DUNGWVNC 8:6 - Hawa Naga Bible 2001

⁶ Kvkhoc rvtueq Arun rueq yuix httax yaq lotlaz kvyuq ngvlhtulc kuex tenz koq tueq, lukburx htenc paunghvlc duiz wvnc vtueq, wvmungx tuimx nuex mvrx wvnc tueq.

ASII LAKDAP Bible (BSI)

⁶ Krai mren Aron raq anyeakii ka kham ümchuwa sitlaq kriithaq na ra na doto. Kiimaq makphang ka long wanto. Raüta hiq ma ra ma she mawanto.

DUNGWVNC 8:6 Referencias Cruzadas

2 SAMUEL 7:22

Johvlc Yehowa lex, mnoz kuex mtanc wuez yungx vtuiux! Mnoz rulc rv-ngvlc jix ukhaq muinz httax muq; Mnoz dvyx Tishox rvtoq kuex nuiyshiq rueq mkaq muinz tuiuz taq vshix.

2 KAÜWA WERAÜ 6:14

Piq rueq, “Yehowa Israel Tishox lex, raungx nuiyc ghaq lotlaz nuex mnoz rulc rv-ngvlc lot jix tishox kuex vguez. Mmiqsaz htenc rulc taq toq mbomkhvrc rulc vdvmz mnoz muex thuinz vmungx lotlaz maq tay phvnx vtueq httax yaq nuex tsuingshiq muex mlungwawc kuex tvkhic kuq toq.

Tvtsvmc 105:30

Hokhvmx hoc maq phaungc vtueq, tsuingshiq mungtan nuex luk-burx htenc tvmvrc kuq gay tueq.

Tvtsvmc 78:45

Vpiq rueq tsuingshiq muex kuilc daz tvrvhumc tueq shoaykumx htenc nuiyc tsuing-shiq nax htenc tvbac gay tvkoc lukburx htenc kuex tvkaz tueq.

Tvtsvmc 86:8

O Tishox lex, mnoz rulc rv-ngvlc jix tishox vshiz muinz vguez, mnoz rueq shuimx shuiux kv-khoc uraq muinz shuimx lot muq.

Tvtsvmc 90:2

Kuz vkanx htenc max tvdung sung shauk nuiyc mungkawx max dung jauz nuex phuex mnoz kuex vphaungc vyaungc Tishox rvtoq, vhtumx vguez pattup pat-sac Tishox muinz mnoz rvtoq.

DUNGWVNC 10:2

kvruex kuex mnoz rueq msaz hez nuiyc msuiuz hez muex jungx kuy tvkoc muinz rvtueq. Ngaz Yehowa rvtauk lvmz kuex nuimshiq lotlaz rueq tuiuz wvnc shuinx,” ngoz tueq jungx tueq.

DUNGWVNC 15:11

“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

DUNGWVNC 7:19

Yehowa rueq Moshe muex ngoc, “Arun muex jungx shuiuz, mngvlhtulc kuex shuimx vtueq Ejip mungx nuex httax yaq yuix saz, yuix yungx, jumx, htvmx htenc htauk kvyuq m-yauk kuex tenz shuiuz. Wvmungx tuimx wawc yuix kuex tvguiy muex yaungx wvnc tuex, pulx khok nuiyc lung khok htenc wawc yuix muinz tvguiy muex yaungx wvnc tuex,” ngoz tueq jungx tueq.

DUNGWVNC 9:14

Mungkawx vruex yuq ngaz vkhoc ukhaq muinz httax muq lvmz kuex mnoz rueq tuiuz tvkoc, majuiuc lauk kuex mmiq vyungx vlaungx bix nuiyc mmiqsaz htenc kvdvyx ngaz rueq murx tvgurc phaungx rvmuq.

DUNGWVNC 9:29

Moshe rueq piq muex ngoc, “Ngaz ghaqyungx maq kaz wvnc taungx rulc rv-ngvlc, ngvy yauk tenz ruiux, Yehowa kox wawc vjux thoz kuq phaungx. Yehowa rueq ghaq vruex guimz yaq lvmz mnoz rueq tuiuz wvnc tvkoc raungmuk nuiyc tv-nguirx dvy kuex tvthauk gay shuex.

ISAIA 43:10

“Israel miqsaz lex, nuimshiq kuex ngvy hakhix hez rvtuit; ngvy nvrc waz muex yaungc tvkoc mnoz kuex ngaz rueq thvl wvnc phaungx, kvkaq ngaz dvyx Tishox rvtauk kuex mnoz rueq tuiuz wvnc vtueq ngaz muex kvmluimx ruiux tuiuz tay wvnc shuiux. Ngaz maq lvy vtueq vganc tishox vguez; kvruex kuex mvnnuex pat nuex muinz, httuiuc wvnc yaq pat nuex muinz mkaq muinz httax tuex rvmuq.

LEWI 11:12

Vraungx nuiyc vsuik httax muq yuix yungsaz phvnx htenc ngvmx kuex svy mvy muq.

TRI CHONGKE 32:31

Tsuingshiq muex ralx yaungc jix hez rueq miqmac tishox htenc hungc vlaungc yomx yaq kvmuinz, Israel Tishox ikhoc hungc vlaungc vguez kuex tsuingshiq rueq tuiuz yaq.

TRI CHONGKE 33:26

Israel miqsaz lex, nuimshiq Tishox rulc tv-ngvlc juing tishox vganc vguez, Vpiq kuex ngauz vngax maq phuemx htauk nuex jauz vtueq, raungx kuex lvy laq vtueq nuimshiq muex romc kuy tvkoc httuiuc kaz tuex.

TRI CHONGKE 4:35

Yehowa dvyx Tishox rvtueq, vpiq maq lvy vtueq vganc tishox httax muq kuex hakhix khvmc tvkoc Yehowa vruex tvkhic shec tueq.

Revelation 16:13

Kvruex kaq lukburx ikhoc vshuy vshac htaungc vthuimx kuex ngaz rueq khiz tauk. Tsuinghez kuex yungrex nuix wawc muinz, svl vwvl nuix wawc muinz, vrot vkaq shvmmax bix nuix wawc muinz dung kaz wuez tueq.