DUNGWVNC 20:8 - Hawa Naga Bible 2001

⁸ “Vguilc Raungnuiyq kuex vsawc raungc hvlc muex tvyaungc shuinz.

ASII LAKDAP Bible (BSI)

⁸ “Asii Niitiitsak Ranaiq ka aheawiq maq langlaq. Laüta asii thülaq.

DUNGWVNC 20:8 Referencias Cruzadas

RAPHA HIQWA LAK 2:2

Tishox rueq raungx mvshix raungnuiyq vpiq rueq shuimc juing htenc lotlaz tvlot vtueq, yauk shuimc kuex httvr tueq.

RAPHA HIQWA LAK 2:3

Kvkhoc raungx mvshix raungnuiyq tvdungc sungc yauk shuimc tvlot httvr tueq ningkhvnc nuex, Tishox rueq kvruex raungnuiyq kuex ruimruimx kuq ruiux, htep raungnuiyq muex tvyaungc tueq.

NEHEMIA 13:15

Kvruex baunglaung Yuda mungx miqsaz wvyvmc rueq Vguilc Raungnuiyq svpiq thuey sur wuez yaq. Vganc jix rueq tuiuz vtsvmz, svpiq tix, svpiq thuey, phuiuq muiuq thuey nuiyc vganc phvnx htenc kuex loze htauk nuex tvdaungc vtueq, tsuingshiq rueq Yerusalem nuex wvnc wuez yaq kuex ngaz rueq khiz tauk; kvkhoc ningkhvnc nuex Vguilc Raungnuiyq yvmx muinz shaungtaung muq tvkoc ngaz rueq honc ngoz tauk.

NEHEMIA 9:14

Mnoz rueq tsuingshiq muex mnoz Vguilc Raungnuiyq kuex vsawc ngoc tvkoc jungx kuq ruiux, mtvrac htenc kuex mnvrc waz Moshe maq raz tueq kuq toq.

DUNGWVNC 23:12

“Nuimshiq rueq jepat shiz wawc raungx tvruk kuex yauk shuimx shuinz, yuq muinz raungx mvshix raungnuiyq yauk nauk shuimx kaz, nuimshiq dax hez nuiyc nuimshiq muex yauk shuimc kuy jix pungnuk phvnx htenc, nuimshiq nyvmx saz htenc tauk nyec tvkuiyq m-guilc kueq.

DUNGWVNC 31:12

Yehowa rueq Israel miqsaz htenc muex

DUNGWVNC 35:1

Moshe rueq Israel miqsaz lotlaz tvtuimx gvl vtueq, “Vruex kuex nuimshiq rueq shuimc juing Yehowa rueq nvrc bomc rvtueq:

ISAIA 56:2

Vguilc Raungnuiyq kuex mkaq muinz phvnx vtueq kvruex raungnuiyq kuex tvshuy shac muq jix muex ruimrix kuq shaungx. Ngaz rueq layx vbac yvmx muinz shuimx muq jix muex ruimruimx kuq shaungx,” ngoz tueq.

ISAIA 58:13

Yehowa rueq, “Vguilc Raungnuiyq kuex vsawc rvtueq ikhoc mnoz rueq tvtsanc ruiux, kvruex raungnuiyq pvkac vlap thuiyx muq maq, ngvy vsawc raungnuiyq kuex mnoz rueq tvtsanc nganc ruiux, kvruex raungnuiyq mnuex muinz khuemx shamx muq, yauk shuimx muq, vjungc vphvnc aungx muq kvjaz htenc kvjak muit ngoz ruiux yuq,

JEREMIA 17:21

Tsuingshiq rueq tsuingshiq rullungx kuex lungwawx ruiux yuq, Vguilc Raungnuiyq tsuingshiq rueq yvmx muinz gurx pix mvy muq lvmz, Yerusalem kaluix lvmx maq hup vsvmx yvmx muinz pic wvnc mvy muq lvmz,

JEREMIA 17:22

Vguilc Raungnuiyq nuex miqmac yuimx wawc hup vsvmx yvmx muinz pic lvy mvy muq lvmz rvtueq. Tsuingshiq rueq Vguilc Raungnuiyq yauk shuimc mvy muq; Tsuingshiq jix vwaz tamx muex ngaz rueq nvr tauk rulc rv-ngvlc Vguilc Raungnuiyq kuex vsawc raungnuiyq ikhoc tsuingshiq rueq phvnc rax lvmx jungx shuiuz.

JEREMIA 17:24

“Tsuingshiq muex ngaz rueq nvr tauk lotlaz kuex phvnc tvkoc vruex miq htenc muex jungx shuiuz. Tsuingshiq rueq Vguilc Raungnuiyq vruex ghaqyungx kaluix lvmx vmaq yvmx muinz gurc pic lvy mvy muq. Tsuingshiq rueq vsawc raungnuiyq ikhoc Vguilc Raungnuiyq kuex phvnx vtueq yvmx yauk muinz shuimc mvy muq.

EJEKIEL 20:20

Vguilc Raungnuiyq kuex vsawc raungnuiyq tvyaungc shuinz, kvruex kuex naungshiq rueq tvhungx tiq bomkhvrc mv-httarc rvtueq, ngaz kuex Yehowa nuimshiq Tishox rvtauk lvmz nuimshiq muex tvhelc vphaungx.

LEWI 19:3

Miq pumz tek vtueq miqmac nyuiuz vwaz muex tvtsanc nganc rax, ngaz rueq nvr vphaungx rulc rv-ngvlc Vguilc Raungnuiyq kuex phvnc rax. Ngaz kuex Yehowa nuimshiq Tishox rvtauk.

LEWI 19:30

Vguilc Raungnuiyq kuex phvnx vtueq, ngaz muex nawk palx juing baung kvruex tvtsanc nganc shuinz. Ngaz kuex Yehowa rvtauk.

LEWI 23:3

Nuimshiq rueq raungx tvruk miqmac yauk shuimx shuinz, yuq muinz raungx mvshix kuex Vguilc Raungnuiyq rvtueq, nyec tvkuiyq guilc wuez kuinz. Kvruex raungnuiyq yauk nauk shuimx kaz, yuq muinz vdvmz nuex rvtuimx vtueq nawk palx wuez shuinz. Nuimshiq httax tuinx baung ruip saz nuex kvruex raungnuiyq kuex Yehowa tvkoc Vguilc Raungnuiyq rvtueq.

LEWI 26:2

Nawk palx htungx vlayx nuex seng vtueq moalx htenc kuex phvnc juing nawk palx juing baung nuex ngaz muex tvtsanc nganc shuinz. Ngaz kuex Yehowa rvtauk.

WEAWEA 15:32

Lauk shiz, Israel miqsaz kuex yaruix tvnx nuex httax tueq jauz Vguilc Raungnuiyq nuex miq vshiz rueq janx vhtuimx kuex khiz tueq.

TRI CHONGKE 5:12

“‘Yehowa nuimshiq Tishox rvtauk ngaz rueq nuimshiq muex nvr phaungx rulc rv-ngvlc, Vguilc Raungnuiyq kuex vsawc yaungc muex kvkhoc ruez shuinz.