DUNGWVNC 23:8 - ASII LAKDAP Bible (BSI)

⁸ Tsiiqlap naq siqkiq. Tsiiqlap seatibi ka makchuk ma jakitlo. Raüta riikhaqli tri ka sham makshe riitlo. Raüta maiqsangti thun kha ka ahea maq pho kuq mak she tiijiq baiqtlo.

Hawa Naga Bible 2001

⁸ Khauloayc yauk noalc kuex nauk lvmz kaz, kvruex yauk noalc ningkhvnc nuex miq muex vlvmz yauk shuimc nuex muik tvmawz kuy nuiyc mvrax vguez miq htenc yauk shuimc tvbac kuq gay yaq.

DUNGWVNC 23:8 Referencias Cruzadas

Tvtsvmc 15:5

Apaiq raq maiq ma aliip jaü mak maq kampho tiinam kuqtlo, kiimaq apaiq ma tsiiqlap kuq raüta rung na arot saqse ma tiijalot mak, Jurwa arthun ara shamtlaq kriiti ka wranaiqshe khupwong kuqshat miraq.

Tvtsvmc 26:10

Wranaiqshe abi ati kiimungti phong kiiwa kiimaq wranaiqshe tsiiqlap seati phong kiiwa.

TAKSU LAK 15:27

Ahuk arot piikii lam wa alap wan, tsiiq ka jamkun na thü raüla, maiqmii jamkun kli michamchao. Kra ningkhan tsiiqlap naqsiqkiq, rilung alu misi haü.

TAKSU LAK 17:23

Mongnam phowe riika tsiiqlap siqtlo, raüta kha ajiq photlo.

TAKSU LAK 17:8

Maiq wiijamti raq, tsiiq lap ke ka mintin ikha, phanrap milot i nguta kamtlo.

TAKSU LAK 19:4

Chiithe wan wan kongti pawan, miitsantum wan kongti mowan.

THARC TVLUINGC 7:7

Maiqshaqti raq maiq laolii raüla, apaiq ka angiwe ma jakitlo. Kiimaq ümniiraq tsiiqlap siq haüla, ümtsantsii ka tiinambaiq tlaü.

ISAIA 1:13

Ümniiraq ümchuwa honglu kuq wan tlaü kriika jamlai athü arii min ahü she. Ümniiraq homseng honglu kuqtlaü tsangngii kra shulata Ngi ka ishuli she sikito. Ümniiraq Jipi Jinye Poi thun, kiimaq Apii Ranaiq Poi thun, kiimaq noqku na shomnoq wan thungtlan thun kra chhilata ümchaü sanha ninlot mangshe. Arthun klowan tlaü arka ümngarai phong krai triishot laüta kuq wan tlaü.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 33:15

Namshiq raq tingting bomhan jiika kiimaq riikhaqli jaqsham han jiika milun wan lot han na. Namshiq jaq na arang hotlan kriimaq miitsan maiqse ka naqlao rongkiq. Kiimaq tsiiqlap naqsiq rongkiq. Maiqtseati matwetiim rai naq pong dam rongkiq. Kiimaq maiq ma abi kloti rai naq pongdam rongkiq.

ISAIA 5:22

Namshiq ka miqlan she! Chekhap nolabi lei! Laohu longkhang ka riishot lantea baknyang lam miika nolabi haihü songhü kata!

ISAIA 5:23

Shatmaq khapho rung miishe ka ashutwe raq tsiiqlap kuq raüla, namshiq raq ajiqwe ka atiidong riibaiqtlan. Lantea maiqsangwe ka nanshan shan tiishut baiqtlan.

EJEKIEL 22:12

Ümsenginok wiijamti riika maiq raq raikao tat raüta maiq tiitsattlo. Maiq wiijamti riika maiqmii mungti Israilnok ma kampho tiinam kuqtlaq kriithaq na amet jaütlo. Tsangshiq kra nanshanshan raüta chiithe ma jatlo. Tsangshiq raq Ngi ka alaq riibaiqto.” Arka Tati Rakaü Hiqwe raq ngutlo.

Hosea 4:18

Tsangshiq ashe ashi phaqsea thumjai, kuku kong ikha sethoq jatlo. Tsangshiq ma khushü jong ka reng riimak, mephe-nyung rai sra ka reng.

AMO LUIK DVP (AMOS) 5:12

Ngi raq namshiq ngarai asap ha, namshiq ngarai tak amachhaq, tsiiqlap siqlanta kechu maiqse tiicham chao lan. Ra raq ham mak jehin nore, rung maq tiidea baiq lan.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

TRI CHONGKE 10:17

Tatiwe namshiq Shiikeawe ka phra thun wiita tlotli thaq na ajong pinthum kiimaq ningkun thun ümchuwa sitlaq kra tlotli thaq na ajong pinthum. Apaiq ka jonghea kiimaq apaiq ningkun ka henghea. Krai mren, apaiq miika ahai chang dongdii. Apaiq riika ju miimin lopki mak phan. Kiimaq apaiq raq tsiiqlap ka siq mak phan.

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

1 SAMUEL 12:3

Riita, ümchaü minla, ngi raq phanshi ra ashut klowan kang jiila, ümchaü Tatiwe man na kiimaq apaiq raq ashong hokhamwe man na, kha ka nyan ronglaq. Ngi raq weshi ra minsaü kaü lo, kiimaq kumtoq kaü lo lamhokang shea? Kiimaq ngi raq maiq ashi ra laolii kang shea? Riimakla weshi ra nanshan wan kang shea? Kiimaq ngi raq weshi ra jaq wa tsiiqlap jaüphaq wan kang shea? Arthun arwa ashi ra ngi raq klo wan kang jiila, ngi raq jamlai wa lam kang kra atham mirkuqha.”

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.