Biblia Todo Logo
La Biblia Online
- Anuncios -




DUNGWVNC 8:26 - Hawa Naga Bible 2001

26 Moshe rueq, “Kvkhoc kuex mvy muq; Yehowa nuiyshiq Tishox muex shomc nawk kuy juing nyvmx saz kuex Ejip miqsaz rueq suirsac yaq phvnx rvtueq. Mkhoc shoc maq Ejip miqsaz rueq suirsac yaq nyvmx saz maq shomc kuq shix kuex tsuingshiq rueq khiz ruiux yuq, nuiyshiq kuex tsuingshiq rueq lung maq tuip vtueq thvt gay phuex.

Ver Capítulo Copiar

ASII LAKDAP Bible (BSI)

26 “Kriika tri na riikhaqli ang wa mak miraq,” nguta Mosheq raq treto. “Jamkhano ngukla naishiq raq nyamse thun Tatiwe naishiq Shiikeawe ma honglu na takuq tiikai kriika Ejip mungti makki na apii thuktsom mak miraq. Kiimaq naishiq raq ara nyamse thun ka Ejipnok makki na honglu kuqhai jiila, Ejipnok tsan ka akhiq miraq. Raüta tsangshiq raq naishiq ka long maq thong raüta mitsat baiq.

Ver Capítulo Copiar




DUNGWVNC 8:26
11 Referencias Cruzadas  

Yosep tvkoc humpanx vshiz nuex, vphuz nuiyc vnox hez tvkoc humpanx vshiz nuex, Ejip miqwaz hez tvkoc humpanx vshiz nuex tvhungx tvyoalc tueq. Ejip phvnx miqwaz rulx kuex Hebre phvnx rulc vdvmz nuex phauk saq ruiux yuq, ngauz yomx yaq ngoz tueq tvmaung ruiux yaq ningkhvnc nuex Hebre miqsaz rulc vdvmz nuex phauk saq ruiux muq.


nuiyshiq kuex nuiyjix nuiywaz pat maq raz tueq majuiuc nuex httuiuc laz nyvmx saz htenc remc jix nuk rvtiq, ngoz tueq shvmhvlx jungx shuinz. Kvkhoc ngoz ruiux yuq jix nuimhez kuex Goshen hong nuex tvhttax kv-phuinx,” ngoz tueq jungx shec tueq. Ejip miqsaz rueq khelbuenx remc jix kuex vsuirc rvyaq ningkhvnc nuex Yosep rueq kvkhoc tvjungc tueq.


Josia rueq Yerusalem ghaq maq shaldungc kox, Olip Kanx maq ghaqyaz kox nuex Sidon tishox nyuiuz Astarte, Moba tishox Kemosh nuiyc Ammon tishox Molek hez kuex nawk palx tvkoc Hokhvmx Solomon rueq vguirx taq shomrawx htenc kuex tvshuy shac gay tueq.


Vruex yauk shuimc htenc kuex lot yix maq, Israel walaungx bix wvyvmc kuex ngaz kox nuex kaz vtueq, mungx miqsaz htenc, shomc waz bix nuiyc Lewi miqsaz htenc kuex phic vphaungx mungtan htenc rvtueq Ammon, Moba nuiyc Ejip miqsaz rulc muinz, Kanaan, Hitti, Perizi, Jebusi nuiyc Amori miqsaz htenc rulc muinz tsuingshiq kuex kvruiy rawz httax muq. Kvruex miq htenc rueq shuimx yaq miqsuirc vsac yauk shuimc kuex tsuingshiq rueq shuimx kaz wuez tueq lvmz jungx tueq.


“Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.


Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.


Yac yuimx tvhungx guirc jix waz kuex tharc guez waz rueq, “Pulx htaq wvyvmc kuex ngaz rueq vjuiuz rvgay tauk. Wvr kuinx htenc nuex wanx kuex gaungc ruiux ngvmx kuex shuz phauk tueq. Kvjungx yaq pulx htaq maq yac yuimx vshiz tvhungx guirx tauk. Vyuq ngaz rueq pulx htaq vshiz kuex bumx vtueq nawk vshaungx!” ngoz tueq jungx tueq.


Síguenos en:

Anuncios


Anuncios


¡Síguenos en WhatsApp! Síguenos