DUNGWVNC 8:26 - ASII LAKDAP Bible (BSI)

²⁶ “Kriika tri na riikhaqli ang wa mak miraq,” nguta Mosheq raq treto. “Jamkhano ngukla naishiq raq nyamse thun Tatiwe naishiq Shiikeawe ma honglu na takuq tiikai kriika Ejip mungti makki na apii thuktsom mak miraq. Kiimaq naishiq raq ara nyamse thun ka Ejipnok makki na honglu kuqhai jiila, Ejipnok tsan ka akhiq miraq. Raüta tsangshiq raq naishiq ka long maq thong raüta mitsat baiq.

Hawa Naga Bible 2001

²⁶ Moshe rueq, “Kvkhoc kuex mvy muq; Yehowa nuiyshiq Tishox muex shomc nawk kuy juing nyvmx saz kuex Ejip miqsaz rueq suirsac yaq phvnx rvtueq. Mkhoc shoc maq Ejip miqsaz rueq suirsac yaq nyvmx saz maq shomc kuq shix kuex tsuingshiq rueq khiz ruiux yuq, nuiyshiq kuex tsuingshiq rueq lung maq tuip vtueq thvt gay phuex.

DUNGWVNC 8:26 Referencias Cruzadas

RAPHA HIQWA LAK 43:32

Joseph tsam ka chamrii pong na dokuqto. Kiimaq aphutiim miika chamrii ashi na tiisiqto. Kiimaq Ejip mungti kiijaq dungsea damtibi ka pong chamrii na kuqto. Jamkhano ngukla tsangshiq raq Jehudinok rai adam na nga raüta phaqsea ka tsangshiq khushü jam nguta tiimatlo.

RAPHA HIQWA LAK 46:34

apaiq ma riikhaqli, namtitiim raq nyamse rüm raüta sitaq kiikha namshiq kiimin nyamse rüm lanta siti nguta chong rong laq. Akha chong hanla, apaiq raq namshiq ka ara Goshen wang arjaq mitiishong.” Joseph raq akha chongkuqtaq arka, Ejip mungti raq sku rümtinok ka rosi mak kha maq chong kuqto.

2 HOKHVMX 23:13

Josia raq Hokhamwe Solomon raq Jerusalem maq shedong nü siim na kiimaq Olip Hiqlam maq shemai nü siim na, maiqphai asi sumla phrakong--Sidon chelati phrakaü jechak nyung Astarte, Mob mungti phrakaü Khemosh, kiimaq Ammon mungti phrakaü Molekh shomnoq chang berong-wacha thun ka wiita jimaq nishishi tiibun baiqto.

EJRA 9:1

Arthun jaqsham lot jai miishe, Israilnok mung rümti welabi wiijam ngi phana wato. Raüta ngi ma tsütsa ka akha chongto. Ramwebi nai Lewinok raq tsangshiq rilung ka asii pong na trai shatmaq si raüta thü wan mak riitlo. Tsangshiq raq Israilnok mung tho na siti, maiq pongnok phan, Ammonnok phan, Mobnok phan, kiimaq Ejipnok phan, kiimaq Kanannok phan, Hitaitnok phan, Perijaiq nok phan, Jebusaiqnok phan, kiimaq Amoraiqnok phan rai riishot riishaq li shongnga wantlo. Ara chongtiikai pongnok phan maiq ara riika, maiqphai asi, ashe ngarai pahea tang wantlo. Kiikhiisii hali Israilnok riimin kra ngarai thun ka tang wan dam tlo nguta ngi ma chongto.

DUNGWVNC 3:18

“Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’

DUNGWVNC 8:8

Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”

ISAIA 44:19

Sumla phra thun tiiqloti khutsai ka ahü. Tsangshiq raq maiqmii tiima tsantsii na, “Pe pan wiijam ka chin ma chaqkang. Lata ngi raq winsii lumkang. Kiimaq ngam ka wa na shulata phaqkang. Kriiwa chantlaq pepan kiiwa sumla phra ashi haikang. Lata ümchaü ka ngi raq pepan wa sumla haikang kriishe noqtiikang!”