DUNGWVNC 33:5 - ASII LAKDAP Bible (BSI)

⁵ Jamkhano ngukla Tatiwe raq Mosheq ma tsangshiq ma akha chongkuqlaq nguta aming kuqto, “Namshiq ka nilan wanshak shaknok. Ngi ka namshiq rai heashiseli wadamha jiimin, Ngi raq namshiq ka tiisiirai mitiithum baiqha. Ümchaü min, namshiq chaq nai kampho laktum thun kra chhut baiq ronglaq. Kiimaq Ngi raq namshiq rai jamkha sichang wa ka Ngi tiq mithiha.”

Hawa Naga Bible 2001

⁵ Yehowa rueq Moshe maq raz tueq tsuingshiq muex ngoc, “Nuimshiq kuex khux tsanz phvnx miq rvtuit. Ngaz kuex nuimshiq rulc yauk lox saz khuemx naungx ruiux yuq doc muinz, nuimshiq washiz muinz kvjungx muit laz juing tvbac gay phaungx. Majuiuc muinz nuimshiq kvmarc khak vtuinx htenc kuex put gay shuinz, ngaz rueq yvmx khoc ruec juing lac kuex htvp htaz shaungx,” ngoz tueq jungx tueq.

DUNGWVNC 33:5 Referencias Cruzadas

RAPHA HIQWA LAK 18:21

Ngi ka kilata kra kha thun nyantlaq taitiikang ka ngohea dea shea arot wa kra liikai ratlo.”

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

YOBA 34:20

Maiqse ka tiidongchhaq miili rawa na motsai kai. Shiikeawe raq maiqse thun ka bukbaiqtlo raüla tsangshiq ka jiimtlo; apaiq raq ahong ala maiqse thun ka hunhü niihü miili tsat baiqtlo.

Tvtsvmc 139:23

Ngi ara sidilaq, O Shiikeawe lei, laüta itsan mong na jamlaiwa kra khot-laq; laüta ngi ara shinlaq, laüta itsan tsii kra wiita khonlaq!

Tvtsvmc 73:19

Tsangshiq ka tiihanghiiq miili she mitiithenbaiq; tsangshiq ka chongthum tiimiqchup she then wanto.

DUNGWVNC 32:9

Ngi raq asapha arnok arka wanshakshak nilan pinthumnok.

DUNGWVNC 33:6

Krai mren, Israilnok raq Sinai Pum ka baiqthü jai miishe ka chaq nai kampho laktum thun ka lak mak she riito.

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

AJONJÜ 4:6

Shiikeawe raq iphan imaq ka, Sodom chelati tiihanghiiq maq, tiithenbaiqtaq kriithaq na, tri atsin lin maq tsasha wanto. Raüta tiichamchaoto.

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

WEAWEA 16:21

“Namshiq ka arkong tho wa jai na tiijin tlo ronglaq. Kiimaq Ngi raq tsangshiq ka ümchaü tlothit mitiijiim baiqha.”

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.