DUNGWVNC 33:3 - Hawa Naga Bible 2001

³ Nuimshiq kuex phuiuz svy juing puix nuiyc nyaq ngurx dung yaq mungx kvyuq tvkaz phaungx. Yuq muinz ngaz kuex nuimshiq rulc roc nuex kaz naungx mauk, yvmx khoc lac ngoz ruiux lec nuimshiq kuex khux tsanz phvnx miq ningkhvnc nuex, ngaz rueq lvmx khuemc lvmx maq nuimshiq kuex tvbac tac gay roc mauk,” ngoz tueq jungx tueq.

ASII LAKDAP Bible (BSI)

³ Namshiq ka hiqpo hiq win mung niishe wawantlan. Shatmaq Ngi ka namshiq rai adam niika wadam mang she. Jamkhano ngukla namshiq ka nilan wanshak shaknok. Kra ningkhan Ngi raq namshiq ka lam niili motiithen baiq riijiiq.”

DUNGWVNC 33:3 Referencias Cruzadas

2 HOKHVMX 17:14

Yuq muinz tsuingshiq rueq phvnx muq; Yehowa tsuingshiq Tishox muex tvluimc wuez muq tsuingshiq jix vwaz tamx ikhoc khux tsanz wuez yaq.

Tvtsvmc 78:8

Tsuingshiq kuex khawc lvlc jix nuiyc tay phvnx muq jix htenc, Tishox muex tvluimc lvmx nuex mkaq muinz phaungx muq jix htenc nuiyc, vpiq nuex tvmtuing thuinz vguez, tsuingshiq jix vwaz tamx ikhoc yaungx tuex rvmuq shex.

DUNGWVNC 13:5

Yehowa rueq nuimshiq jix vwaz tamx muex kvtuemc khvmc kuq tueq Kanaan, Hitti, Amori, Hiwi nuiyc Jebusi miqsaz htenc httax yaq mungx kuex nuimshiq muex kuq phaungx ngoz tueq. Vpiq rueq tvkaz vtueq puix nuiyc nyaq ngurx dung yaq mungx nuex nuimshiq httuiuc kaz ruiux yuq, wawc tek vphaungc yapix nuex vkhoc moalx kuex moalx wuez shuinz.

DUNGWVNC 23:21

Piq muex tvtsanc nganc vtueq, piq kvjaz phvnx shuinz. Piq muex nauk khawx lvlx kaz, yvmx khoc lac ngoz ruiux lec piq kuex ngaz rueq vtvkaz rvtueq, piq rueq kvkhoc khawc lvlc jix muex mvrax dawc kuq shuex rvmuq.

DUNGWVNC 3:17

Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

DUNGWVNC 32:14

Kvkhoc rvtueq Yehowa rueq piq miq htenc htauk nuex kuilc daz tvhttuiuc muq tvkoc vthuinz wek yek vtueq, tvhiz sungx muq shex.

DUNGWVNC 33:5

Yehowa rueq Moshe maq raz tueq tsuingshiq muex ngoc, “Nuimshiq kuex khux tsanz phvnx miq rvtuit. Ngaz kuex nuimshiq rulc yauk lox saz khuemx naungx ruiux yuq doc muinz, nuimshiq washiz muinz kvjungx muit laz juing tvbac gay phaungx. Majuiuc muinz nuimshiq kvmarc khak vtuinx htenc kuex put gay shuinz, ngaz rueq yvmx khoc ruec juing lac kuex htvp htaz shaungx,” ngoz tueq jungx tueq.

DUNGWVNC 34:9

Piq rueq, “Yehowa lex, mnoz rueq ngaz kuex vsuing raungc raq vphux ngoz ruiux kuex, nuiyshiq rulc vdvmz kaz naungx loq. Miq htenc vruex khux tsanc hvlc, yuq muinz nuiyshiq ngarvyx nuiyc mvrax kuex dawc kuq vtueq, nuiyshiq kuex mmiqsaz shauk muex lvmz wvnc koq,” ngoz tueq jungx tueq.

ISAIA 48:4

Mnoz kuex yanx ikhoc tsanz dez raz tueq nvyrvyx ikhoc tsanz ruiux, khux tvtsanz vshuiux kuex ngaz rueq tuiuz yaq.

JEREMIA 11:5

Kvmaq majuiuc tsuingshiq httax yaq vrungx vwanx nuiyc ghaq vbur mungx kuex tsuingshiq jix vwaz tamx muex kuy tvkoc ngaz rueq bomkhvmc kuex tv-phaungx shaungx lvmz tsuingshiq muex ngaz rueq jungx tauk,” ngoz tueq jungx tueq. Ngaz rueq, “Rvtueq, Yehowa lex, ngoz tauk.

