EJEKIEL 21:7 - Hawa Naga Bible 2001

⁷ Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

ASII LAKDAP Bible (BSI)

⁷ Ümtiikiiwa tsangshiq raq ümniima jam nguto hannyi rai tlaü nguta waikiiphaüla, tsütsa saü wantlaq kra tai lata hoq tiikang nguta tsangshiq ma chonglaq. Ümtiikiiwa kriishe saüwa jiiq, raüla tsangshiq ka tsanhü wokhü she mikiinyii wan. Tsangshiq jaq aji thun kra ninta tiikhai rokrok she miraq, tsangshiq tsaiji ka tiidearok she miraq, kiimaq tsangshiq lakü thun ka wiita nintata she atiikhai rokrok miraq. Kra akhing ka saüwato she. Ajiishe saü wato.” Arka Tati Rakaü Hiqwe raq toqtantlo.

EJEKIEL 21:7 Referencias Cruzadas

2 SAMUEL 17:10

M-waz kuex rv-khvt rvlungc nuex shvrvyx yungx rvtueq, piq nolaungx bix muinz tv-nuip tv-nulx khvt jix hez rvtueq kuex Israel miqsaz ruip rawx rueq tuiuz yaq ningkhvnc nuex, hangsic ikhoc hisungx thuinz vguez maq khvmc hvlc jix miq doc muinz vhiz rvwuez yaq.

2 HOKHVMX 21:12

Kvkhoc rvtueq ngaz, Yehowa Israel Tishox rueq Yerusalem nuiyc Yuda mungx nuex kvkhoc phvnx kuilc daz jamjaux kuex tvdung kuq shaungx, kvruex thaungc kuex tay wvnc jix ukhaq yuq muinz vkawc yawc rvwuez tuex.

Tvtsvmc 58:7

Tsuingshiq kuex ruic wvnc yaq yuix ikhoc mmoz wvnc kueq; lvmx nuex kemz yaq httuingx ikhoc tsuingshiq kuex vnyek nuiuz gay mrvhumc kueq.

DUNGWVNC 15:15

Edom mungx wawc walaungx bix kuex kvkhuirc hisungx wuez tueq; Moba mungx wawc hungc vlaungc vhttax jix htenc kuex kvkhuirc wuez yaq; Kanaan miqsaz kuex thuinz bac vtueq nulx wuez yaq.

ISAIA 13:7

Miq ruip rawx yauk htenc kuex nulx wvnc vtueq, kvruex hez kuex vtawz rvkaz wuez tuex.

ISAIA 28:19

Kvruex kuex lauk shiz maq lauk shiz, raungnvp shiz maq raungnvp shiz nuimshiq kuex wungthvt gay kv-phuinx. Nuimshiq rueq kvruex raungnuiyq raungwvrx nanx juing rvtueq. Tishox kox wawc vlvp bomjungc vnyalx bomc tek kvhiz juing jvnc rvtueq!

ISAIA 35:3

Httvr thuiyc yaq yauk htenc nuiyc hungc vlaungc nulx vtueq kvkhuirc dvndvnz laungkuix htenc muex hungc tvmvrc kuq shuinz.

ISAIA 7:2

Siria nolaungx bix kuex Israel ghaq vraungx nuex shex httax yaq thaungc Yuda hokhvmx waz kox nuex httuiuc koq tueq, piq nuiyc piq miqsaz htenc kuex pinhtumc hiyaz kawc yawc wuez tueq, tsuinghez kuex raungguil rueq tvmoay yaq pulx jungx ikhoc kvkhuirc wuez tueq.

JEREMIA 26:12

Kvruex yimaq ngaz rueq, “Nuimshiq rueq tay tuit vruex Shomc Yuimx nuiyc vruex ghaqyungx kuex kawc lvlc lvmz phvnx ruip saz jungc tvkoc Yehowa rueq ngaz tvkaz phuex.

JEREMIA 49:23

Vruex kuex Damasku nuex seng vtueq Yehowa rueq jungx tueq: “Hamat nuiyc Arpad ghaqyungx htenc nuex httax yaq miq htenc kuex thuix thaungx vbac tay vtueq, rvwvlc tvmaung nuiyc vkuilc vdaz rvhumc wuez yaq. Tsuingshiq rueq rvwvlc tvmaung yaq kvraq tsuingshiq htauk nuex svmuktvrax yuix ikhoc puingc yaq ningkhvnc nuex tsuingshiq kuex kuiyqshuik httax lot muq.

JEREMIA 50:43

Babelon hokhvmx waz rueq thaungc kuex tay tueq, piq yauk htenc yulx kaz tueq. Piq kuex vkuilc vdaz rvhumc vtueq, nox wuic khic thuiuz yaq nyuiuz ikhoc vthuiuz vsac rvhumc yaq.

JEREMIA 8:18

Ngvy thuinbac yaq kuex tvhvlc mvy muq; ngvy thuinz vmungx nuex thuiuz yaq.

