DUNGWVNC 23:8 - Hawa Naga Bible 2001

⁸ Khauloayc yauk noalc kuex nauk lvmz kaz, kvruex yauk noalc ningkhvnc nuex miq muex vlvmz yauk shuimc nuex muik tvmawz kuy nuiyc mvrax vguez miq htenc yauk shuimc tvbac kuq gay yaq.

ASII LAKDAP Bible (BSI)

⁸ Tsiiqlap naq siqkiq. Tsiiqlap seatibi ka makchuk ma jakitlo. Raüta riikhaqli tri ka sham makshe riitlo. Raüta maiqsangti thun kha ka ahea maq pho kuq mak she tiijiq baiqtlo.

DUNGWVNC 23:8 Referencias Cruzadas

Tvtsvmc 15:5

Piq rueq vlap lvmz muq maq tvnvmc kuq yaq nuiyc mvrax kop muq waz muex vrot hakhix yaungc tvkoc khau-loayc yauk noalc kuq ruiux thoz muq waz rvtueq. Vruex phvnx htenc kuex shuimc kay tvhungx jix ukhaq muinz mkaq muinz kvguing kvwungx httax lvp tuex.

Tvtsvmc 26:10

tsuingshiq kuex honc vbac lvmx nuex vkhing ruip rawx shuimx wuez yaq, khauloayc yauk noalc lvmc tvkoc mkaq muinz tvyoalc yoalx yaungx yaq.

TAKSU LAK 15:27

Vyaq vphaq kvmungx maq vlap vphawx lvp tvkoc hunglaungx ruiux yuq, m-yuimx wuinz htenc kuilc daz rvhumc tuex. Khauloayc yauk noalc thoz muq ngoz ruiux mnoz rullungx luz tuiux.

TAKSU LAK 17:23

Honc vbac phoc waz rueq khauloayc yauk noalc kuex lvmz yaq, kvkhoc rvtueq tvrac vlvmz yauk shuimc shuimx muq.

TAKSU LAK 17:8

Khauloayc yauk noalc lvmc yauk shuimc kuex muik phelc shiz nuex dvyx yungx luz wvnc yaq ngoz tueq miq wvyvmc rueq tvmaung wuez yaq, yvmx yuq muinz kvraq tvyaungc lot yaq ngoz tueq tsuingshiq muex kvmx wuez yaq.

TAKSU LAK 19:4

Luiz waungx miqsaz htenc rueq mkaq muinz kungjix kamjix vnyalx humc wvnc yaq, yuq muinz htemc saz waz kuex mjuc paung muq kungjix kvraq doc muinz piq kuex gay shec wuez yaq.

THARC TVLUINGC 7:7

Wvtharc jix waz rueq miq washiz shiz muex laulawc ruiux yuq, piq kuex miqyaq waz rueq ikhoc dvyx shuimx kaz yaq. Khauloayc lvmc kuex mhonc m-yaungc tvbac gay vshuiux.

ISAIA 1:13

Nuimshiq rueq shomc kuy juing htenc laq ruiux muinz, kvruex kuex khuec guez dvyx. Nuimshiq rueq wvr maq jauk vshuinx vhomc vtumc thuingc kuex ngaz rueq shuiuc vshaungx. Nuimshiq rueq Yac Nyalx phuiuz vsvy moalx, Vguilc Raungnuiyq htenc nuiyc nawk palx htungx moalx kuex ngaz rueq nanx lawc lot mauk; kvhtenc kvruex lotlaz kuex nuimshiq rueq shuimx wvnc tuit mvrax htenc ningkhvnc nuex bac wvnc tueq.

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 33:15

Nuimshiq rueq vlvmz yauk shuimc kuex jungx vtueq shuimx kaz ruiux yuq, nuimshiq rullungx tvraungx httax lvp tuinx. Htemc saz jix kuex laulawc tvkoc mnoz luimc vkawc kuex nauk shuimx kaz. Khauloayc yauk noalc nauk lvmz, miq thvy gay yauk shuimc dvnc yaq jix nuiyc vganc layx bac shuimc jix hez rulc nauk kvruiuz naungx kaz.

ISAIA 5:22

Mnoz kuex vphoc rvhumc vtuiux! Svpiq sheshac shvrvyx bix lex! Phumz tvshot nuingx phox tuinx nuex shvrvyx nolaungx thuinz maq vhiz thuinz vguez hez!

