DUNGWVNC 33:4 - Hawa Naga Bible 2001

⁴ Miq htenc rueq kvruex kvjaz kuex tay vtueq, thuinbac yonzyex ningkhvnc nuex vraungc raq phvnx yvmx muinz kvmarc khak muq shex rvtueq.

ASII LAKDAP Bible (BSI)

⁴ Mungmaiqse raq ara tai raüta, tsangshiq ka makphai khüshang hoq trangto. Kiimaq chaq nai kampho laktum thun ka lak mak she riito.

DUNGWVNC 33:4 Referencias Cruzadas

2 SAMUEL 19:24

9 Kvruex yimaq Sholu suiuz Mephiboshet kuex hokhvmx waz humc kay httuiuc kaz tueq. Piq kuex hokhvmx waz Yerusalem maq kaz wvnc tueq maq phat lotlaungc vtueq yek waung tueq nuex httuiuc laz, vyaz muinz hoal muq, vkaq mul muinz sulx muq, vkhoz vkhvy muinz huyx muq maq httax tueq.

1 HOKHVMX 21:27

Eliya rueq jungphvnc lot yix, Ahab kuex piq khoz vkhvy htenc juir vtueq put gay ruiux ruiyhec khvy kuex svmx tueq. Phuiuz vsvy phauk saq muq maq ruiyhec khvy htauk nuex woalc tueq, thuinz htumx vtueq bvrutuz khuemx tueq.

2 HOKHVMX 19:1

Hokhvmx Hezekia kuex tsuinghez rueq jungphvnx kuq tueq kvjaz kuex tay tueq rulc lvmx lvy, piq rueq piq khoz vkhvy htenc kuex yonz vtueq juir gay ruiux, ruiyhec khvy kuex svmx vtueq Yehowa Shomc Yuimx nuex yuz kaz tueq.

EJRA 9:3

Kvruex kvjaz kuex ngaz rueq tay vtueq, khoz vkhvy htenc juir gay ruiux, khumul nuiyc kaqbanx htenc kuex phiz gay vtueq thuinbac hvlc maq ngaungc kaz tueq.

YOBA 1:20

Kvkaq Yoba kuex kvtenc vtueq vkhvy htenc kuex juir gay tueq. Vkhux muinz luk gay ruiux vhtvlx kuex ghaq nuex httuiuc laz bumx tueq.

YOBA 2:12

Tsuinghez rueq vluz maq dvyx Yoba kuex khiz tueq, yuq muinz piq kuex tvtsuingc muq. Tsuinghez rueq khiz vtueq, vhtaq maq vkhoar miqmac khvy htenc kuex juir gay ruiux, bokkhuyx kuex raungx nuex wuinc wuez vtueq miqmac khux htauk nuex tvpvnc wuez tueq.

DUNGWVNC 33:6

Kvkhoc rvtueq Israel miqsaz htenc rueq kvmarc khak juing htenc kuex Sinai kanx maq kvtenc wvnc tueq nuex put gay wuez tueq.

ISAIA 32:11

Nuimshiq kuex rvwvlc tvmaung rac muq piauc hvlc dvyx httax vtuinx; yuq muinz majuiuc kuex hiyaz kvkhuirc wuez kuinz! Nuimshiq khoz vkhvy htenc kuex put gay ruiux nuimshiq khez kuex khvy jez maq shuit wuez shuinz.

EJEKIEL 24:17

Mnoz guit shix khoarc tvruingc kuex nauk tvtay kaz. Vyonz vyec shvmx ikhoc maq khux phop nauk phop kaz, yapaungc vguez maq nauk khuemx kaz. Mhtvlx nauk puingc kaz, vyonz vyec jix rueq phauk saq yaq kuex nauk phauk saq kaz,” ngoz tueq jungx tueq.

EJEKIEL 24:23

Nuimshiq kuex khux phop phop muit nuiyc yapaungc paungc muit rvshuinx rvmuq, vyonz vyex, vkhoarc vnyerc rvtuinx rvmuq. Nuimshiq kuex miqmac mvrax htenc ningkhvnc nuex kvrop wvnc vtueq vshiz maq vshiz kvbot nyvnx wuez tuinx.