EJEKIEL 20:6

Kvruex ngaz rueq tsuingshiq kuex Ejip mungx wawc tvdung wvnc vtueq mungtan lotlaz htauk nuex vhvlx pinhtumc ghaq vraungx puix nuiyc nyaq ngurx kaz yaq mungx ngoz yaq tsuingshiq tvkoc ngaz rueq vthvl shec mungtan nuex shvlc wvnc tvkoc bomkhvmc taq tauk.

LEWI 20:24

Yuq muinz vrungx vwanx nuiyc ghaq vbur mungx kuex nuimshiq rueq guimz tvkoc ngaz rueq kuq phaungx ngoz tueq bomkhvmc taq tauk kvkhoc ruez shaungx, ngaz kuex Yehowa nuimshiq Tishox rvtauk, nuimshiq kuex vganc miqphvnx wawc tv-phvlc vtueq, ngaz rueq vthvl wvnc miqphvnx rvtuit.

Jona 3:10

Tishox rueq tsuingshiq yvmx lac shuimx wvnc tvnx kuex khiz tueq; tsuingshiq rueq tsuingshiq layx vbac honc vyaungc htenc tuip gay tueq kuex khiz tueq. Kvkhoc rvtueq vpiq kuex vthuinz kvlayc wvnc ruiux vpiq rueq shuimx shaungx ngoz tueq jungx tueq rulc rv-ngvlc tsuingshiq muex murx tvgurc muq shex.

Jona 3:4

Yona kuex ghaqyungx kvyuq nyuip vtueq nuiyq shiz lvmx khuemc yix maq, “Raungrok bvlic htvmx yix, Ninewe ghaq kuex bac wvnc tuex,” ngoz tueq ramc tueq.

WEAWEA 13:27

Tsuinghez rueq Moshe muex ngoc, “Nuiyhez rueq kvruex mungx nuex kaz vtueq helc roalc koq tueq, kvruex mungx kuex phuiuz vsvy rungwanx vtueq ghaq vbur waq kuex tuiuz tiq; pulx thuey htenc vruex kuex kvruex mungx wawc vdung pulx thuey rvtueq.

WEAWEA 14:12

Ngaz rueq tsuinghez kuex htaungc kuiyq maq tvbac gay shaungx, yuq muinz ngaz rueq mnoz kuex tsuinghez htauk nuex pinhtumc tvyungx luz vtueq, luimc vkawc httax hvlc miqphvnx muex vwaz tvyaungc phaungx!” ngoz tueq jungx tueq.

WEAWEA 14:8

Yehowa rueq naungshiq kuex raungc raq ruiux yuq, naungshiq kuex kvruex mungtan kvyuq shvlx wvnc vtueq, vrungx vwanx nuiyc ghaq vbur mungx kuex naungshiq muex kuq phuex.

WEAWEA 16:13

Mnoz rueq nuiyshiq kuex yaruix tvnx nuex tvthueyc gay khvmc muex phuiuz vsvy rungwanx yaq Ejip mungx kvwawc tvdung shvlx laq phux rvmuq haz? Majuiuc mnoz kuex nuiyshiq htauk nuex jiyungx yaungc roc haz?

WEAWEA 16:21

“Vruex hez hep kvwawc kvhttot vtueq httax kuinz, ngaz rueq tsuinghez kuex htat tvbac gay shaungx,” ngoz tueq jungx tueq.

WEAWEA 16:45

“Vruex hez kox vwawc kvbanc kuiuz, ngaz rueq tsuingshiq kuex lvmx lvy tvbac gay shaungx!” ngoz tueq jungx tueq. Tsuingnueyc kuex ghaq nuex bumx kaz wuez tueq,

Acts 7:51

“Kvtanc khvnc nuimkhux tsanz yaq nyix! Tishox bomjungc kuex tay wvnc tvkoc nuimshiq thuinz vmungx kuex kvtanc khvnc httvl yaq ix! Nuimshiq kuex nuimshiq jix vwaz tamx rueq shuimx wvnc tueq ikhoc Vsawc Siyac kuex nuimshiq rueq mkaq muinz wvlc guez muex tvyaungc vshuinx nyix!

TRI CHONGKE 4:24

Yvmx khoc lac ngoz ruiux lec Yehowa nuimshiq Tishox kuex luic thuiyc yaq wvr ikhoc rvtueq; vpiq rulc rvlongx palx jix kuex menjenc shuex rvmuq.

1 SAMUEL 2:30

M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.