DUNGWVNC 3:1 - ASII LAKDAP Bible (BSI)

¹ Ranaiqshi Mosheq ka ahuchhiwe Jethro, Midian mungti ramwe skukong nai chhechhi kong kra riimrea riito. Apaiq raq nyamse kong ka rumnyangkhi kumtsaiphii wang kiina tsuqhoto. Raüta asii Sinai pumji kiina saükito.

Hawa Naga Bible 2001

¹ Raungnuiyq shiz nuex Moshe kuex Midian shomc waz vguz Jethro khelbuenx nuiyc khelkhix htenc kuex remc kuq yaq nuex, khelbuenx nuiyc khelkhix htenc kuex kumtsvy tvnx maq tvyanz goalx laq vtueq Sinai ngoz yaq vsawc kanx nuex httuiuc kaz tueq.

DUNGWVNC 3:1 Referencias Cruzadas

1 HOKHVMX 19:19

Elija ka kiiwa wawanto. Raüta Elisha ka minsaü pang kong kongshi kriimaq wak therea lowanto. Apaiq khaki niika minsaü pangroqshi ri pangshi raq wak therea riito. Kiimaq apaiq riika pangshi maq wak therea riito. Kiijiishe Elija raq adü na asam samtongjong kaü kra chhutto. Raüta Elisha ma tiisam kuqto.

1 HOKHVMX 19:8

Krai mren Elija ka akon wa tiidoto. Raüta winsü ka phaqto. Kiimaq kham ka nyangto. Krai mren apaiq raq kra tü adung phaqsiqtaq krai mren apaiq ka asii Sinai pum na saüli raroqblai lam kra khum wan miitu ningkun hongli lapto.

Tvtsvmc 106:19

Tsangshiq raq chaq maq minsaü pongwe sumla Sinai pumji maq haito raüta noqto;

DUNGWVNC 17:6

Ngi ka Sinai Pum na longkaü sitlaq kiijaq ümkhaki na michap kang. Ümniiraq longkaü ka riihot buklaq. Raüla longkaü kiiwa mungmaiqse raq nyang miitu kham ka midong.” Krai mren Mosheq raq Israilnok welabi makki na kra chong kuqtaq kra phan phan kloto.

DUNGWVNC 18:12

Kiijiishe Jethro raq Shiikeawe ma wiipumtam- chaqtlii kechang thun kra nai laihin honglu kechang thun kriishe lan wanto. Kiimaq Aron nai Israilnok welabi kiimin tlotli apaiq raishe asii honglu ngam kra phaqsea wadam, kiimaq noqku lomdam apaiq rai wawan damto.

DUNGWVNC 19:11

Raüta shinap ranaiq miitu tiijeshat misilaq. Kra ranaiq Ngi ka Sinai Pum na misat kiha. Kiijaq mungmaiqse tlotli raq Ngi ka michhi.

DUNGWVNC 19:3

Kiimaq Mosheq ka Shiikeawe rai riihumwa pumkhu thaq na wa wanto. Tatiwe raq pum maq apaiq ka heato. Kiimaq apaiq ma Jakob saüse phan Israilnok ma akha chongkuqlaq nguta chongto:

DUNGWVNC 2:18

Ümtiikiiwa tsangshiq ka awe pha niishe jang wantaq, apaiq raq tsangshiq ma waito, “Namshiq ka ümchaü ranaiq jam nguto jaqlose li jang wan lan?”

DUNGWVNC 2:21

Krai mren Mosheq ka kiijaq sidam miitu kiq rito. Kiimaq Jethro raq apaiq ma ase Jippora ka tiiwato.

DUNGWVNC 24:13

Kiimaq Mosheq nai apaiq jaq treti Joshua ka tiijeto. Kiimaq Mosheq ka asii pum kiina düpha wanto.

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

DUNGWVNC 3:5

Shiikeawe raq nguto, “Naptohea na naq warai kiq she. Ümhok kop wiinai kra chhut baiqlaq. Jamkhano ngukla ümniika asii hiq ba na chaptlaü.

DUNGWVNC 33:6

Krai mren, Israilnok raq Sinai Pum ka baiqthü jai miishe ka chaq nai kampho laktum thun ka lak mak she riito.

DUNGWVNC 4:18

Raütiishe Mosheq ka ahuchhiwe Jethro phaniishe hali jang wan nongto. Raüta apaiq ma akha nguto, “Mangchan laüta ngi ka Ejip mung na, iphu inotiim phana tiikilaq. Tsangshiq ka ahea sha jamkhiiwa sitla liiki pha.” Kiimaq Jethro riimin ahea na nguta treto. Raüta khusang maq sikikiq nguta apaiq ma kiim riiphea bomto.

