DUNGWVNC 33:4 - ASII LAKDAP Bible (BSI)

⁴ Mungmaiqse raq ara tai raüta, tsangshiq ka makphai khüshang hoq trangto. Kiimaq chaq nai kampho laktum thun ka lak mak she riito.

Hawa Naga Bible 2001

⁴ Miq htenc rueq kvruex kvjaz kuex tay vtueq, thuinbac yonzyex ningkhvnc nuex vraungc raq phvnx yvmx muinz kvmarc khak muq shex rvtueq.

DUNGWVNC 33:4 Referencias Cruzadas

2 SAMUEL 19:24

Kiitiikaq Saul ma asaü Mephibosheth ka hokhamwe rai riihumkai kito. Apaiq ka hokhamwe raq Jerusalem maq juhotaq kra ranaiq miishe phaho raüta hokhamwe ka rekhat tang raüta jang wan tlaq ranaiq na saüli, ahok ajaq kiimin kham maq hemak shaqli, anübin kiimin simak shaq li, kiimaq adü na asam akhu akhea thun kriimin hemak shaq kiikhiili samshat riito.

1 HOKHVMX 21:27

Ümtiikiiwa Elija raq apaiq bomchong kra lottaq, Ahab raq adü na asam khea kra chaibaiqto. Raüta adü wa chhutbaiqto. Raüta wunthaü riinaü khea she samto. Apaiq raq dung min phaqsiq mak she riito. Raüta rawa niimin wunthaü riinaü khea kra sam raütli konto. Raüta munjuk mijuk athea phi na tapkhu wali she tsaiji tran raüli she sito.

2 HOKHVMX 19:1

Hokhamwe Hejekia raq tsangshiq raq achong wan tsütsa kra tairaüta, adü na asam khea kra atsanbitsi ma chaiheahea chai baiqto. Raüta wunthaü riinaü khea samto. Raüta Tatiwe Shomjam na wawanto.

EJRA 9:3

Riita ngi raq ara ashut tsütsa kra tailata, itsan mong na tsihea tsi wanto. Tsanbi hosi wan kha miishe, ngi raq idü na asamha, ikhea thun kra chaiham chaihiiq chaibaiq kang. Kiimaq ikhupo wa ikhubin kiimin panthit thit phaibaiq kang. Kiimaq inübin kiimin panthitthit phaibaiq kang. Lata ihosi nai itsan bitsi ma hiq niili ngakikang.

YOBA 1:20

Kiijiishe Job ka tiidopot chapto kiimaq atsanbitsi ma adü wa akhea ka chaibaiqto. Raüta akhu ka loktam sibaiqto. Raüta hiq na kusaq bumkito.

YOBA 2:12

Tsangtsam raq Job ka alu wiq miili chhito. Shatmaq apaiq sham ka tiitsang mak dea riito. Kiimaq tsangtsam raq asham ka tiitsang raütiishe tsangtsam ka agi asii watrang liishe hoq tranghoto. Tsanbitsi ma tsangtsam dü wa khu akhea kra chaihea hea raü tiishe botkhulai ka ra na wan rang rang raüta, kiimaq tsangtsam khupo na phongtsoktsok raütiishe hoqtrang wanto.

DUNGWVNC 33:6

Krai mren, Israilnok raq Sinai Pum ka baiqthü jai miishe ka chaq nai kampho laktum thun ka lak mak she riito.

ISAIA 32:11

Namshiq ka chamtraq wok phetaktak ahai anga tiidak lantli sitlan. Jamlai miitu chapa chang ahü sitlan. Shatmaq ümchaü sanha haisitsi ma atiikhai rokrok she sironglaq! Namdü wa khu akhea kra chhut baiq lanta, wunthaü riinaü kheashe namchhü na sam ronglaq.

EJEKIEL 24:17

Atsise maq sutshsut min naqhoqkiq. Kiimaq maho majü akhing na khu ka loktam maq khumkai maimak, riimakla hokpa ka chhut laüta hoksii maq khumkai maimak. Kiimaq ümtheaphi ka khea maq pang min maimak. Riimakla majoti raq siqtlaq dung kiimin naqsiqkiq.”

EJEKIEL 24:23

Namshiq ka khu loktam tiisi lanta khum maimak. Kiimaq hokpa ahü maq hoksii maq khumkai min maimak. Kiimaq maaho majü hosii kiimin maimak. Namshiq ka nam ngarai khana simikii jam wantlaq ikha ajam mirwan han. Kiimaq namshiq nai namshiq liipan na mihan ngiq han.

EJEKIEL 26:16

Khamjong chumkii tro na siti maiq mung thun kiiwa hokhambi ka tsangshiq hokham ngacho thun wa hiq na misatki. Tsangshiq raq awaiq angon miirii samtlaq thun kra michhutbaiq. Raüta hiq na atiikhai rokrok minga. Tsangshiq raq ümnaq thenjen wan kra chhi raüta, tsang haisitsi ma atiikhai watrangli she miraq. Atsaq min tsaq mak mitiikhai.

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!

LEWI 10:6

Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

Jona 3:6

Riita, ümtiikiiwa Ninewi chela hokhamwe raq mungmaiqse tsütsa ka taitaq, apaiq kiimin hokham ngacho maq satkito raüta, asamtong jong kra chhutbaiqto. Raüta kheariimthum maq tiijopto. Raüta akhu na nai atheaphi na tapkhu maq nyat raüta, tsanbi taqtaq she ngakito.

JEKERIA 7:3

Kiimaq ramwebi nai shammibi ma akha tiiwaikito: “Riita naishiq raq man na rawii ümchuwa leawankai na ümkhiiwa rawiitek aho anyi raüta Shomjam shiithen baiqtaq ningkhan, amang maq achu jaü ka jipi lübiingi angu na lang wan tiikai kra, ümchaü min lang wan ruq li shea mirhai?”

JEKERIA 7:5

Apaiq raq akha chongto, “Armungti nai ramwebi ma chonglaq, tsangshiq raq man na, rawii wiiroq miishi leawantaq akhing na, rawiishi liipan na jipi lübiingi ngoja na, nai jipi lümiishi akhing na, tsangshiq raq amang maq achu jaü wantlaq kriika, ngi ma shreng raüta alam wan ka riimak.

WEAWEA 14:1

Rawa minru mungmaiqse ka chapatsi ma hoq trangto.

WEAWEA 14:39

Ümtiikiiwa Mosheq raq Israilnok ma Tatiwe raq jamlai wa ngutaq kra chongkiita, tsangshiq ka kai tiishudaq hoqsiqto.

1 SAMUEL 6:19

Tatiwe raq Beth Shemesh chelati maiqwere roqmiishi tsatbaiqto. Jamkhano ngukla tsangshiq raq Tongshong Tek mong kiijaq bum raüta liito. Nokmaiqse ka maaho manyi hoqsii trangto. Jamkhano ngukla, Tatiwe raq tsangshiq hiqti maiq pahea tsatbaiqto.