ISAIA 5:23

Yuq muinz khauloayc yauk noalc ningkhvnc nuex mvrax vhttax jix doc muinz mnoz rueq tvdung gay toq, mvrax vguez jix muex tvrac vlvmz maq phox kuq muit.

EJEKIEL 22:12

Miq wvyvmc rueq kuimphox ningkhvnc nuex miq thvt yaq. Wvyvmc rueq tsuingshiq phuz vnox Israel miqsaz htenc maq kuimphox tvlap thuiyx vtueq, luiz waungx yaungc tvkoc tsuingshiq kuex mop jap wuez yaq. Tsuingshiq rueq ngaz kuex lauk gay phuex.” Johvlc Yehowa rueq jungx tueq.

Hosea 4:18

Svpiq pawx laz nuingc yix maq, tsuingshiq rueq mephex yauk shuimx yaq kuex raungc raq wuez yaq, miqyvlc vsvy yauk shuimc kuex tvtsanc nganc wuez yaq.

AMO LUIK DVP (AMOS) 5:12

Nuimshiq mvrax htenc kuex mtanc khvnc kvhiz juing lac nuiyc nuimshiq yaq gay tuit khuec vkhac htenc mtanc khvnc lac paung yaq nguinx kuex ngaz rueq tuiuz yaq. Nuimshiq rueq miq hvlx jix kuex guirguenz tuit, khauloayc yauk noalc lvmz vtueq tvrac rungx maq htemc saz jix muex tvrac vlvmz maq htvp htaz kuq muit.

Mikha 7:3

Tsuingshiq lotlaz kuex layx vbac yauk shuimc nuex thenc hvlc jix jvnc rvtueq. Vyungx vlaungx bix nuiyc phoc waz bix rueq khauloayc yauk noalc thoz wuez yaq. Luimc vkawc vhttax miq rueq yvmx lac roc yaq nguinx jungx ruiux yuq, tsuingshiq rueq vbac lvmz kuex vdvmz nuex kvruiuz wuez yaq.

TRI CHONGKE 10:17

Yehowa nuimshiq Tishox kuex tishox htenc lotlaz htauk nuex muinz luimc vkawc httaz hvlc. Vpiq kuex yunghvlc raz tueq hungc vlaungc mvrc yaq ningkhvnc nuex vhiz juing rvtueq. Vpiq rueq miqsaz htvlx phawc kuex thvl muq, khauloayc yauk noalc thoz muq.

TRI CHONGKE 16:19

Khac phox ruiux yuq, tvrac rulc rv-ngvlc muq muinz, miq htvlx phawc thvl httauk vtueq muinz phoc kuy mvy muq; khauloayc yauk noalc lvmc mvy muq, kvkhoc yauk noalc rueq wvtharc jix nuiyc miq tsuing jix muik kuex puingc kuq gay vtueq vyaq kox nuex htvp htaz kuq gay yaq.

1 SAMUEL 12:3

Ngaz kuex vyuq httax vtaungx. Ngaz rueq phvnx shishiz vshuimc yaq ruiux yuq, majuiuc Yehowa khaungkac nuex muinz, vpiq rueq vthvl shec hokhvmx waz mvnz nuex muinz, ngaz muex mvrax tvgurc mvy yaq. Ukhaq mansuiux kuiux, rvmuq ngoz ruiux loze lac ngaz rueq lvmz tauk nguinx? Ngaz rueq ukhaq lac tuinghtuing phauk saq tauk nguinx? Ukhaq kox wawc lac khauz loayc lvmz tauk nguinx? Kvruex phvnx htenc wawc phvnx shishiz ngaz rueq shuimx tvyaq gay tauk ngoz ruiux yuq kuex, ngaz rueq lvmz itauk phvnx kvruex vhtuimc kuy rv-phaungx,” ngoz tueq jungx tueq.

1 SAMUEL 8:3

Yuq muinz tsuingnueyc kuex vwaz honc vyaungc phvnx muq maq, kuimphox muex rvnphvnx thuinz dvyx httax tueq, khauz loayc lvmc ningkhvnc nuex khac kuex tvrac rulc rv-ngvlc phox kuq muq.