DUNGWVNC 34:25 - Hawa Naga Bible 2001

²⁵ “Nuimshiq rueq ngaz muex nyvmx saz maq shomc nawk kuq phuinx nuex wisiz maq vtvhungx wanx kuy mvy muq. Tvlvy Wvnc Moalx tvkoc thvt shuinx nyvmx saz ngvmx kuex raungnvp kvyix nuex httuiuc laz tvjungx tvy mvy muq.

ASII LAKDAP Bible (BSI)

²⁵ “Namshiq raq Ngi ma nyamse honglu takuqtlan akhing na, pi maq asho winsii ka Ngi ma honglu na kewan maimak. Tiichhiiwan Poi na ataaphaq han ngam ka anap ranap na tiisaüli naq thü rongkiq.

DUNGWVNC 34:25 Referencias Cruzadas

DUNGWVNC 12:10

Nuimshiq rueq ngvmx kuex raungnvp nuex httuiuc lac nauk taq kaz, ngvmx kvjungx kaz ruiux yuq wvr nuex jauk gay shuinz.

DUNGWVNC 12:8

Kvruex raungyac ngvmx kuex wvr nuex shuz vtueq wisiz lomx muq wansawx nuiyc namx yauk vkhuip rulc raz tueq mphauk shueq.

DUNGWVNC 23:18

“Nuimshiq rueq ngaz muex nyvmx saz kuiux maq shomc kuq shuinx kvkaq, wisiz maq vtvhungx wanx maq shomc kuy mvy muq. Ngaz muex shomc kuy moalx baunglaung nyvmx saz puiz kuex raungnvp nuex httuiuc laz tvjungx tvy mvy muq.

DUNGWVNC 29:34

Ngvmx nuiyc wanx kuex raungnvp nuex httuiuc laz kvjungx kaz ruiux yuq, wvr nuex jauk gay shuiuz; phuiuz vsvy kvruex kuex vsawc ningkhvnc nuex uraq muinz phuiuz svy mvy muq.

LEWI 2:11

Yehowa muex nuimshiq rueq shomc kuq shuinx ruiy vwungx vngoz htenc nuex wisiz tvlomx mvy muq; Yehowa muex phuiuz vsvy shomc kuy juing maq muinz wisiz, rvmuq ngoz ruiux nyaq ngurx kuex tvlomx mvy muq.

LEWI 7:15

Shomc nawk kuq shuex raungnuiyq, nyvmx saz ngvmx kuex lotlaz phuiuz rax; raungnvp kvyix nuex httuiuc laz tvjungx tvy mvy muq.

WEAWEA 9:12

Raungx nvp kvyix nuex httuiuc laz phuiuz vsvy kuex tvjungx tvy mvy muq. Khelbuenx ruk vrawz kuex tv-ngawk mvy muq. Tvkhic jungx shec tueq rulc rv-ngvlc Tvlvy Wvnc Moalx kuex tvhungx rax.

Matthew 13:33

Yesu rueq bomc tv-ngvlc vganc maq tsuinghez muex jungx kuq yek tueq, “Raungx Mungtan kuex vkhoc phvnx rulc rv-ngvlc yaq. Yalxjuik nyuiuz shiz rueq wisiz raungluingx lvmz vtueq wungwanx tawx shiz nuex htawc koq tueq lotlaz tvwuiz gay lot yaq rulc rv-ngvlc yaq,” ngoz tueq jungx tueq.

TRI CHONGKE 16:3

Nuimshiq kuex Ejip mungx maq yauk lox dung kaz wvnc tuit nuex wisiz lomx muq wanx phauk tuit ikhoc, Tvlvy Wvnc Moalx moalx ruiux yuq raungx mvshix tup wisiz lomx muq wanx kuex phuiuz rax. Nuimshiq htemrvmz kuilc daz rvhumc vtueq Ejip mungx maq dung kaz wvnc tuit raungnuiyq kuex pattup rvwvl hvt tvkoc htemrvmc kuilc daz ngoz yaq wisiz lomx muq wanx kuex phauk wuez shuinz.

TRI CHONGKE 16:4

Nuimshiq httax tuinx mungx kvyuq raungx mvshix tup ukhaq yuimx nuex muinz wisiz httaz mvy muq; vphaungc raungnuiyq thvt shuinx nyvmx saz ngvmx kuex kvruex raungwvrx dvyx htumx laz phuiuz gay rax.