DUNGWVNC 19:24 - ASII LAKDAP Bible (BSI)

²⁴ Tatiwe raq treto, “Ümniika satkikiq. Laüta Aron ka ümniirai ana sheakikiq. Shatmaq ramwebi nai mungmaiqse ka hiqtrai ka jin raüta ana Ngi phana wa maimak. Riimakla Ngi raq tsangshiq ma mo mitiihoha.”

Hawa Naga Bible 2001

²⁴ Yehowa rueq, “Mnoz svt kaz vtueq Arun kuex gvl wvnc loq. Yuq muinz shomc waz bix nuiyc miq htenc kuex ghaqruiy yanz vtueq, ngvy kox nuex duic waungc mvy muq, rvmuq ngoz ruiux ngaz rueq tsuingshiq muex murx tvgurc shaungx,” ngoz tueq jungx tueq.

DUNGWVNC 19:24 Referencias Cruzadas

1 KAÜWA WERAÜ 13:9

Raüta tsangshiq ka Chidon tahii wakram na tsam nichang ba kiijiishe saü wanto. Kiijaq minsaü pongwe nai ka atiithap riito. Kra ningkhan Ujja raq ajaq ka tliisaq raüta, Tongshong Tek ka kamsaq riito.

DUNGWVNC 19:12

Pumji tro na hiq ka arai laüta thübaiqlaq. Kra hiqrai ka mungmaiqse raq jin wa maimak. Kiimaq tsangshiq ka pum kiina düwa maimak nguta chonglaq. Kiimaq kra pumji tho kiijiimin aje niika khumwa maimak. Maiq ashi ra raq kiijaq ji maq niwa raüla, kriiwe ka tiitsailaq atsea baiq ratlo.

DUNGWVNC 19:25

Krai mren Mosheq ka mungmaiqse phana satkito. Raüta Tatiwe raq jamlai bom wa chongtaq kra tsangshiq ma chongkuqto.

DUNGWVNC 24:1

Tatiwe raq Mosheq ma nguto, “Pum na dü wan lanta Ngi phana wa rongra. Ümnaq rai Aron, Nadab, Abihu, kiimaq Israilnok welabi roq miishi kra shea wan laüta wara. Kiimaq namshiq ka phanshi alu lin miili hiq na bum lanta Ngi ka shomnoq ronglaq.

DUNGWVNC 24:9

Kiimaq Mosheq, Aron, Nadab, Abihu, kiimaq Israilnok welabi roqmiishi ka pum kiina wa wanto.

LEWI 10:3

Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

Matthew 11:12

Khamlamketi we Johan raq Ramungtan Tsütsa trahokuq wantaq kiimaq pha wan raüta, ümchaü ranaiq niitaq saüli, Ramungtan sham akai ka pinthum chiq are raq along aliiq li tiichamchao wanto.

Luke 13:24

“Namshiq ka kilü aranse kiimaq wawan miitu, kai shiikut ronglaq. Jamkhano ngukla, maiq pahea raq kra kilü lam maq jam mong na wawan hai jiilei nguta mitsin ngin. Shatmaq, jam mong na nyap wan lot mak miraq.

Luke 16:16

“Riita, Mosheq Thungtri nai shammibi lakdap na waiqtaq tri raü thun kriika, Khamlamketi we Johan pat na saüli li, maiqse raq lang wan raüta siwanto. Kra jai miishe ka, maiqse ma Shiikeawe Mungtan Tsütsa Ahea kriishe tiitai chongkuq kuqtlo. Kiimaq maiqse angu pumsiitek raq, Shiikeawe wokhong na shang wan tlo haijaq nguta, riishii riipan she warai wan tlo.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

Romans 4:15

Thungtri riika Shiikeawe tsankhiq walü kli tiinyii chaq wan tlo. Shatmaq, thungtri raütu ka ahü ngu raüka, thungtri jin wantlo nguta maiqse ma, kha nyan wan chang lamlu min ahü she hali mirwa.

Galatians 3:19

Riita, ikhiijiika, Shiikeawe raq, Mosheq lümaq Thungtri ka jamlai miituli she wa kuq wan nongta? Abraham ma kiqkham raüpot kuqtaq kra thaq na hali, Thungtri maq tiitsuq kuq wan nongtaq kriika, maiqse raq, ashut klo tlaq kriika, ashut dea nguta, tiichhike miitu she, Thungtri ka kuq wan nongto. Krai mren, ara Thungtri lang hekiilai howan arka, Abraham ma kiqkham raüpot khakuqtaq kra tiiku wan, Abraham se saükai akhing ranaiq na saüli lang wan miituli kuqto. Thungtri ka rasetiim ma tiikuq kito. Rasetiim bom tlü chongke wanti ka maiq weshi, Shiikeawe nai Israilnok liipan na ramwe jati we, Mosheq riito. Shiikeawe bomtsi ka Israilnok ma, Mosheq lü miishetiq chongkuq wanto.

Galatians 3:22

Shatmiitiq, Asii bomtsi na, mangjong maiqse tlotli ka, ngarai kharü mong na siisaq sitlo nguta chong tlo. Riita, ara ningkhan, Shiikeawe raq kongphiq mikuq ha nguta kiqkham kuqtaq kriika, jurwa Jesuq Khristo ma kamtlaq, kriiti miili, tsangshiq raq kamtsantsii thü wan tlaq kriithaq na seng raütiishe kuq tlo.

Hebrews 12:29

Jamkhano ngukla, nashiq Shiikeawe ka bunlak buncha khiim chaqti watu.

Hebrews 4:16

Riita ümchaü sanha, nashiq ka tsan asang miishe, Shiikeawe wokhong na tiisot laita, nyap wan rong i. Apaiq raq nashiq ka, apaiq kaphap khoqramkii maq keishat rüm tlo. Kiijaq nashiq ka, tiihang mangchan kiimaq kaphap mangchan tiiwong niishe misi rong i. Nashiq ma raa tlaq phan ka Shiikeawe raq mikhrum kuq.