DUNGWVNC 34:25 - ASII LAKDAP Bible (BSI)

²⁵ “Namshiq raq Ngi ma nyamse honglu takuqtlan akhing na, pi maq asho winsii ka Ngi ma honglu na kewan maimak. Tiichhiiwan Poi na ataaphaq han ngam ka anap ranap na tiisaüli naq thü rongkiq.

Hawa Naga Bible 2001

²⁵ “Nuimshiq rueq ngaz muex nyvmx saz maq shomc nawk kuq phuinx nuex wisiz maq vtvhungx wanx kuy mvy muq. Tvlvy Wvnc Moalx tvkoc thvt shuinx nyvmx saz ngvmx kuex raungnvp kvyix nuex httuiuc laz tvjungx tvy mvy muq.

DUNGWVNC 34:25 Referencias Cruzadas

DUNGWVNC 12:10

Namshiq raq kra ngam ka abung akhiismin ranap na saüli tiichong maimak. Ümkhii miiwa aphaq bung tiichongki raüla, kriika wa na chaq baiq ratlo.

DUNGWVNC 12:8

Raüta kra rawa ngam ka wa na shechang, raüta rum wa sangjaq akhap wiq phan nai pi maq shohü winsii alum krai phaq chang.

DUNGWVNC 23:18

“Ümniiraq Ngi ma nyamse honglu takuq tlaü na winsii ka pi maq shoje wa honglu na kewan raamak. Ara poi atsam akhing na nyamse honglu na ataakuq kiiwa ngampü ka anap ranap na saüli thü raamak.

DUNGWVNC 29:34

Kiimaq kra ngam thun ka riimakla winsii thun wiijam ka ranap na phaqlot mak dea raüla, kriika wa na chaq baiq chang. Kriika aphaq sea maimak. Jamkhano ngukla kriika asii.

LEWI 2:11

Ümniiraq Tatiwe ma wong-honglu kuqtlaü kiijaq pi maq sho raüta klo maimak. Ümniiraq raq Tatiwe ma phaq sea honglu kuqtlaü na ümtiikiimin pi maq shot raa mak, riimakla ngiq ngu maq shot maimak.

LEWI 7:15

Kra ngam ka honglu takuqtaq ranaiq liipan niili tiithum phaq chang. Kra ngam ka anap ranap na saüli akhiismin abung tiichong maimak.

WEAWEA 9:12

Kra phaqsiqtlan tü adung ka anap ranap na saüli tiichong thü raa mak. Kiimaq kra nyamse phaq tlan ka arok arii thun ka ashi min tiingoq maimak. Tiichhiiwan Poi ka thungtri na chongtlaq kra phan phan wiita klo lanta lang ronglaq.

Matthew 13:33

Kiimahali Jesuq raq tsangshiq ma shiiton ashi maq hali chongkuq nongto: “Ramungtan ngutlaq arka akha. Bom shiiton ngu i, maiq nyungshi raq, wong tok roqblai ka chung raüta, pi maq tiijali shoq tlaq ikha kata.”

TRI CHONGKE 16:3

Ümtiikiiwa ümniiraq ara dung siq tlaü akhing na, pi maq sho raüta alum winsii rai naq phaqkiq. Ramiishi na saüli ümniiraq pi maq shohü winsii ka phaq laq. Arka man na namshiq raq Ejip mung wa taülaü khiq maq alaü wan akhing na phaqsiq lan ikha phaq sea chang. Laüta ara winsii ka phaq laq. Ara winsii ka chamchao winsii phu nguta mingu. Krai mren, ümniika atra sitlaü wiiwii, ümniiraq Ejip mung wa chamchao litkot mung wa dong wan laü kra ranaiq ka ümtsan na tiitsang shat mirhaü.

TRI CHONGKE 16:4

Ramiishi na saüli kra namshiq sitlan mung na, maiq jurmin apaiq jam na pi ka thü maimak. Kiimaq kra poi phawan ranaiq rajiko na jam nyamse taphaq tlaü kra ngam ka kra rawa niili phaq ratlo.