DUNGWVNC 20:8 - ASII LAKDAP Bible (BSI)

⁸ “Asii Niitiitsak Ranaiq ka aheawiq maq langlaq. Laüta asii thülaq.

Hawa Naga Bible 2001

⁸ “Vguilc Raungnuiyq kuex vsawc raungc hvlc muex tvyaungc shuinz.

DUNGWVNC 20:8 Referencias Cruzadas

RAPHA HIQWA LAK 2:2

Ramiishi ranaiq she angu na Shiikeawe raq apaiq jaqsham ka tlotto. Raüta ajaqsham ka athaq she riito.

RAPHA HIQWA LAK 2:3

Raüta apaiq raq ramiishi ranaiq ka shiimanto. Raüta kra ranaiq ka pong na tiitsang dada arai riithüto. Jamkhano ngukla kra ranaiq akhing na apaiq raq aphan sang wan jaqsham ka tlotto. Raüta jaqsham ka athaq she riito.

NEHEMIA 13:15

Ngi raq kra akhing na, Juda wang na siti Israilnok raq, Asii Niitiitsak Ranaiq ranaiq na spiqtsi tsai ka tiikit nyat tlo chhikang. Kiimaq mungmaiqse abiti riika, püwong, che, spiqtsi, phupmuptsi, kiimaq laihin huk asam thun kra, tsangshiq kumtoq kaütiim raikhü na miirea chhikang. Raüta tsangshiq raq kra hupsam thun ka, Jerusalem na hoho tlo chhikang. Kra chhilatiishe, ngi raq tsangshiq ka kiq atsin maq ason riikang. Kiimaq Asii Niitiitsak Ranaiq ranaiq na jamlai phan min ari athii shata raamak nguta aming kuqkang.

NEHEMIA 9:14

Asii Niitiitsak Ranaiq ranaiq ka asii maq, lang ronglaq nguta, tsangshiq ma, ümniiraq shrinkuq wan laü. Kiimaq ümluqkhapse Mosheq lümaq, tsangshiq ma ümtri raü, khakuq wan laü.

DUNGWVNC 23:12

“Liipan shi wa ratrok na saüli min ka shiiqlaq. Shatmaq ramiishi ranaiq niika minshiiqkai maimak. Kra rii haütiq ümdise kong kiimaq pong mungti ümjaqshamti kra nai ümnyamse kong raq niitiitsak ahai miraq.

DUNGWVNC 31:12

Tatiwe raq Mosheq ma,

DUNGWVNC 35:1

Mosheq raq Israilnok mungmaiqse ka tlotli adam na triitam heato. Raüta tsangshiq ma nguto, “Tatiwe raq namshiq ma akha klo ronglaq nguta aming kuqto:

ISAIA 56:2

Ngi raq Niitiitsak ranaiq ka akhingtek na tri riikhaqli maq lang wanti, kra ranaiq ka tiisheshi makti ma achu mishman kuqha. Jurwa ashut klo makti ka Ngi raq achu mishman kuqha.”

ISAIA 58:13

Tatiwe raq ngutlo, “Namshiq raq Niitiitsak ranaiq ka asii ranaiq dea nguta shreng lantea langwan han jiila, kiimaq kra ranaiq na namshiq maiqmii miitu jaqsham man riihan jiila; kiimaq namshiq raq Ngi ma asii ranaiq kra athu atsin ma tiija hanla, kiimaq wanhiq na kiman maq, jaq shamki man maq, riimakla kra ranaiq hüti hiqli bom man riihanla,

JEREMIA 17:21

Tsangshiq ma chonglaq tsangshiq raq tsang rilung lungwiitlaq jiila, tsangshiq raq Asii Niitiitsak Ranaiq na hupsam ho maimak. Tsangshiq raq Asii Niitiitsak Ranaiq na jamlai phan hupsam jumin Jerusalem kilamchong thun maq howan maimak.

JEREMIA 17:22

Riimakla, tsangshiq maiqmii jam wa Asii Niitiitsak Ranaiq na chiiphai na hupsam hoho maimak. Kiimaq tsangshiq raq Asii Niitiitsak Ranaiq na jaqsham kai maimak. Ngi raq tsangtitiim ma aming kuqkang kra phan phan ara ranaiq ka asii ranaiq nguta lang ratlo.

JEREMIA 17:24

“Arnok ma chonglaq, tsangshiq raq Ngi raq kuqtiikang aming thun ka tlotli lang ratlo. Tsangshiq raq Asii Niitiitsak Ranaiq na arthun kilamchong maq hupsam ho raüta wa maimak. Tsangshiq raq Asii Niitiitsak Ranaiq ka asii ranaiq nguta lang ratlo. Kiimaq kra ranaiq na jamlai phan jaqsham min maimak dongdii.

EJEKIEL 20:20

Asii Niitiitsak Ranaiq ka asii hai ranaiq ma tiija ronglaq. Krai mren, arka nashiq liipan na tongshong wan kai kra miithii ma mija. Kiimaq Ngi ardea namshiq Tatiwe namshiq Shiikeawe nguta tsan na tiitsangshat maq miraq.

LEWI 19:3

Namshiq loweatek raq anyung nai awe ka shreng raa dongdii. Kiimaq Asii Niitiitsak Ranaiq ka Ngi raq namshiq ma aming kuq kang kra phan phan lang wan ratlo. Ngi ka Tatiwe namshiq Shiikeawe.

LEWI 19:30

Asii Niitiitsak Ranaiq ka lang ronglaq. Kiimaq Ngi shomnoq chang ba kra shreng ronglaq. Ngi ka Tatiwe.

LEWI 23:3

Namshiq raq minshiiq miitu ka ratrok asi. Shatmaq ramiishi ranaiq ka tsan na tiitsang ronglaq. Kriika Asii Niitiitsak Ranaiq. Kra ranaiq ka niitiitsak ranaiq. Kra ranaiq jaq naqsham rongkiq. Shatmaq noqku na riitam lanta shomnoq ronglaq. Asii Niitiitsak Ranaiq ka Tatiwe rii. Namshiq ka ümriiba na sihan jiimin, arka Tatiwe rii.

LEWI 26:2

Ngi shomnoq poi thun kra lang ronglaq. Kiimaq Ngi shomnoq chang hiq ba kra shreng lanta thüronglaq. Ngi ka Tatiwe.

WEAWEA 15:32

Israilnok ka rumnyangkhi bintang jüngi mung na siji na, ranaiqshi maiq weshi ka Asii Niitiitsak Ranaiq na chinkii riichom rea chhito.

TRI CHONGKE 5:12

“‘Asii Niitiitsak Ranaiq ka langlaq. Kiimaq asii thülaq. Ngi Tatiwe üm Shiikeawe raq aming kuqkang kra phan phan thülaq.