EJEKIEL 26:16

Svmuktvrax yuix htauk nuex khuemx yaq miqphvnx htenc hokhvmx lotlaz kuex tsuingshiq hoc daungraungc wawc svt wvnc wuez tuex. Tsuinghez kuex hungluz khvy nuiyc vwuiyq vbaungx vruez khvy htenc kuex put gay ruiux kv-khuirc vtueq ghaq nuex ngaungc wuez tuex. Mnoz rvhumc vtuiux mkvmc kuex khiz ruiux yuq tsuinghez kuex kawc yawc vtueq kv-khuirc ruq kv-khuirc tuex.

Hosea 7:14

Tsuingshiq rueq ngvy kox wawc thuinz vrux maq vjux thoz muq, yuq muinz kvkhoc ruec tvraung, tsuingshiq pumz kuex ghaq nuex bumx vtueq kvmluimx muq jix rueq ikhoc khoarsez yaq. Tsuingshiq rueq tuiz vtsvmz nuiyc svpiq tix thoz shuex nuex, tsuingshiq pumz kuex kvmluimx muq miqsaz ikhoc tvmac gvnz yaq. Tsuingshiq rueq yvmx lac khawx lvlx yaq nguinx!

LEWI 10:6

Kvruex yimaq Moshe rueq Arun nuiyc piq sanueyc Eleazar nuiyc Ethamar muex, “Nuimshiq vyonz vyec thuinbac rvhumc vtuinx kuex tvkhic tvkoc nuimshiq khux htiz guez maq nauk httax kaz, svmhung htenc muinz nauk juir kaz. Mkhoc shoc maq kvkhoc ruez ruiux yuq nuimshiq vthueyc rvhumc tuinx, Yehowa muinz miq phungc kvyuq thuinkhvy dung tuex. Yuq muinz nuimshiq phuz vnox Israel miqsaz htenc kuex Yehowa kox wawc wvr tvkaz vtueq, tvkhamc gay tueq jix laung nuex vyonz vyec thuinbac kuex tvkhic mvy yaq.

Jona 3:6

Ninewe hokhvmx waz rueq kvruex thaungc kuex tay vtueq, piq hokhvmx hoc maq kvtenc vtueq, piq marrarc khvy kuex puk gay ruiux ruiyhec khvy kuex svmx vtueq tvp nuex ngaungc tueq.

JEKERIA 7:3

shomc waz bix nuiyc shvmmax bix muex vruex bomc wiz kuex: “Nuiyshiq rueq raungwawc vtanc khvnc shex shuimx wvnc tiq rulc rv-ngvlc yapix lex bv-ngac nuex phuiuz svy mamc ruiux Shomc Yuimx bac wvnc tueq ningkhvnc nuex nuiyshiq tvhttoarc vtueq yonzyec khoarc juing haz?” ngoz tueq wiz kay tvkoc tvkaz phuex.

JEKERIA 7:5

Vpiq rueq, “Mungx miqsaz htenc nuiyc shomc waz bix rueq wawc rok mvshix tup yapix lex bv-ngac yac nuiyc lex mvshix yac nuex phuiuz svy mamc vtueq vyonz vyec shvmx tvkhic wuez tueq kuex ngaz muex tvtsanc nganc lvmx rvmuq.

WEAWEA 14:1

Miq htenc kuex wvrx taungx khoar tvruingx wuez tueq.

WEAWEA 14:39

Yehowa rueq jungx tueq kvjaz kuex Moshe rueq Israel miqsaz muex tvlvy jungx kuq koq tueq, tsuingshiq thuinbac yonzyex khoar wuez tueq.

1 SAMUEL 6:19

Bet Shemesh ghaq wuinz rueq Bomkhvrc Jep mungx nuex lawc ningkhvnc nuex Yehowa rueq miq 70 thvt gay tueq. Tsuingshiq hvlwvl nuex vkhoc vthueyc juing yunghvlc Yehowa rueq tvyaungc kuy ningkhvnc nuex miq htenc kuex khoarsez wuez tueq.