AJONJÜ 5:17

Nuiyshiq thuinz vmungx bac rvhumc vtix muik phic kvjumx ningkhvnc nuex sawc riric kvkhic lot muq,

EJEKIEL 20:49

Yuq muinz ngaz rueq, “Johvlc Yehowa lex, ngaz muex kvruex nauk tvshuimc vkueq! Ngaz rueq mkaq muinz bomc guiuq dvyx jungx yaq ngoz tueq uraq muinz ngoz phuex kuex tvyoalc yoalx httax yaq,” ngoz tueq tvwanc tauk.

EJEKIEL 21:15

Kvruex kuex ngvy miqsaz htenc khvmc thuinz kuex tvsumx gay ruiux tvhtuip tvrul gay shaungx. Ngaz rueq tsuingshiq ghaqyungx kuex raunglep ikhoc lep yaq yaung maq tvhiz sungx vtueq thvy gay tvkoc tvyoalc yoalx shex.

EJEKIEL 21:6

“Vthueyc rvyaq miq lex, mthuinz vmungx bac tac vtuiuz nuex ikhoc kvbot kuiuz. Miq ruip rawx rueq mnoz khiz kv-phux tek nuex yonzyex vtueq kvbot kuiuz.

EJEKIEL 21:8

Yehowa rueq ngaz muex jungx phuex,

EJEKIEL 22:14

Ngaz rueq mnoz kuex phox gay lot shaungx nuex mnoz rueq khvmc vshuiux kvmuinz, m-yauk tvlanc lot juing hungc vlaungc muinz kvjungx tuex ngoz tueq haz tvmaung vshuiux? Ngaz, Yehowa rueq jungx vshaungx rulc rv-ngvlc ngvy kvjaz kuex ngaz rueq tvhungx shaungx.

EJEKIEL 24:19

Miq htenc rueq ngaz muex, “Mnoz rueq yvmx ngoz tueq lac vkhoc ruez vshuiux?” ngoz tueq wiz phuex.

EJEKIEL 6:2

Vpiq rueq, “Vthueyc rvyaq miq lex, Israel kanx htenc kuex lawc vtueq tsuingshiq muex ngvy bomjungc kuex kuq shuiuz.

EJEKIEL 7:17

Miq tek vtueq yauk htenc kuex nulx wvnc ruiux, tsuingshiq laungkuix htenc kuex kv-khuirc wuez tuex.

EJEKIEL 7:26

Jamjaux kuilc daz kuex vshiz maq vshiz rueq phvnx vtueq jauz susuc saz maq kaz wvnc yaq vbac thuix thaungx htenc kuex dung wvnc tuex. Shvmmax bix tsuingshiq rueq tvluz nuex khiz wvnc tueq lvmx htenc kuex jalc tvkhic tvkoc mnoz rueq thoz shuiux. Shomc waz bix muinz miq htenc muex tvluingc kuy juing yvmx muinz humc shuex rvmuq, walaungx bix rueq muinz tharc jungx thenc muq rvshuex.

DANIEL 5:6

Piq kuex vhtvlx bac wvnc ruiux pinhtumc kawc yawc vtueq laungkuix kvbuilc tueq.

LEWI 26:36

“Nuimshiq kuex mungganc nuex httuiuc kaz tuinx kvkaq raungguil koq yuq tvruingx yaq pulx yauk tvruingc kuex tay ruiux doc muinz kawc yawc vtueq yuz wvnc tuinx. Nuimshiq kuex ralx rulc rvlungc vtueq ralx rueq yurc ruiux yuz tuinx ikhoc yuz wuez tuinx, nuimshiq hep nuex ralx waz vguez ngoz ruiux muinz rul wvnc tuinx.

NAHUM 2:10

Ninewe kuex tvbac gay tueq, tuip gay shec tueq, kuiyqshuik kuiyq khvmx yaungx tueq! Hisvy thuiuz muex thuinz vmungx yuimx wvnc khvm-khvmz; laungkuix htenc kvkhuirc dvn-dvnz, hungc vlaungc vguez; htvlx phawc htenc luiz lep lep shex.

Luke 21:26

Miq htenc kuex wvghaq pumz nuex yaungx wvnc tuex lvmz htenc kuex rvwvl vtueq hiyaz ningkhvnc nuex vmaungc rvkaz wuez tuex, raungmungx luimc vkawc htenc rueq tsuingshiq baung kvmaq buil wuez shuex.

TRI CHONGKE 20:8

“Vyungx vlaungx bix rueq hulawx, ‘Nuimhez nuex vhiz thuinz httax vtueq tharc htumx yaq jix miq vhttax haz? Httax ruiux yuq yuimx nuex m-yek waung kueq. Kvkhoc rvmuq ngoz ruiux kuex vganc jix thuinz tvbac kuq shuex,’ ngoz tueq jungx tueq.

Hebrews 12:12

Kvkhoc rvtueq nuimshiq httvr vtueq nulx yaq yauk htenc kuex raungx nuex tenz ruiux, rvyurx rvbvt yaq laungkuix buq htenc kuex tvhung wuez shuinz!

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

JOSHUA 7:5

Ai ghaq jix rueq tsuinghez kuex yurc vtueq ghaqyungx palx kaluix maq svt wvnc tueq kanx yaz lvmx wvlex miq waz 36 thvt gay tueq. Kvruex yimaq Israel miqsaz htenc thuinz htumx vtueq hiyaz wuez tueq.

1 Peter 4:7

Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.