DUNGWVNC 4:27

Kiimaq anü na Tatiwe raq Aron ma chongto, “Kumtsaiphii wang kiina kilaq. Laüta Mosheq rai riihum kikiq.” Kiimaq apaiq ka Mosheq rai riihumkai asii pum kiina kihoto. Kiimaq apaiq ka Mosheq rai riihumto. Raüta apaiq theaphi na shupto.

AMO LUIK DVP (AMOS) 1:1

Arka Tekoa chela na siti skurümti Amos raq achong riisham bomtsi. Ara riisham bomchong arka hiqjong mimushaq na rawii wiinai kongkhu ji na Juda mung langti hokhamwe Ujjia kiimaq Israil mung langti Jehoash se Jeroboam raq lang tlaq pat na Shiikeawe raq Amos lümaq Israilnok miitu riisham bomtsi atiichongki thun kra riito.

MALAKI 4:4

“Ngi raq ijaqshise Mosheq ma Sinai Pum maq Israilnok tlotli raq lang wan miitu akuqha, thungtri raü, kiimaq aming thun ka tsan na tiitsang ronglaq.

WEAWEA 10:29

Kiimaq Mosheq raq anangwe Midian phan Jethro se Hobab ma akha nguto, “Naishiq ka Tatiwe raq naishiq ma mikuq kang nguta kiqkham kuqta mung kiina laü wan she. Apaiq raq Israilnok ka pinthum aphe arongnok ma mitiijaha nguta kiqkham kuqto. Kra ningkhan, ümniimin naishiq rai li wa i. Kiimaq naishiq ümkhiiwa chiithe jawan tiikai kra ümniirai riiphea, riinyin laita misi rong i.”

WEAWEA 10:33

Riita Israilnok ka asii Sinai pum wa tiido wanto, raüta tsangshiq ka ranaiqtsam tinkhit wawanto. Tatiwe Tongshong Tek ka jang wrapshe tsangshiq ma lam shea sinkhu na wawan lili riitlo. Raüta tsangshiq ma lamjap chang piitiip tei wan chang hiq ba kra rit wan litlo.

Luke 2:8

Kra akhing na, sku rümtikong maiq wiijamti ka, kra binjü na, tsangshiq skukong kra rüm, rum na ajap asi.

Acts 7:30

“Mosheq ka kra wang na, rawii wiiroqblai sijai niishe, ranaiqshi kumtsaiphii na Sinai pum ji maq, rase ashi ka rumrü mong na walü ma ja raüta, Mosheq phana kito.

TRI CHONGKE 1:2

(Sinai Pum maq riita ku akin tonglong Edom mung lam maq wawan raüta Kadesh Barnea wang na saüli ka raroqshi ri ranaiq shi raatlo).

TRI CHONGKE 1:6

“Man na nashiq ka Sinai Pum na siji na, Tatiwe nashiq Shiikeawe raq nashiq ma akha nguto, ‘Namshiq ka ara pum na rahiq aluwiq she silan.

TRI CHONGKE 4:10

Namshiq ka Tatiwe namshiq Shiikeawe man na Sinai Pum maq chap wan lan ranaiq wa bomtsi kra chongkuq ronglaq. Kra akhing na, apaiq raq ngi ma akha nguto, ‘Mungmaiqse ka adam na triitamlaq. Ngi raq tsangshiq ma jamlai chong ke chang wa asi kra tsangshiq raq tai ratlo. Raüta tsangshiq ka atra sishat wiiwii ibom chong ara lang raüta singa wan kra mitsinlaq. Kiimaq tsangshiq raq tsangsetiim ma ara aming thun ara lang raüta siwan miitu mishrinkuq wanlaq.’

PHOWEBI 4:11

Kiimaq kra akhing na Kenaiq phan wa Hebar raq, apaiq tombutiip ka Kedesh chela tho na ok pechong ji na Jananim binjü na atei wan wishe riito. Apaiq ka Kenaiq phan nanok ahin, Mosheq ma anangwe Hobab saüse phan phong wa pong niishe trai wanto.

1 SAMUEL 16:11

Kiijiishe apaiq raq Jesi ma waito, “Riita, ümsetiim ka ahin min asi shea?” Kiijiishe Jesi raq, “Ano nobungwe kla asi. Shatmaq apaiq ka skukong rüm.” “Apaiq ka ana tiiheakiqkiq,” nguta Samuel raq nguto. “Apaiq ka misaüshaq wiiwii, nashiq raq Tatiwe ma honglu ka kuqmai maq mikhe i.”