lanta tiima ronglaq! Maiqwe ashi riika ase michiisha? Ikhiijiika Ngi raq maiqwere loweatek ka tsang jaq maq tsangwok po na kam raq raq, jechak nyung ase chii na phephiiqtlaq ikha ka jaro? Maiq loweatek ka tsang theaphi mut maq maq ka jaro?

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

EJEKIEL 21:12

Tsanbitsi ma pitlang pitthea hoqsiqlaq, maiqse lei; ara nepja arka isenginok jiipbaiq miitu, kiimaq Israil mungti welabi jiipbaiq miitu. Tsangshiq ka wiitashe mijiipbaiq, isenginok mung maiqse rai mitsatbaiq. Ümkhuk na jaq tham maq tiitap laüta tsaihü jihü hoqsiq laq!

EJEKIEL 21:5

Maiq loweatek raq Ngi, Tatiwe riidea nepja ka chat kang nguta misap wan. Krai mren, Ngi raq inepja ka ahi mong na renong mang she.

EJEKIEL 21:7

Ümtiikiiwa tsangshiq raq ümniima jam nguto hannyi rai tlaü nguta waikiiphaüla, tsütsa saü wantlaq kra tai lata hoq tiikang nguta tsangshiq ma chonglaq. Ümtiikiiwa kriishe saüwa jiiq, raüla tsangshiq ka tsanhü wokhü she mikiinyii wan. Tsangshiq jaq aji thun kra ninta tiikhai rokrok she miraq, tsangshiq tsaiji ka tiidearok she miraq, kiimaq tsangshiq lakü thun ka wiita nintata she atiikhai rokrok miraq. Kra akhing ka saüwato she. Ajiishe saü wato.” Arka Tati Rakaü Hiqwe raq toqtantlo.

EJEKIEL 32:18

“Maiqse lei, Ejip mungti mungmaiqse pahea maaho hoqlaq. Tsangshiq ka maiq mung thun pahea ningkun jongheanok rai wulum mung na tiikibaiqlaq.

EJEKIEL 37:20

“Kra nyeakii wiinai ka ümjaq na shamlaq. Laüta mungmaiqse ma tiichhilaq.

EJEKIEL 4:12

Kiimaq ümniiraq maiqdaiq atiishin kra riichom laüta wa michaqhaü. Laüta kra wa kiijaq winsii ka lumlaq. Laüta nanok tarü raq chhishat na winsii ka phaq laq.”

EJEKIEL 6:11

Tati Rakaü Hiqwe raq nguto, “Ümjaq ka naüshaü shaü riilaq! Ümjitham maq hiq ka kung shiikung haplaq! Laüta Israil mungti raq ümtin khan wa abi klo wantaq, maiqphai asi jaqsham wantaq kriithun kra miitu, makphai trok laüta hoqlaq. Tsangshiq ka re raq mitsatbaiq, ramdong raüta mijiim, kiimaq thadong raüta mijiim.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

DANIEL 5:6

Kra chhiraüta athea ka lütaitai she mutkito. Kiimaq apaiq ka, kai akii anyii phiip raq atsai she riito. Alakü ka tiikhai rokrok she riito.

DANIEL 8:27

Ngi ka rahiq ashaqpuq tsitsü min healot mang, tsaihü jihü sikang. Latiishe ngi ka tiido kang. Lata hokhamwe raq ngi ma jaqsham kuqtaq kriishe sham wan nong kang. Shatmaq ngi ka riisham makchhi kra tiima lata, rashi hiqwea, awang riikang. Kiimaq kra liichum ka tak lot mang riikang

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.