DUNGWVNC 8:6 - ASII LAKDAP Bible (BSI)

⁶ Krai mren Aron raq anyeakii ka kham ümchuwa sitlaq kriithaq na ra na doto. Kiimaq makphang ka long wanto. Raüta hiq ma ra ma she mawanto.

Hawa Naga Bible 2001

⁶ Kvkhoc rvtueq Arun rueq yuix httax yaq lotlaz kvyuq ngvlhtulc kuex tenz koq tueq, lukburx htenc paunghvlc duiz wvnc vtueq, wvmungx tuimx nuex mvrx wvnc tueq.

DUNGWVNC 8:6 Referencias Cruzadas

2 SAMUEL 7:22

Ümniika jonghea pinthum, Tati Rakaü Hiqwe lei! Ümnaq khan ahin ka jumin ahü she. Ümniikli dea Shiikeawe nguta naishiq raq wranaiq she sap wan kai.

2 KAÜWA WERAÜ 6:14

Raüta apaiq raq akha achu jaüto, “Tatiwe Israilnok Shiikeawe lei, ramungtan tlotli na kiimaq mangjong hiq raikhü tlotli na, ümnaq akha shiikea ka ahü. Ümniiraq ümsenginok rai ümtongshong bomtsi ka riikhaqli thütlaü, kiimaq tsangshiq ka tsan nai mongjii wiita kuq raüta phaqchii nichii maq ümwokhong na siraüla ümmangchan tsii ka tsangshiq ma tiichhi kuq tlaü.

Tvtsvmc 105:30

Tsangmung ka makphang tha raq longto, hokham jam niimin makphang raq mato.

Tvtsvmc 78:45

Apaiq raq tsangshiq ka shecham tlong raüta, tsangshiq ka pinthum tlitkot wanto, kiimaq makphang tlong raüta tsang mung ka tiithenbaiqto.

Tvtsvmc 86:8

Ümniikhan tisho ka ahü, O Tatiwe lei, ümniiraq jamlai wa shamlaü ka jurmin shamak dea.

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

DUNGWVNC 10:2

Kiimaq namshiq raq namsetiim nai namsaütiim ma, Ngi raq Ejip mungti ka awang chang jaqsham lata, tsangshiq ka jamkho angok anginok ma tiijabaiq kang kra manphan ka michong kuq han. Namshiq tarü raq Ngi ka Tatiwe dea nguta misap han.”

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 7:19

Tatiwe raq Mosheq ma thaüto, “Aron ma chonglaq, anyeakii ka lamho raüta Ejip mung na sitlaq tlotli jürai thun, khamchelam thun, kiimaq thamchum thun thaq na tiinyi raüta anyeakii ka ra na midolaq. Kra raüla kham thun ka wiita tiijai ma mijaki. Mung tlotli na tiijai tonglong lishe miraq. Pe maq ahai khamthii chang waqkhü thun nai long tsabum thun wiimin kham ka wiita tiijai ma siisaq mijaki.”

DUNGWVNC 9:14

Ümchaü lak niika Ngi raq ümsengi ajong alabi nai ümsengi mungmaiqse lam lam li ma imo ka tiiho mang. Shatmaq imo ka ümniimiimin she mitiihoha. Krai mren ümniiraq ara mangjong hiq na Ngi khan ka jumin ahü nguta misap haü.

DUNGWVNC 9:29

Kiijiishe Mosheq raq apaiq ma akha nguto, “Ngi ka ara chela mong wa kinphai na dongho rili, ngi raq ijaq ka ra na dolata Tatiwe jaq wa achu mijaüha. Kiimaq rathaiq trang ka atsaq mirki. Kiimaq tsak-hiiq ka rokmak she miraq. Krai mren ümniiraq ara mangjong hiq arka Tatiwe rii dea nguta misap haü.

ISAIA 43:10

“Israilnok lei, namshiq ka isaqse kong; Ngi raq ümniika ijaqshi miitu tsea wan kang, ümniiraq Ngi sap wan miitu kiimaq ngi makam wan miitu. Laüta Ngi arlishe dea Shiikeawe nguta sap wan miitu. Ngi tlea raüta ahin shiikea ka ahü she; man niimin ahü dongdii, kiimaq jai miimin ahü dongdii miraq.

LEWI 11:12

Namshiq raq jü mong na siti phan wa arakong ahü phan kiimaq asak ahü phan ka phaqsea maimak.

TRI CHONGKE 32:31

Tsang jaqtinok raq tsangshiq phra kong ka ningkun ajom nguta asap, Israilnok Shiikeawe kiikha ningkun aheng riimak nguta asap.

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.

TRI CHONGKE 4:35

Tatiwe raq arthun ara namshiq ma tiichhi kuq wanto. Arka namshiq ma apaiq kli dea Shiikeawe nguta tiichhike miitu klo wanto. Kiimaq apaiq tlea raüta ahin ka ahüshe nguta tiichhike miitu arthun ara klo wanto.

Revelation 16:13

Kiijiishe, ngi raq ashe ashi winji atsam kra chhikang. Tsangshiq sham ka jukmantsai kaü sham ikha. Tsangshiq ka prenkaü nübok, ngamthaiq kaü nübok, kiimaq arot shammi we nübok maq adong.